దేవి శ్రీ ప్రసాద్ కూడా భయపడుతున్నాడు.. 40లోకి వచ్చినా పెళ్లొద్దట..ఎందుకంటే?

అసలైన రాక్ స్టార్.

దేవి శ్రీ ప్రసాద్ సంగీతం అంటే పసి పిల్లాడి నుంచి వృద్ధుల వరకు అందరూ ఒకే ఊపులో చిందేస్తారు. అంత స్టైలిష్ గా పాటలను కపోజ్ చేయగల దేవి ఇప్పటివరకు ఎలాంటి కాంట్రావర్సిలు లేకుండా సినిమా ఇండస్ట్రీలో తనకంటూ ఒక ప్రత్యేకమైన గుర్తింపు తెచ్చుకున్నాడు. పోటీగా ఎంతమంది సంగీత దర్శకులు వచ్చినా కూడా తనదైన శైలిలో సాంగ్స్ అందిస్తూ పోటీని ఇస్తున్నాడు.

సంగీతంతోనే లైఫ్.

మరో రెండు నెలలు గడిస్తే.. దేవి శ్రీ ప్రసాద్ 41లోకి వచ్చేస్తాడు. అయితే ఎందుకో గాని ఈ రాక్ స్టార్ పెళ్లి అంటేనే దూరంగా వెళ్లిపోతున్నాడు. పుట్టినప్పటి నుంచి ఎక్కువగా సంగీతంతోనే లైఫ్ ని కొనసాగిస్తున్నాడు. మంచి మ్యూజిక్ అందించాలని ఎప్పటికప్పుడు డిఫరెంట్ గా అడుగులు వేస్తున్నాడు. పెళ్లికి దూరంగా ఉంటూ సినిమాలకు మరింత దగ్గరవాడుతున్న దేవి పెళ్లిపై ఇటీవల ఒక క్లారిటీ ఇచ్చాడు.

ఆ ఒక్కటి అడగకండి..

లాక్ డౌన్ లో నెక్స్ట్ ప్రాజెక్టులకు సంబంధించిన ట్యూన్స్ సిద్ధం చేస్తున్న దేవి ఇక ఇంటర్వ్యూలో పెళ్లి పై మాట్లాడటానికి ఎక్కువగా ఇష్టపడ లేదు. పెళ్లెప్పుడు చేసుకోబోతున్నారు.. ఇంతవరకు ఎందుకు చేసుకోలేదు అంటే.. అలాంటి ప్రశ్నలు అడగవద్దని సమాధానం ఇచ్చాడు. ఆ ఒక్క సమాధానంతో పెళ్లి గురించి ప్రస్తుతం ఆలోచించడం లేదని దేవి చెప్పకనే చెప్పాడు.

ప్రయత్నాలు చేశారట

దేవి శ్రీ ప్రసాద్ పెళ్లి చేయాలని ఇంట్లో వాళ్ళు చాలా సార్లు ప్రయత్నాలు చేశారట. కానీ కెరీర్ సాకుతో ఎప్పటికప్పుడు ఈ మ్యూజిక్ డైరెక్టర్ రాగాలు తీస్తున్నాడట. దేవి శ్రీ ప్రసాద్ తమ్ముడు సాగర్ ఎప్పుడో పెళ్లి చేసుకున్నాడు. ఆయన సోదరి కూడా పెళ్లి చేసుకొని ఒక బాబుకు జన్మనిచ్చింది. మరో వైపు థమన్ కెరీర్ ని ఒక ట్రాక్ లో సెట్ చేసుకుంటూనే తన ఫ్యామిలీ లైఫ్ తో ఎంజాయ్ చేస్తున్నాడు. మరి దేవి శ్రీ ప్రసాద్ ఎప్పుడు పెళ్లి చేసుకుంటాడా చూడాలి.