నీ మొండితనం వల్లే అలా జరిగింది.. ఛార్మీపై పూరీ జగన్నాద్ కామెంట్

బ్లాక్ బస్టర్..

ఎక్కడో పోకిరి, బిజినెసెమేన్ వంటి చిత్రాల తరువాత అంతగా సక్సెస్ లేక ఆగిపోయిన పూరి జగన్నాద్‌కు ఇస్మార్ట్ ఊపిరిపోసింది. ఇస్మార్ట్ శంకర్ మాస్‌కు ఉన్న పవర్, కమర్షియల్ చిత్రాలకు ఉన్న స్టామినాను మరోసారి నిరూపించింది. పూరి జగన్నాద్, ఛార్మీలకు ఇస్మార్ట్ ఇచ్చిన బలం అంతా ఇంతా కాదు. ఏకంగా ప్యాన్ ఇండియా చిత్రాలను తెరకెక్కించేంత ధైర్యం వచ్చింది. నేటికి ఈ చిత్రం విడుదలై ఏడాది కావస్తుండగా.. పూరి ఎమోషనల్ అయ్యాడు.

నీ మొండితనమే..

ఇస్మార్ వార్షికోత్సవ సందర్భంగా సోషల్ మీడియా మొత్తం హోరెత్తిపోతోంది. ఈ సందర్భంగా పూరి సోషల్ మీడియాలో స్పందిస్తూ.. ఛార్మీపై ప్రశంసల వర్షం కురిపించాడు. ‘గత ఏడాది ఇదే రోజు ఓ పెద్ద పండగ.. ఎంతో కష్టపడే నా నిర్మాత ఛార్మీకి ధన్యవాదాలు. నీ మొండితనం వల్లే ఇస్మార్ట్ శంకర్ బ్లాక్ బస్టర్ అయింది. నిధి అగర్వాల్, నభా నటేష్, సత్య దేవ్.. చిత్రయూనిట్ మొత్తానికి థ్యాంక్స్' అని ఎమోషనల్ అయ్యాడు.

ఏక్ సాల్ హోగయా..

ఇస్మార్ట్ శంకర్ విడుదలై ఏడాది అయినందుకు రామ్ స్పందిస్తూ.. ‘మామా.. ఏక్ సాల్ హో గయా.. జయాపజయాల గురించి ఆలోచించకు.. అభిప్రాయాల గురించి అసలే ఆలోచించకు... నీకు నచ్చినట్టుగా, నిన్ను సంతోషంగా ఉంచే వాటి గురించి మాత్రమే ఆలోచించు.. ఇస్మార్ట్ శంకర్ నాకెప్పుడూ ప్రత్యేకమే' అంటూ ఎమోషనల్ అయ్యాడు.

Recommended Video

Vijay Devarakonda Gets Herat Touching Birthday Wishes

లిటిల్ బాస్..

ఇస్మార్ట్ విజయం వెనుకున్న వారిని ప్రశంసించిన రామ్.. ‘ప్రతీ రోజూ ఎంతో కష్టపడి పని చేసిన మా లిటిల్ బాస్ నిర్మాత ఛార్మీకి థ్యాంక్స్.. హాట్ హాటర్ హాటెస్ట్ నిధిఅగర్వాల్‌, మై క్రేజీ చాందినీ మీరే ఫైర్.. సత్యదేవ్ చాలా ప్రతిభావంతుడైన నటుడు.. మణిశర్మ గారు అద్భుతమైన సంగీతాన్ని అందించాడ'ని ప్రతీ ఒక్కరిని పొగిడాడు.