ఆకాష్‌ను చూసి షాకయ్యాను: ‘మెహబూబా’పై ప్రభాస్ కామెంట్

పూరి సినిమాలు అసలు ఇలా ఉండవు: ప్రభాస్

‘మెహబూబా' ట్రైలర్ చాలా ఇంట్రెస్టింగ్‍‌గా ఉంది. షాకింగ్ ఏమిటంటే... పూరి సినిమాలు అసలు ఇలా ఉండవు. ఆయన సినిమాలు ఎక్కువగా హీరో క్యారెక్టరైజేషన్ మీద ఉంటుంది. సడెన్‌గా ఈ సినిమాలో బ్యూటిఫుల్ విజువల్స్ కనిపిస్తున్నాయి. వార్ బ్యాక్ డ్రాప్, వార్ ప్లేన్స్ కనిపిస్తున్నాయి. ఇదే విషయం పూరికి ఫోన్ చేసి చెప్పాను. ట్రైలర్ నాకు బాగా నచ్చింది. అంటూ పూరి డార్లింగ్‌కు ఆల్ ది బెస్ట్ చెప్పారు ప్రభాస్.

ఆకాష్‌ను చూడగానే షాకయ్యాను

ఆకాష్‌ను చూడగానే షాకయ్యాను. బుజ్జిగాడులో నా యంగ్ వెర్షన్ ఆకాష్ చేశాడు. ఈ రోజు హీరో అయ్యాడు. చాలా సంతోషంగా ఉంది. ట్రైలర్లో చాలా ఇంప్రెస్ చేశాడు. పెర్ఫార్మెన్స్, వాయిస్, డైలాగ్ డెలివరీ సూపర్బ్ అనేలా ఉన్నాయి. ఆకాష్ ఫస్ట్ ఫిల్మ్ చాలా పెద్ద హిట్ అవ్వాలని కోరుకుంటున్నాను. మెహబూబా టీం, ఆకాష్, పూరి డార్లింగ్ కు ఆల్ ది బెస్ట్. ఆకాష్ మా ఫ్యామిలీలో ఒకరు, చాలా పెద్ద స్టార్ అవ్వాలని కోరుకుంటున్నాను అని ప్రభాస్ ఆకాంక్షించారు.

మెహబూబా

పూరి జగన్నాథ్ దర్శకత్వంలో ఆకాష్ పూరి, నేహా శెట్టి జంటగా లావణ్య సమర్పణలో పూరి జగన్నాథ్‌ టూరింగ్‌ టాకీస్‌ పతాకంపై రూపొందుతున్న చిత్రం 'మెహబూబా'. మే 11న సమ్మర్‌ స్పెషల్‌గా 'మెహబూబా' ప్రపంచవ్యాప్తంగా విడుదల కానుంది.

ఇంటిని అమ్మేసిన పూరి

‘మెహబూబా' సినిమా కోసం తన ప్రాపర్టీల్లో ఒకటైన ఇంటిని పూరి జగన్నాధ్ అమ్మేశారట. కొడుకును హీరోగా నిలబెట్టే సినిమా కావడం, తాను రాసుకున్న కథపై పూర్తి నమ్మకం ఉండటంతో ఈ రిస్క్ చేశాడు. తనకు ఇలాంటివి కొత్తేమీ కాదని, ఎన్నోసార్లు డబ్బు పోగొట్టుకున్నాను. మళ్లీ సంపాదించుకున్నాను. రిస్క్ చేయకపోతే జీవితంలో ఏమీ సాధించలేం అని పూరి అన్నారు.