Don't Miss!
- Technology ధర రూ.9,999 కే 108MP కెమెరా, 8GB ర్యామ్ స్మార్ట్ఫోన్.. కొనుగోలుపై స్మార్ట్వాచ్ ఉచితం..!
- Finance Swiggy IPO: ఐపీఓగా రానున్న స్విగ్గీ..!
- News ప్రధాని మోదీ, రాహుల్ గాంధీలకు షాక్; కోడ్ ఉల్లంఘనలపై ఈసీ నోటీసులు
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Lifestyle వేసవిలో మైగ్రేన్ తలనొప్పి ఎందుకు పెరుగుతుంది, లక్షణాలు, ఉపశమనం ఎలా పొందాలో తెలుసుకోండి
- Sports SRHను చూస్తే భయమేస్తోంది- పాక్ దిగ్గజం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
పూరి పార్టీలో ప్రభాస్ కూడా చిందేసాడా...
హైదరాబాద్: దర్శకుడు పూరి జగన్నాథ్ ఇటీవల తన 49వ పుట్టినరోజు సందర్భంగా సినిమా పరిశ్రమలోని తన సన్నిహితులకు గ్రాండ్ పార్టీ ఇచ్చిన సంగతి తెలిసిందే. పార్టీలో మందు, విందుతో పాటు అతిథులను రంజింప చేసేందుకు ఫారిన్ బ్యూటీలతో బెల్లీ డాన్స్ కార్యక్రమం కూడా ఏర్పాటు చేసినట్లు సమాచారం.
పూరి జగన్నాథ్ కు చాలా క్లోజ్ గా ఉండేవారంతా ఈ పార్టీకి హాజరయ్యారు. ప్రభాస్, చార్మి, తేజస్వి మదివాడ, బివిఎస్ రవి, రామ్ గోపాల్ వర్మ లాంటి వారు ఆ పార్టీలో పాల్గొని పార్టీని బాగా ఎంజాయ్ చేసినట్లు తెలుస్తోంది. పూరికి చాలా క్లోజ్గా ఉండే కొందరు జర్నలిస్టులు కూడా ఈ స్పెషల్ పార్టీలో పాల్గొన్నట్లు తెలుస్తోంది. అందులో కొందరు ఈ పార్టీకి సంబంధించిన విషయాలను ట్విట్టర్ ద్వారా వెల్లడించారు.
పార్టీకి సంబంధించిన కొన్ని వీడియోలు కూడా బయటకు లీక్ అయ్యాయి. ఆ వీడియోలు ఇప్పటికే ఇంటర్నెట్లో వైరల్ లా వ్యాపించాయి. రామ్ గోపాల్ వర్మ పార్టీని ఎంజాయ్ చేస్తున్న వీడియో బయటకు వచ్చిన సంగతి తెలిసిందే. ఈ పార్టీలో ప్రభాస్ డాన్స్ చేస్తున్న వీడియో కూడా లీకైంది. అయితే ఆ వీడియో యూట్యూబ్ లో అప్ లోడ్ అయిన కొంత సేపటికే దాన్ని తొలగించారు. ప్రభాస్ ఇమేజ్ డ్యామేజ్ అవుతుందనే ఉద్దేశ్యంతోనే ఈ వీడియో తొలగించినట్లు తెలుస్తోంది.
ఇప్పటికే రామ్ గోపాల్ వర్మకు సంబంధించిన వీడియో బయటకు లీక్ అవ్వడం వివాదాస్పదం అయింది. పూరి తన బర్త్ డే పార్టీని పర్సనల్ గా జరుపుకున్నారు. అయితే లీకైన వీడియోలు ఇంటర్నెట్లో లీక్ అవ్వడంతో అంతా షాక్ అయ్యారు.