పూరి జగన్నాథ్ ఫేస్ బుక్ పోస్ట్ హాట్ టాపిక్

హైదరాబాద్: పూరి జగన్నాథ్ చేసిన ఓ ఫేస్ బుక్ పోస్ట్ సోషల్ మీడియాలో హాట్ టాపిక్ అయింది. ఇండోనేషియాలోని బాలీ బీచ్ లో యోగా ప్రోగ్రాం అంటూ ఆయన ఓ ఫోటో పోస్టు చేసారు. అయితే దీనిపై కొందరు స్పందిస్తూ ఇది యోగా కాదు...‘ఇంద్రియా భోగా' అంటూ కొందరు విమర్శలకు దిగారు. వందలాది కామెంట్స్ వస్తున్నాయి.

ప్రస్తుతం పూరి దర్శకత్వంలో వహిస్తున్న ‘లోఫర్' సినిమా వివరాల్లోకి వెళితే..
పూరీ జగన్నాథ్‌ దర్శకత్వంలో వరుణ్‌తేజ్‌ హీరోగా రూపుదిద్దుకున్న చిత్రం 'లోఫర్‌'. ఇటీవల యూట్యూబ్‌లో విడుదలైన ఈ చిత్రం ట్రైలర్‌కు విశేష స్పందన లభిస్తోంది. సీకే ఎంటర్‌టైన్‌మెంట్‌ బ్యానర్‌పై తెరకెక్కించిన ఈ చిత్రంలో రేవతి, పోసాని కృష్ణమురళీ ప్రధాన పాత్రలు పోషించారు.

ప్రస్తుతం ఈ చిత్రం పోస్ట్ ప్రొడక్షన్ కార్యక్రమాలు శర వేగంగా జరుగుతున్నాయి. ఫెమినా మిస్ ఇండియా 2013 రన్నరప్ దిషా పతాని ఈ చిత్రంలో వరుణ్ తేజ్ కి జోడీగా నటిస్తోంది. ఇందులో వరుణ్ తేజ్ గతంలో కంటే డిపరెంటుగా చూపించబోతున్నాడు. బ్రహ్మానందం, రేవతి, పోసాని, ముఖేష్‌ రుషి, సంపూర్ణేష్‌బాబు, సప్తగిరి, పవిత్రలోకేష్‌, ఉత్తేజ్‌, భద్రమ్‌ తదితరులు నటించారు. సంగీతం: సునీల్‌ కశ్యప్‌. ఈ చిత్రంలో చరణ్ దీప్‌ విలన్ పాత్రలో నటిస్తున్నారు. యాక్షన్ ఎంటర్ టైనర్‌గా తెరకెక్కుతున్న ఈ చిత్రం మదర్ సెంటిమెంట్ కథాంశంగా రూపొందుతోంది.