ఫ్రెండ్ షిప్‌కు వాల్యూ ఇచ్చే మనిషి, జై బాలయ్య.. మెహబూబా తీసిందే అందుకు.. పూరి!

అంతా మెచ్చుకుంటున్నారు

ఈ చిత్ర ప్రీమియర్ షోని యూఎస్ ఆడియన్స్ తో కలసి చూశామని పూరి అన్నారు. యూఎస్ ఆడియన్స్ నుంచి మంచి స్పందన వచ్చింది. సంగీతం, ప్రొడక్షన్ వాల్యూస్ ని అంతా మెచ్చుకుంటున్నారని పూరి జగన్నాథ్ అన్నారు.

తెలుగు రాష్ట్రాల్లో కూడా

తెలుగు రాష్ట్రాల్లో కూడా మెహబూబా చిత్రానికి మంచి స్పందన వస్తోందని అన్నారు. సినిమాని నాలుగు సార్లు, ఐదుసార్లు చూసిన వారిని కూడా కలిశానని పూరి జగన్నాథ్ అన్నారు.

సినిమా తీసిందే అందుకు

ఈ చిత్రానికి మంచి రివ్యూలతో పాటు బ్యాడ్ రివ్యూలు కూడా వస్తున్నాయని పూరి తెలిపాడు. కానీ బ్యాడ్ రివ్యూలలో కూడా ఆకాష్ పూరి చాలా బాగా చేసాడని ప్రశంసిస్తున్నట్లు పూరి అన్నారు. తాను ఈ చిత్రాన్ని చేసిన ఉద్దేశమే అది అని పూరి తెలపడం విశేషం. తాను రెగ్యులర్ సినిమాలు చేస్తే పూరి అవే తీస్తున్నాడని అంటారు. ఇలాంటి సినిమాలు తీస్తే పూరి మార్క్ మిస్ అయిందని అంటున్నారని తెలిపాడు.

మనసు పెట్టి తీసిన చిత్రం

తాను మనసు పెట్టి తీసిన చిత్రం ఈ మెహబూబా అని పూరి తెలిపాడు. కేవలం ఆకాష్ పూరి మాత్రమే కాదు.. నేహా శెట్టి, ఇతర నటీనటులు అందరూ చాలా బాగా చేసారని పూరి తెలిపాడు.

జై బాలయ్య

ఈ చిత్రాన్ని ఆడియో వేడుక నిర్వహించలేదని, అందరికి థాంక్స్ చెప్పుకునే అవకాశం రాలేదని పూరి అన్నారు. ఈ సందర్భంగా పూరి బాలయ్యకు కృతజ్ఞతలు తెలియజేసారు. చిత్రం ప్రారంభం అయినప్పటి నుంచి సినిమా విశేషాల్ని ఫోన్ చేసి మరీ బాలకృష్ణ తెలుసుకున్నారని పూరి అన్నారు. ఫ్రెండ్ షిప్ కు వాల్యూ ఇచ్చే మనిషి బాలయ్య అని, జై బాలయ్య అంటూ తన ప్రసంగాన్ని ముగించారు.