విజయ్ దేవరకొండ లైగర్.. బడ్జెట్ విషయంలో మొదటిసారి హద్దులు దాటుతున్న పూరి జగన్నాథ్

మొదటిసారి బిగ్ మూవీ

పూరి జగన్నాథ్ తన 20ఏళ్ల సినిమా కెరీర్ లో దాదాపు టాలీవుడ్ ఇండస్ట్రీలో అగ్ర హిరోలందరితో వర్క్ చేశాడు. ఆఖరికి బాలీవుడ్ లో అమితాబ్ బచ్చన్ తో కూడా ఒక సినిమా చేశాడు. అయితే గతంలో ఎప్పుడు లేని విధంగా ఈ దర్శకుడు పాన్ ఇండియా సినిమాను డైరెక్ట్ చేస్తున్నాడు. రౌడీ స్టార్ విజయ్ దేవరకొండతో లైగర్ అనే సినిమాను భారీ స్థాయిలో తెరకెక్కిస్తున్నాడు.

అంచనాలకు తగ్గట్లుగానే

సోమవారం పూరి జగన్నాథ్ లైగర్ సినిమాకు సంబంధించిన ఫస్ట్ లుక్ పోస్టర్ ను విడుదల చేసిన విషయం తెలిసిందే. అయితే సినిమాకు సంబంధించిన బడ్జెట్ ఎంత అనేది ఇప్పుడు హాట్ టాపిక్ గా మారింది. విజయ్ కూడా ఇంతవరకు బడ్జెట్ విషయంలో లిమిట్స్ అయితే దాటలేదు. మొదటిసారి చేస్తున్న పాన్ ఇండియా సినిమా కాబట్టి అంచనాలకు తగ్గట్లుగానే సినిమాను రెడీ చేస్తున్నారు.

లిమిట్స్ దాటక తప్పలేదు

పూరి జగన్నాథ్ ఎంత పెద్ద స్టార్ హీరోతో సినిమా చేసినా కూడా ఇంతవరకు 60కోట్ల బడ్జెట్ ను పెద్దగా దాటింది లేదు. కథను బట్టి సినిమాకు ఎంత అవసరమో అంతే ఖర్చు చేస్తుంటారు. కానీ లైగర్ సినిమాకు లిమిట్స్ దాటక తప్పలేదు. మరోవైపు కరణ్ జోహార్ కూడా సినిమా ప్రొడక్షన్ లో బాగమవుతున్న విషయం తెలిసిందే.

మొత్తం బడ్జెట్ ఎంతంటే..

ఇక లైగర్ సినిమా కోసం మొత్తం రూ.110కోట్ల వరకు ఖర్చు చేయనున్నారట. కేవలం ఇది ఒక అంచనా మాత్రమేనని తెలుస్తోంది. అవసరం అయితే మరికొంత. పెరిగే ఛాన్స్ ఉందట. కేవలం పూరి కెరీర్ లోనే కాకుండా విజయ్ కెరీర్ లో కూడా ఇదే హయ్యెస్ట్ బడ్జెట్ మూవీ. మరి లైగర్ నిజంగా పాన్ ఇండియా రేంజ్ లో హిట్ అందుకుంటుందో లేదో చూడాలి మరి.