బాలయ్య 101: పూరి జగన్నాథ్ కూతురు కూడా....

అసిస్టెంట్ డైరెక్టర్‌గా

సినీ వర్గాల నుండి అందుతున్న సమాచారం ప్రకారం పూరి జగన్నాథ్ దర్శకత్వంలో తెరకెక్కుతున్న బాలయ్య 101వ చిత్రానికి... ఆయన కూతురు అసిస్టెంట్ డైరెక్టర్ గా పని చేస్తున్నట్లు సమాచారం.

పూరి ప్రోత్సాహం

సినిమా రంగంలోకి రావాలని పవిత్ర ఆశ పడటంతో ముందు అసిస్టెంట్ డైరెక్టర్‍‌గా చేరాలని, తద్వారా సినిమా రంగంలోకి వివిధ శాఖలపై మంచి గ్రిప్ వస్తుందని, ఆ తర్వాత నీకు ఏ డిపార్టుమెంటు ఇష్టమైతే దాన్ని కెరీర్ గా ఎంచుకోవాలని పూరి ప్రోత్సహించాడట. మరో వైపు పూరి కొడుకు ఆకాష్ హీరోగా రాణించేందుకు ప్రయత్నాలు చేస్తున్న సంగతి తెలిసిందే.

బాలయ్య 101

టైటిల్ ఇంకా ఖరారు కాని ‘బాలయ్య 101' సినిమా షూటింగ్ ప్రస్తుతం పోర్చుగల్‌లో జరుగుతోంది. జూన్ రెండో వారంలో అక్కడ షూటింగ్ పూర్తి చేసుకుని ఇండియాకు తిరిగి రానుంది.

రిలీజ్ డేట్

త్వరలో ఈ సినిమాకు టైటిల్ ఖరారు చేస్తూ ఫస్ట్ లుక్ విడుదల చేయబోతున్నారు. సెప్టెంబర్ 29న సినిమాను విడుదల చేసేందుకు ప్లాన్ చేస్తున్నారు.