జనసేన పార్టీ ఓ కులసేన.. మళ్ళీ రెచ్చిపోయిన శ్రీరెడ్డి, ఇదే నిదర్శనం.. ఫ్యాన్స్ కౌంటర్!

రాజకీయంగా టార్గెట్

శ్రీరెడ్డికి పబ్లిసిటీ కల్పించే పనిని ఆయా మీడియా సంస్థలు పూర్తిగా మానేశాయి. దీనితో శ్రీరెడ్డి వ్యాఖ్యలు కేవలం సోషల్ మీడియాకు మాత్రమే పరిమితం అవుతున్నాయి. కాస్టింగ్ కౌచ్ పై పోరాటం అంటూ మొదలు పెట్టిన శ్రీరెడ్డి ప్రస్తుతం పవన్ కళ్యాణ్ ని వ్యక్తిగతంగా, రాజకీయంగా టార్గెట్ చేయడం వెనుక ఎవరు ఉన్నారంటూ ఆయన అభిమానులు సంధిస్తున్న ప్రశ్న.

ఫ్యాన్స్‌కి పదవులు

జనసేన పార్టీలో కనీసం కొన్ని పదవులైనా అభిమానులకు ఇచ్చి ఉండాల్సిందని శ్రీరెడ్డి అభిప్రాయ పడుతోంది. పవన్ కళ్యాణ్ బలం అభిమానులు మాత్రమే అని చెబుతోంది.

సంచలన వ్యాఖ్యలు

ఈ క్రమంలో జనసేన పార్టీపై శ్రీరెడ్డి సంచలన వ్యాఖ్యలు చేసింది. ఆ పార్టీని కుల సేన పార్టీ అని ఎందుకు అంటున్నారో ఇదే నిదర్శనం అని శ్రీరెడ్డి తన పేస్ బుక్ పేజ్ లో పోస్ట్ పెట్టింది.

కీలక పదవులన్నీ వారికే

జనసేన పార్టీలో ఉన్న కీలక పదవులన్నీ పవన్ కళ్యాణ్ తన సామజిక వర్గం వారికే కట్టబెట్టారని ఆ పార్టీలో భాద్యతలు వహిస్తున్న వారి పేర్లు ప్రస్తావించింది. పార్టీలో ఉన్న అత్యంత కీలక పదవులనుంచి జిల్లా ఇంఛార్జుల వరకు పవన్ కళ్యాణ్ తన సామజిక వర్గంతో నింపేసారని శ్రీరెడ్డి ఆరోపిస్తోంది.

దేనికి నిదర్శనం

తమ పార్టీ కులాలకు అతీతం అని చెబుతున్న పవన్ కళ్యాణ్ ఇలా చేయడం దేనికి నిదర్శనం అని శ్రీరెడ్డి ఆరోపిస్తోంది. జనసేన పార్టీలో అధికార ప్రతినిధులు, ఇతర పదవుల్లో ఉన్న వారి పేర్లని శ్రీరెడ్డి ప్రస్తావించడం సంచలనంగా మారింది.

కాస్టింగ్ కౌచ్ పోరాటం ఏమైంది

పవన్ కళ్యాణ్ ఫాన్స్ కూడా అంతే ఘాటుగా స్పందిస్తున్నారు. శ్రీరెడ్డి మొదలు పెట్టిన కాస్టింగ్ కౌచ్ పోరాటం ఏమైందని ప్రశ్నిస్తున్నారు. పవన్ కళ్యాణ్ రంగంలోకి దిగాక శ్రీరెడ్డికి మీడియా నుంచి పబ్లిసిటీ కరువైంది. అందువలనే ఆమె పవన్ కళ్యాణ్ ని వ్యక్తిగతంగా, రాజకీయంగా టార్గెట్ చేస్తోందని పవన్ ఫ్యాన్స్ కౌంటర్ ఇస్తున్నారు.

వారి లిస్టు కూడా

ఏపీలో ఉన్న ఇతర పార్టీలలో వారి అధినేతల సామజిక వర్గాలకు చెందిన వారు ఎంతమంది ఉన్నారో కూడా శ్రీరెడ్డి వివరించాలని, ఆ లిస్టుని కూడా విడుదల చేస్తే అసలు విషయం తెలుస్తుందని పవన్ ఫాన్స్ అంటున్నారు.