Official: విజయ్ దేవరకొండ 'లైగర్' రిలీజ్ డేట్ ఫిక్స్.. రౌడి స్టార్ హై వోల్టేజ్ లుక్ వైరల్

మొదటిసారి పాన్ ఇండియా..

డేరింగ్ అండ్ డ్యాషింగ్ డైరెక్టర్ పూరి జగన్నాథ్ 20ఏళ్ల సినిమా కెరీర్ లో దాదాపు అగ్ర హిరోలందరితో వర్క్ చేశాడు. అయితే గతంలో ఎప్పుడు లేని విధంగా ఈ దర్శకుడు పాన్ ఇండియా సినిమాను డైరెక్ట్ చేస్తున్నాడు. రౌడీ స్టార్ విజయ్ దేవరకొండతో లైగర్ అనే సినిమాను భారీ బడ్జెట్ తో తెరకెక్కిస్తున్నాడు. గత వారం లైగర్ సినిమాకు సంబంధించిన ఫస్ట్ లుక్ పోస్టర్ ను విడుదల చేసిన విషయం తెలిసిందే.

న్యూ పోస్టర్ తో రిలీజ్ డేట్..

ఇక ఫైనల్ గా సినిమా రిలీజ్ డేట్ ను కూడా ఎనౌన్స్ చేశారు. సెప్టెంబర్ 9న గ్రాండ్ గా విడుదల చేయాలని ఫిక్స్ అయ్యారు. నిన్నటి నుంచి జూన్ లేదా జూలైలో సినిమా విడుదల కావచ్చని టాక్ వచ్చింది కానీ ఇప్పుడు చిత్ర యూనిట్ సరికొత్త డేట్ ను ఎనౌన్స్ చేసి అభిమానులకు మంచి కిక్ ఇచ్చింది. ఇక విజయ్ న్యూ పోస్టర్ లో హై వోల్టేజ్ లుక్కుతో దర్శనమిచ్చాడు.

లిమిట్స్ దాటేస్తున్నారు..

అయితే సినిమా బడ్జెట్ విషయంలో కూడా అనేక రకాల రూమర్స్ వస్తున్నాయి. విజయ్ కూడా ఇంతవరకు బడ్జెట్ విషయంలో లిమిట్స్ అయితే దాటలేదు. మొదటిసారి చేస్తున్న పాన్ ఇండియా సినిమా కాబట్టి అంచనాలకు తగ్గట్లుగానే సినిమాను రెడీ చేస్తున్నారు. సినిమాను వీలైనంత త్వరగా పూర్తి చేయాలనే టార్గెట్ పెట్టుకోవడం వల్ల బడ్జెట్ నెంబర్లు కూడా పేరిగినట్లు టాక్

మొత్తం బడ్జెట్ ఎంతంటే..

ఇక సినిమాని హిందీలో కరణ్ జోహార్ భారీ స్థాయిలో విడుదల చేయాలని ప్లాన్ చేస్తున్నాడు. అన్ని భాషల్లో ఒకేసారి రిలీజ్ చేయాలని అనుకుంటున్నారు. మరి అనుకున్న సమయానికి పూరి సినిమాను రెడీ చేస్తాడో లేదో చూడాలి. ఇక లైగర్ సినిమా కోసం మొత్తం రూ.110కోట్ల వరకు ఖర్చు చేయనున్నారట. కేవలం ఇది ఒక అంచనా మాత్రమేనని తెలుస్తోంది. అవసరం అయితే మరికొంత పెరిగే ఛాన్స్ ఉందట. కేవలం పూరి కెరీర్ లోనే కాకుండా విజయ్ కెరీర్ లో కూడా ఇదే హయ్యెస్ట్ బడ్జెట్ మూవీ.