Click it and Unblock the Notifications
OTTలోకి మోస్ట్ డేంజరస్ హౌస్ వైఫ్ వచ్చేస్తుంది.. స్ట్రీమింగ్ ఎప్పుడంటే?
సీనియర్ నటి ప్రియమణి ప్రధాన పాత్రలో నటించిన డార్క్ క్రైమ్ కామెడీ థ్రిల్లర్ 'భామాకలాపం'. అభిమన్యు డైరెక్ట్ చేసిన ఈ చిత్రం గతేడాది 'ఆహా' వేదికగా రిలీజై మంచి విజయాన్ని అందుకుంది. ఇప్పుడిదే చిత్రానికి సీక్వెల్గా 'భామాకలాపం 2' రాబోతున్న సంగతి తెలిసిందే. త్వరలోనే ఇది ప్రేక్షకుల ముందుకు రానుంది. ఈ నేపథ్యంలో మేకర్స్ ఈ చిత్ర టీజర్ను రిలీజ్ చేశారు. అలాగే ప్రీమియర్స్ స్ట్రీమింగ్ డేట్ను కూడా అనౌన్స్ చేశారు. వివరాల్లోకి వెళితే..
నూరుశాతం తెలుగు ఓటీటీ ప్లాట్ఫామ్గా పేరొందిన ఆహా గురించి ప్రత్యేక చెప్పనక్కర్లేదు. తెలుగు ప్రేక్షకులకు ఎప్పటికప్పుడు సరికొత్త ఎంటర్టైన్మెంట్ ఫన్ను అందిస్తూనే ఉంటుంది. సినిమా, సిరీస్లను విడుదల చేస్తూ ఆడియెన్స్ను ఎంటర్టైన్ చేస్తుంది. అందులో భాగంగానే విలక్షణ నటి ప్రియమణి ప్రధాన పాత్రలో నటించిన 'భామా కలాపం ' చిత్రాన్ని అందించింది. 2022లో విడుదలైన ఈ చిత్రం సూపర్ సక్సెస్ అవ్వడంతో పాటు ప్రియామణికి నటనా పరంగా మంచి క్రేజ్ దక్కింది. నాలుగు మిలియన్స్కు పైగా వ్యూస్ను సాధించి రికార్డ్ కూడా క్రియేట్ చేసింది.
దీంతో ఆహా ఇప్పుడు రెండో భాగాన్ని కూడా అందించేందుకు రెడీ అయింది. ఈ చిత్రాన్ని బాపినీడు, సుధీర్ ఈదర సంయుక్తంగా నిర్మించారు. సీరత్ కపూర్, రఘు ముఖర్జీ, బ్రహ్మాజీ తదితరులు ఇతర కీలక పాత్రల్లో నటించారు. ఇప్పటికే విడుదలైన గ్లింప్స్ను కూడా బాగా ఆకట్టుకుంది. ప్రియమణి, శరణ్య సస్పెన్స్ డైలాగ్స్తో ప్రేక్షకుల్లో భామాకలాపం 2పై మరింత ఆసక్తిని పెంచారు మేకర్స్.
అయితే ఇప్పుడు మేకర్స్.. ప్రీమియర్స్ స్ట్రీమింగ్ డేట్ను అనౌన్స్ చేశారు. ఫిబ్రవరి 16 నుంచి స్ట్రీమింగ్ కానున్నట్లు తెలిపారు. అలాగే టీజర్ను కూడా విడుదల చేశారు. 'అను మనం వదిలి వెళ్తుంది మన పాత ఇంటినే కాదు నీ తప్పుల్ని కూడా' అనే చెప్పే డైలాగ్తో ఈ టీజర్ ప్రారంభమైంది. ఆ తర్వాత 'అనుపమ అనే నేను పక్కన వాళ్ల విషయంలో తలదూర్చనని, నా పని నేను చేసుకుంటూ ప్రశాంతంగా ఉంటానని మాట ఇస్తున్నాను' అంటూ ప్రియమణి చెప్పడం కానీ ఆ తర్వాత ఏదో మర్డర్ మిస్టరీలోకి ఇరుక్కోవడం వంటి చూపించారు.
ఇకపోతే ఈ మధ్య కాలంలో ప్రియమణి ఎక్కువగా ఓటీటీ సినిమాలు, వెబ్ సిరీసుల్లో నటిస్తున్న సంగతి తెలిసిందే. ది ఫ్యామిలీ మ్యాన్ ఫ్రాంచైజీ, సర్వం శక్తిమయం వంటి సిరీసులు చేసి బాగా గుర్తింపు తెచ్చుకుంది. అలాగే రీసెంట్గా జవాన్లోనూ కీలక పాత్ర పోషించి ఆకట్టుకుంది. ఇక దేవర చిత్రంలోనూ జాన్వీకపూర్కు అమ్మగా కనిపించనుందని టాక్ వినిపిస్తోంది.
Continue with Google