ఆస్కార్ విన్నర్.. సుస్వరాల స్వరవాణి కీరవాణి బర్త్ డే సంద‌ర్భంగా ఆయ‌న గురించి కొన్ని విశేషాలు..!

కీర‌వాణి సంగీత ద‌ర్శ‌కుడిగా త‌న సినీ ప్ర‌యాణాన్ని చ‌క్ర‌వ‌ర్తి ద‌గ్గ‌ర ప్రారంభించారు. అలాగే మ‌ల‌యాళ సంగీత ద‌ర్శ‌కుడు రాజ‌మ‌ణి ద‌గ్గ‌ర కూడా కొంత కాలం వ‌ర్క్ చేశారు. 1990లో క‌ల్కి అనే ఇండిపెండెంట్ మూవీకి సంగీత ద‌ర్శ‌కుడిగా బాధ్య‌త‌లు నిర్వ‌హించిన‌ప్పటికీ అది రిలీజ్ కాలేదు. అయితే అదే ఏడాది ఆయ‌న మ్యూజిక్ చేసిన మ‌న‌సు మ‌మ‌త ఆయ‌న‌కు మంచి గుర్తింపును తెచ్చిపెట్టింది. రామ్ గోపాల్ వ‌ర్మ ద‌ర్శ‌క‌త్వంలో రూపొందిన క్ష‌ణ‌క్ష‌ణంలోని సాంగ్స్ బ్లాక్ బ‌స్ట‌ర్ కావ‌టంతో కీర‌వాణి పేరు మారుమోగిపోయింది. అక్క‌డి నుంచి ఆయ‌న వెనుదిరిగి చూసుకోలేదు. 200కి పైగా సినిమాల‌కు వ‌ర్క్ చేశారు. ఇంకా త‌న‌దైన సంగీతంతో ఆక‌ట్టుకుంటూనే  ఉన్నారు. 

శివ‌శ‌క్తి ద‌త్తా, విజ‌యేంద్ర ప్ర‌సాద్‌లు సినీ రంగంలో ఉన్న‌ప్ప‌టికీ కీర‌వాణి త‌న‌దైన మార్గాన్ని ఎంచుకున్నారు. వారు రైట‌ర్స్ అయితే త‌ను మ్యూజిక్ డైరెక్ట‌ర్‌గా మారారు. క‌ష్ట‌ప‌డి ఈ స్థాయికి చేరుకున్నారు. సంగీత ద‌ర్శ‌కుడిగా త‌న ప‌రిధులు బాగా తెలిసిన వ్య‌క్తి కీర‌వాణి. ఏనాడు ఇత‌రుల‌ను కామెంట్ చేయ‌లేదు. ఎంత పేరు ప్ర‌తిష్ట‌లు వ‌చ్చినా ఆ క్రెడిట్ త‌న‌ది కాద‌ని, త‌న ద‌ర్శ‌కుల‌కే చెందుతుంద‌ని చెబుతుంటారు. మ‌రో మ్యూజిక్ డైరెక్ట‌ర్‌కి ఆస్కార్ వ‌చ్చుంటే మ‌రోలా ఉండేది. కానీ కీర‌వాణి అలా కాకుండా ఇంకా సౌమ్యంగా మారిపోయారు. ఎదిగే కొద్దీ ఒదుగుతున్నారు. 

క్ష‌ణ‌క్ష‌ణం, ఘ‌రానా మొగుడు, అల్ల‌రి ప్రియుడు, క్రిమిన‌ల్‌, శుభ సంక‌ల్పం, పెళ్లిసంద‌డి, అన్న‌మ‌య్య‌, స్టూడెంట్ నెం.1, శ్రీరామ‌దాసు, మ‌గ‌ధీర‌, ఈగ‌, బాహుబ‌లి, ఆర్ఆర్ఆర్ స‌హా మ‌రెన్నో బ్లాక్ బ‌స్ట‌ర్ చిత్రాల‌కు అద్భుత‌మైన సంగీతాన్ని అందించారు. తెలుగుకే ఆయ‌న ప‌రిమితం కాలేదు. త‌మిళం, హిందీ, క‌న్న‌డ‌, మ‌ల‌యాళ‌ చిత్రాల‌కు సంగీతాన్ని అందించి త‌న‌దైన మార్క్‌ను ఆయ‌న క్రియేట్ చేసుకోవ‌టం విశేషం. 

బాలీవుడ్ త‌ర్వాత తెలుగు సినిమాకే మార్కెట్ ఎక్కువ‌గా ఉండేది. కానీ, ఎవ‌రూ ప‌ట్టించుకునేవారు కాదు. కానీ మారుతున్న ట్రెండ్‌ను కొత్త కథాంశాల‌ను ప్రేక్ష‌కులు ఇష్ట‌ప‌డ‌టంతో పాటు రాజ‌మౌళి వంటి ద‌ర్శ‌కులు తెలుగు సినిమా రూపురేఖ‌ల‌ను మార్చేశారు. బాహుబ‌లి, RRR వంటి చిత్రాల‌తో తెలుగు సినిమా బాలీవుడ్‌ను దాటేసింది. అస‌లు ఇండియ‌న్ సినిమాకు అంద‌ని ద్రాక్ష‌లా ఉన్న ఆస్కార్‌ను ఒడిసి ప‌ట్టేలా చేయ‌టం మామూలు విష‌యం కాదు. RRR సినిమాలోని నాటు నాటు పాట ప‌లు అంతర్జాతీయ అవార్డుల‌ను సాధించ‌టంతో పాటు ఆస్కార్‌ను సాధించి పెట్టింది. భార‌తీయ సినిమాకు ఆస్కార్ అందుకున్న తొలి సంగీత ద‌ర్శ‌కుడు కీర‌వాణి కావ‌టం మ‌నంద‌రికీ ఎంతో గ‌ర్వ‌కార‌ణం. 

ప్ర‌పంచ సంగీత ద‌ర్శ‌కులు సాధించాల‌ని క‌ల‌లు క‌నే ఆస్కార్ అవార్డుతో పాటు గోల్డెన్ గ్లోబ్ అవార్డ్ స‌హా కొన్ని అంత‌ర్జాతీయ అవార్డులు కీర‌వాణి సొంత‌మ‌య్యాయి. ఇది భ‌విష్య‌త్ త‌రాల‌కు ఎంతో స్ఫూర్తిదాయ‌కం. దీంతో పాటు ఆయ‌న‌కు అన్న‌మ‌య్య సినిమాకు జాతీయ అవార్డ్ వ‌చ్చింది. ఇంకా ఫిల్మ్ ఫేర్ అవార్డ్స్‌తో పాటు నంది అవార్డులు కూడా ఆయ‌న కీర్తి కిరీటంలో చేరాయి. 

కీర‌వాణికి ఇద్ద‌రు కొడుకులు. శ్రీసింహా కోడూరి హీరోగా నిల‌దొక్కుకోవ‌టానికి త‌న ప్ర‌య‌త్నాల్లో త‌ను చేసుకుంటున్నారు. మ‌రో కొడుకు కాల‌భైర‌వ‌. ఈయ‌న సంగీత ద‌ర్శ‌కుడిగా, సింగ‌ర్‌గా రాణిస్తున్నారు. నాటు నాటు పాట పాడిన ఇద్ద‌రు సింగ‌ర్స్‌లో కాల భైర‌వ ఒక‌రు కావ‌టం విశేషం.