సినిమాలో నటించినంత మాత్రాన అలానే ఉండరు.. విజయ్‌పై అనన్య కామెంట్స్

విజయ్ దేవరకొండ ప్రస్తుతం పూరీ జగన్నాథ్ దర్శకత్వంలో ఓ సినిమా చేస్తున్న సంగతి తెలిసిందే. మూవీ టైటిల్‌ను ఇంకా అధికారికంగా ప్రకటించలేదు గానీ ఫైటర్ అంటూ అప్పట్లో వార్తలు వచ్చాయి.. తాజాగా లైగర్ అంటూ టాక్ వినిపిస్తోంది. అయితే ఆ విషయాన్ని కాసేపు పక్కనబెడితే తాజాగా అనన్య పాండే విజయ్ గురించి చెప్పిన విషయాలు ఆసక్తికరంగా మారాయి.

ఫైటర్‌గా విజయ్ దేవరకొండ నటించబోతోన్న ఈ సినిమాలో విదేశాల్లో ప్రత్యేకంగా శిక్షణ తీసుకున్నాడు. ఈ మూవీలో విజయ్ సరసన నటింపజేసేందుకు ఎంతో మందిని ప్రయత్నించి చివరకు బాలీవుడ్ రైజింగ్ స్టార్ అనన్య పాండేను తీసుకున్నారు. విజయ్, అనన్య కలిసి ముచ్చటిస్తున్న ఫోటోలు సోషల్ మీడియాలో ఏ రేంజ్‌లో హల్చల్ చేశాయో అందరికీ తెలిసిందే.

తాజాగా ఈ అమ్మడు మాట్లాడుతూ విజయ్ దేవరకొండ గురించి ఆసక్తికరమైన కామెంట్స్ చేసింది. అర్జున్ రెడ్డి చిత్రం గురించి స్పందిస్తూ.. సినిమాలో పోషించిన క్యారెక్టర్ మాదిరిగానే నిజ జీవితంలో ఉండరని, విజయ్ ఆ సినిమాలో అద్భుతంగా నటించాడని కితాబిచ్చింది. అంతేకాకుండా.. అతను చాలా స్మార్ట్ అండ్ కైండ్. అందరితోనూ చాలా కలుపుగోలుగా మాట్లాడతాడని తెలిపింది. సెట్లో ఎప్పుడూ నవ్వుతూ సందడి చేస్తుంటాడని, కొత్తవారితో ఎలా మాట్లాడాలో కలుపుకుపోవాలే తెలుసని చెప్పుకొచ్చింది.