గుండు కొట్టించుకున్న రామ్.. షాకింగ్ లుక్.. నెట్టింట వైరల్ పిక్

ఎనర్జిటిక్ స్టార్ రామ్ పోతినేని భయంకరమైన లుక్‌లో దర్శనమిచ్చి షాకిచ్చాడు. గుండు కొట్టించుకొని తన గత లుక్‌కి ఏ మాత్రం సంబంధం లేని విధంగా కనిపించాడు. ఈ లుక్‌ని స్వయంగా సోషల్ మీడియా వేదికగా పంచుకున్న రామ్..''మిడ్లీ వైల్డ్'' అంటూ ట్యాగ్ చేశాడు. ఇస్మార్ట్ శంకర్ సినిమా విడుదలయ్యాక కొన్ని రోజులు విదేశాలకు వెళ్లిన రామ్ సడెన్ గా ఈ లుక్‌లో దర్శనమివ్వడంతో షాకవుతున్నారు ప్రేక్షకులు.

ఇస్మార్ట్ శంకర్ సినిమాలో గుబురు గడ్డం, డిఫరెంట్ హెయిర్ స్టైల్‌, తలలో స్మార్టుకార్డుతో దర్శనమిచ్చిన రామ్.. మాస్ మసాలా డైలాగ్స్ తో ఆకట్టుకున్నాడు. ఈ సినిమా తర్వాత మరో సినిమాకు కమిట్ అవ్వని రామ్ సడెన్‌గా ఇలా గుండు గెటప్‌లో కనిపించి ఆశ్చర్యపరిచాడు. ఈ లుక్‌కి సంబందించిన పూర్తి వివరాలు తెలియాల్సి ఉంది. ఏదేమైనా గుండు, ఫ్రెంచ్ గడ్డంతో కొత్త లుక్‌లో అభిమానులను ఆకట్టుకున్నాడు హీరో రామ్.

ఇక రామ్ లేటెస్ట్ మూవీ ఇస్మార్ట్ శంకర్ సినిమా విషయానికొస్తే.. పూరి జగన్నాథ్ దర్శకత్వంలో తెరకెక్కిన ఈ సినిమా రామ్ కెరీర్‌లో బిగ్గెస్ట్ హిట్ సినిమాగా నిలిచింది. చిత్రంలో రామ్ సరసన నటించిన నభా నటేష్, నిధి అగర్వాల్ కూడా ప్రేక్షకుల నుంచి మంచి స్పందన తెచ్చుకున్నారు. ఈ సినిమా ఇప్పటివరకు 75 కోట్లకు పైగా వసూళ్లు రాబట్టడం విశేషం. ఇస్మార్ట్ శంకర్ సాధించిన విజయం పట్ల ఖుషీగా ఉన్న చిత్రయూనిట్ పలు పార్టీలు చేస్తూ ఎంజాయ్ చేస్తోంది.