స్టైలిష్ స్టార్ టూ ఐకాన్ స్టార్‌‌గా అల్లు అర్జున్ సినీ ప్రస్థానం

2001లో చిరంజీవితో కలిసి  డాడీ సినిమాలో ఓ చిన్న గెస్ట్‌ రోల్‌ చేశాడు. చిరు దగ్గర డ్యాన్స్‌ నేర్చుకనే అబ్బాయిగా బన్నీ ఈ సినిమలో కనిపించాడు.

హీరోగా అల్లు అర్జున్ ఫస్ట్ మూవీ గంగోత్రి, రాఘవేంద్ర‌రావు బ‌న్నీని  గంగోత్రి సినిమాతో హీరోగా ఇంట్ర‌డ్యూస్ చేశాడు. 2003లో విడుద‌లై ఈ చిత్రం మంచి క‌లెక్ష‌న్ల‌ను సాధించింది. ఈ చిత్రానికి  3కోట్ల బ‌డ్జెట్ పెడితే 11కోట్ల షేర్ వ‌చ్చింది  

గంగోత్రి త‌ర్వాత అల్లు అర్జున్‌ సుకుమార్‌ దర్శకత్వంలో  ఆర్య సినిమా చేశాడు. ట్రైంగిల్‌ లవ్‌స్టోరీ నేపథ్యంలో తెరకెక్కిన ఈ సినిమా అల్లు అర్జున్‌కు తిరుగులేని క్రేజ్‌ తెచ్చిపెట్టింది. అంతే కాకుండా తొలిసినిమాకు బ‌న్నీని విమ‌ర్శించిన వారే ఈ సినిమాలో బ‌న్నీ న‌ట‌న‌కు ప్ర‌శంస‌లు కురిపించారు. ఈ సినిమాతో అల్లు అర్జున్‌ ఓవర్‌నైట్‌ స్టార్‌అయిపోయాడు.

బ‌న్నీ, హ్యాపి,  దేశ‌ముదురు  వంటి వ‌రుస హిట్ల‌తో అల్లు అర్జున్ రేంజ్ పెరుగుతూ వ‌చ్చింది. చేసినవి కొన్ని చిత్రాలైనా  తనదైన నటన డాన్స్, ఫైట్స్  లతో టాలీవుడ్లో నయా ట్రెండ్ క్రియేట్ చేసాడు అల్లు అర్జున్. కేవలం తెలుగు చిత్ర పరిశ్రమలోనే కాదు కేరళ చలన చిత్ర పరిశ్రమలో తనదైన స్టైలిష్ నటనతో అభిమానులను సంపాదించుకొన్న దేశముదురు.

అల్లుఅర్జున్ బొమ్మ‌రిల్లు బాస్క‌ర్ ద‌ర్శ‌క‌త్వంలో  ప‌రుగు  సినిమా చేశాడు. ఈ సినిమాతో అల్లు అర్జున్‌ తొలి ఫ్లాప్‌ను అందుకున్నాడు. ఆ తర్వాత వెంటనే  ఆర్య 2,  వరుడు సినిమాలతో వరుస ఫ్లాపులు మూటగట్టుకున్నాడు.

బన్నీ కెరీర్‌లో గుర్తిండిపోయే సినిమాగా  వేదం నిలిచింది. ఈ సినిమాలో కేబుల్ రాజు పాత్ర‌లో అల్లుఅర్జున్ నటించాడు అనడం కంటే జీవించాడు అనడం సబబు. వేదం సినిమాతో బ‌న్నీ న‌టుడిగా మ‌రో మెట్టు ఎక్కాడు.

అన్ని డిఫరెంట్‌ సినిమాలు చేస్తున్న అల్లు అర్జున్‌ స్టార్ హీరోల సరసన నిలవలేకపోయాడు. అలాంటి స‌మ‌యంలో  రేసుగుర్రం  సినిమా అల్లుఅర్జున్‌ను తిరుగులేని స్టార్‌ను చేసింది. ఈ సినిమాతో బన్నీ 100 కోట్ల క్ల‌బ్‌లో నిలిచాడు. అప్పటికి టాలీవుడ్‌లో ఒకరిద్దరూ హీరోలు మాత్రమే ఈ ఘనత సాధించారు. అంతేకాకుండా ఈ సినిమా నిర్మాతలకు ఏకంగా రూ.59.4 కోట్ల షేర్‌ను తెచ్చిపెట్టింది.

అల్లు అర్జున్ హీరోగా  సుకుమార్ ద‌ర్శ‌క‌త్వంలో తెర‌కెక్కిన పుష్ప‌ కు అంత‌ర్జాతీయ స్థాయిలో గుర్తింపు వ‌చ్చింది. బాహుబ‌లి త‌ర్వాత ఆ స్థాయి క్రేజ్ పుష్ప‌కు వ‌చ్చింది.  ’పుష్ప’తో ఐకాన్‌ స్టార్‌గా తనను తాను మలుచుకొని ప్యాన్ ఇండియా స్టార్‌గా,  సత్తా చూపెడుతున్నారు.

పుష్ప సినిమా రిలీజైన ఏడాదిలో ఇండియన్ చిత్రాల‌లో అత్య‌ధిక క‌లెక్ష‌న్ల‌ను రాబ‌ట్టిన సినిమాగా రికార్డు సృష్టించింది. ప్ర‌స్తుతం బన్నీ అభిమానులతో పాటు సినీ ప్రేక్షకులు సైతం పుష్ప పార్ట్‌ 2 పుష్ప ది రూల్  కోసం ఎంతో ఆసక్తితో ఎదురు చూస్తున్నారు.