అమితాబ్ బ‌చ్చ‌న్‌ నుంచి క‌మ‌ల్ హాస‌న్‌ వరకు మారుతున్న స్టార్స్ అప్పియ‌రెన్స్‌

బాలీవుడ్‌కి చెందిన ఈ సీనియ‌ర్ స్టార్ ఒక‌ప్పుడు హిందీ సినిమాల‌కే ప‌రిమితం అయ్యారు. అయితే ఎప్పుడైతే బాహుబ‌లి ,ఆర్ఆర్ఆర్ సినిమాల‌తో తెలుగు సినిమా పాన్ ఇండియా రేంజ్‌ను దాటి పాన్ వ‌రల్డ్‌కు చేరుకున్నాయో అమితాబ్ వంటి యాక్ట‌ర్ టాలీవుడ్ మూవీస్ చేయ‌టానికి ఆస‌క్తిని చూపిస్తున్నారు. ఇంత‌కు ముందు ఆయ‌న చిరంజీవి హీరోగా రూపొందిన `సైరా న‌ర‌సింహారెడ్డి`లో కీల‌క పాత్ర‌లో న‌టించిన సంగ‌తి తెలిసిందే. ఇప్పుడు ప్ర‌భాస్ హీరోగా నాగ్ అశ్విన్ తెర‌కెక్కిస్తోన్న `క‌ల్కి 2898 AD`లో కీల‌క పాత్ర‌లో న‌టిస్తున్నారు.

సూప‌ర్ స్టార్ రజినీకాంత్ కెరీర్ పీక్స్‌లో ఉన్న స‌మ‌యంలో బాలీవుడ్ సినిమాల్లో ఇత‌ర హీరోల‌తో క‌లిసి న‌టించిన సంగ‌తి తెలిసిందే. త‌ర్వాత ఆయ‌న స్టార్ డ‌మ్ పీక్స్‌కి చేర‌టంతో మ‌ల్టీస్టార‌ర్ మూవీస్ చేసే అవ‌కాశం లేకుండా పోయింది. అయితే ఇప్పుడాయ‌న త‌న ఇమేజ్‌ను దాటి `లాల్ స‌లాం` సినిమాలో మొయిద్దీన్ అనే కీల‌క పాత్ర‌లో మెప్పించ‌బోతున్నారు. త‌న పాత్ర‌కు సంబంధించిన లుక్ కూడా రివీల్ అయ్యింది. అయితే ఈ పాత్ర అభిమానుల‌ను ఎంత సేపు మెప్పిస్తుంద‌నేది తెలియాలంటే కొన్నాళ్లు ఆగాల్సిందే. 

కోలీవుడ్ అగ్ర క‌థానాయ‌కుల్లో ఒక‌రైన ద‌ళ‌ప‌తి విజ‌య్.. కెరీర్ స్టార్టింగ్‌లో సూర్యతో క‌లిసి సినిమాలు చేసిన సంగ‌తి తెలిసిందే. త‌ర్వాత త‌న స్టార్ డ‌మ్ మారింది. మాస్ ఇమేజ్ వ‌చ్చిన త‌ర్వాత ఆయ‌న మ‌ల్టీస్టారర్స్ చేయ‌లేదు. అయితే చాలా ఏళ్ల త‌ర్వాత ఇప్పుడు షారూఖ్ ఖాన్ మూవీ జ‌వాన్‌లో విజ‌య్ క‌నిపించ‌బోతున్నారంటూ వార్త‌లు వినిపిస్తున్నాయి. ఒక‌వేళ విజ‌య్ అలాగే ఈ సినిమాలో న‌టిస్తే మాత్రం సినిమాకు అడ్వాంటేజ్‌గా మారుతుంద‌న‌టంలో సందేహం లేదు.

ఇండియ‌న్ సినిమాలో బ‌హుముఖ ప్ర‌జ్ఞాశాలిగా పేరున్న క‌మ‌ల్ హాస‌న్ ఎన్ని ప్రయోగాత్మ‌క పాత్ర‌లు చేయాలో వాట‌న్నింటినీ చేశారు.. చేస్తున్నారు. ఇప్పుడు ప్ర‌భాస్‌ `క‌ల్కి 2898 AD`లో విల‌న్‌గా న‌టిస్తుండ‌టం ఆయ‌న ఫ్యాన్స్‌తో పాటు ప్రేక్ష‌కుల‌ను ఆశ్చ‌ర్యానికి గురి చేసింది. హీరో పాత్ర‌కు ధీటుగా విల‌న్ పాత్ర‌కు ప్రాధాన్యం ఉండ‌టం వ‌ల్ల‌నే తాను `క‌ల్కి 2898 AD`లో న‌టించాన‌ని క‌మ‌ల్ స్వ‌యంగా చెప్పారు. అయితే ఆయ‌న పాత్ర రేంజ్ ఎలా ఉంటుంది.. ఎంత సేపు ఉంటుంద‌నేది తెలియాలంటే వ‌చ్చే ఏడాది జ‌న‌వ‌రి 12 వ‌ర‌కు ఆగాల్సిందే.