తెలుగు టాప్ యాంకర్స్ మైండ్ బ్లాంక్ చేస్తోన్న రెమ్యునరేషన్స్

తెలుగు టాప్ యాంకర్ సుమ కనకాల, మల‌యాళీ అయినా కూడా తెలుగ‌మ్మాయిల కంటే తెలుగు అన‌ర్ఖ‌లంగా మాట్లాడుతుంది . తనదైన మాటలతో అందరిని ఆకట్టుకుంటుంది. షోలకు తోడు ఆడియో వేడుకలకు కూడా వ్యాఖ్యతగా వ్యవహరిస్తుంది.తెలుగు, మలయాళంలతో పాటు హిందీ, ఆంగ్ల భాషలలోను మాట్లాడగలదు.  పంచావతారం, స్టార్ మహిళ, లక్కు కిక్కు, సూపర్ సింగర్, జీన్స్, భలే ఛాన్సులే, క్యాష్ వంటి టీవీ షోస్ చేసింది. మూవీస్ విషయానికి వస్తే..  కళ్యాణ ప్రాప్తిరస్తు, పవిత్ర ప్రేమ , వర్షం, ఢీ, బాదుషా, స్వయంవరం, గీతాంజలి, రావోయి చందమామ, స్వరాభిషేకం నటించింది ముక్యంగా జయమ్మ పంచాయితీ సినిమాలో ప్రధాన పాత్రలో నటించింది.  శ్రీకాకుళం బ్యాక్ డ్రాప్‌లో తెరకెక్కిన ఈ సినిమాకి మిక్స్డ్ రెస్పాన్స్ వచ్చింది. సుమ నటనకి మంచి పేరు వచ్చింది సుమ‌ ఒక్కో ఆడియో ఫంక్ష‌న్‌కు దాదాపు రూ. 2 నుంచి రూ. 2.5 ల‌క్ష‌ల వ‌ర‌కు సుమ వ‌సూలు చేస్తుంద‌నిది టాక్. ఇది కేవ‌లం ఆడియో వేడుక‌ల‌కు మాత్ర‌మే అవార్డు ఫంక్ష‌న్ అయితే రేట్ మ‌రోలా ఉంటుందట.

అన‌సూయ‌కు యూత్ లో మంచి ఫాలోయింగ్ వుంది. జబర్దస్త్, బిందాస్, మోడ్రన్ మహాలక్ష్మి, ఎ డేట్ విత్ అనసూయ, జీన్స్, స్టార్ మా పరివార్ అవార్డ్స్, జాక్‌పాట్, జాక్‌పాట్-2, బ్లాక్‌బాష్టర్ వంటి షోస్ యాంకరింగ్ చేసింది. జబర్దస్త్ షో యాంకర్ గా మంచి పేరు సంపాదించిన తర్వాత మూవీస్ లోకి వెళ్ళింది.  సోగ్గాడే చిన్నినాయనా తరువాత అదే సంవత్సరం క్షణం ఒక ప్రధాన పాత్రలో తన నటనతో అందరిని ఆచార్య పరిచింది.  రంగస్థలం సినిమాలో రంగమ్మత్తగా, పుష్ప మూవీ లో  దాక్షాయణిగా చేసి ఆకట్టుకుంది. వరుస ఆఫర్స్ అందుకుంటూ సెట్స్ మీద బిజీ బిజీ అవుతోంది. డిఫరెంట్ క్యారెక్టర్స్ చేస్తూ సిల్వర్ స్క్రీన్ జర్నీ కొనసాగిస్తోంది.  గ్లామ‌ర్ షోతో మ‌తులు పోగొట్టే ఫోటో షూట్స్ చేస్తుంటుంది. రేంజ్ డిమాండ్ కూడా ఉంటుంది ఒక్కో ఈవెంట్‌కు దాదాపు రూ. 2 ల‌క్ష‌లు ఛార్జ్ చేస్తుంద‌నే ప్ర‌చారం జ‌రుగుతుంది.

జ‌బ‌ర్ద‌స్థ్, ఎక్స్‌ట్రా జబర్దస్త్‌  యాంకర్ ర‌ష్మీ గౌత‌మ్‌కు కూడా క్రేజ్ బాగానే ఉంది. ఈవెంట్స్‌కు తోడు ఓపెనింగ్స్‌తోనూ సంద‌డి చేస్తుంటుంది ర‌ష్మి.2002లో సవ్వడి అనే సినిమాతో ఆమె సినిమా కెరీర్ ప్రారంభమైంది.హోలీ సినిమాలో సహాయ పాత్ర పోషించింది.  ప్రస్థానం చిత్రంలో రష్మి సహాయనటిగా చేసింది. 2011లో తమిళ వచ్చిన కందెన్ అనే శృంగార చిత్రంలో నటించి, తన నటనకు మంచి మార్కులు కొట్టేసింది. గుంటూరు టాకీస్ సినిమాలో బోల్డ్ కంటెంట్ ఉన్న పాత్రలో హీరోయిన్ నటించింది. ఈ సినిమాకి రష్మీ గౌతమ్ బాగా ప్లస్ అయింది.  ఈ భామ రెమ్యున‌రేష‌న్ దాదాపు రూ. ల‌క్ష‌న్న‌రపైనే ఉంది. అంతేకాదు ఈమెకు సోషల్ మీడియాలో  మంచి ఫాలోయింగ్ ఉంది.

శ్రీముఖి సినిమాల్లోకి రాకముందు అదుర్స్, సూపర్ సింగర్ 9 టీవీ షోస్ యాంకర్ గా చేసి అభిమానుల్ని సంపాదించుకుంది. 2012 లో అల్లు అర్జున్ హీరోగా త్రివిక్రమ్ శ్రీనివాస్ దర్శకత్వంలో వచ్చిన జులాయి సినిమాతో వెండితెరపై ప్రవేశించింది. ప్రేమ ఇష్క్ కాదల్ సినిమాతో కథానాయిక అయ్యింది. నేను శైలజ సినిమాలో హీరో రామ్ కు సోదరిగా నటించింది. శేఖర్ కమ్ముల సినిమా లైఫ్ ఈజ్ బ్యూటీఫుల్ సినిమాలో ఒక చిన్న పాత్రలో నటించింది. ధనలక్ష్మి తలుపు తడితే సినిమాలో, నారా రోహిత్ సినిమా సావిత్రి సినిమాల్లో కథానాయికగా నటించింది. తెలుగులోనే కాకుండా తమిళంలో ఎట్టుతిక్కుం మధయానై, కన్నడంలో చంద్రిక అనే సినిమాల్లో నటించింది. నానీ హీరోగా ఇంద్రగంటి మోహనకృష్ణ దర్శకత్వంలో వచ్చిన జెంటిల్‌మేన్ సినిమాలో కూడా ఓ పాత్రలో నటించింది. ఈమె ఒక్కో ఈవెంట్‌కు దాదాపు రూ. లక్ష వరకు ఛార్జ్ చేస్తోంది.

తెలుగు  క్రేజీ యాంకర్లలో మంజూష ఒక్కరు. ఓ మోడల్ గా కెరీర్ ను ప్రారంభించిన తర్వాత యాంకర్ గా మారింది. ఇప్పటివరకు 3150 మందికి పైగా టాలీవుడ్ సెలబ్రిటీస్ ను ఇంటర్వ్యూ చేసి రికార్డు సృష్టించింది. కృష్ణవంశీ దర్శకత్వంలో ఎన్టీఆర్ హీరోగా వచ్చిన ‘రాఖీ’ లో సిస్టర్ పాత్రను పోషించి మెప్పించింది. అల్లు అర్జున్ నటించిన ‘హ్యాపీ’ వంటి సినిమాల్లో కూడా చిన్న చిన్న పాత్రలు పోషించింది. ఎన్టీఆర్ 'రాఖీ' సినిమాలో ఆయన చెల్లెలుగా నటించింది. నటనకు మంచి మార్కులే పడ్డాయి. మంజూష ఒక్కో ఈ వెంట్ కు రూ.50 వేల వరకు తీసుకుంటున్నాదని టాక్.

తెలుగు టాప్ యాంకర్లలో ఒక్కరు శ్యామల. ఈమె చిన్న వయసులోనే బుల్లితెరపైకి ఎంటరైంది. చాలా కాలం క్రితమే ఇండస్ట్రీలోకి అడుగు పెట్టిన ఈ భామ.. ఇప్పటికీ అదే రీతిలో సందడి చేస్తూ దూసుకుపోతోంది.  ఆమె ప్రయాణంలో 'లయ', 'అభిషేకం', 'గోరింటాకు' వంటివి పేరు తెచ్చాయి. ఆ తర్వాత యాంకర్‌గా మారి 'మా ఊరి వంట', 'పట్టుకుంటే పట్టుచీర' వంటి షోలు చేసింది. అలాగే 'లౌక్యం', 'ఒక లైలా కోసం' సహా కొన్ని సినిమాల్లో కనిపించింది. యాంకర్ శ్యామల కూడా తన రేంజ్‌లో ఒక్కో ప్రోగ్రామ్‌కు రూ. 40 వేల నుంచి రూ. 50 వేల వరకు ఛార్జ్ చేస్తున్నట్టు సమాచారం. బిగ్‌బాస్ హౌస్‌లోకి వెళ్లొచ్చిన తర్వాత ఈ అమ్మడు రేంజ్ మారిపోయింది.