హీరో నాని సినీ ప్రస్థానం.. క్లాప్ బాయ్ నుంచి టాప్ హీరో వరకు!

శ్రీకాంత్, స్నేహ నటించిన  రాధా గోపాలం సినిమాకు బాపు దగ్గర అసిస్టెంట్‌గా పని చేశాడు. తర్వాత  డైరెక్టర్లు రాఘవేంద్రరావు, శ్రీనువైట్ల సహా పలువురి దగ్గరా చేశాడు. 

నాని హీరోగా  ఎంట్రీ ఇచ్చిన మూవీ  అష్టా చమ్మా ఈ సినిమా 2008 సెప్టెంబర్ 5న రిలీజ్ అయ్యింది. ఈ సినిమాకు  ఇంద్రగంటి మోహన్ కృష్ణ దర్శకత్వంవహించారు. అష్టా చమ్మా సూపర్ హిట్ అవ్వడంతో నాని వెనక్కి తిరిగి చూసుకోవాల్సిన పనిరాలేదు.

సెల్ఫ్ మేడ్ స్టార్ గా రవితేజ తర్వాత నాని కూడా చోటు సంపాదించుకున్నాడు. అవకాశాలు వస్తున్నాయి కదా అని ఏ సినిమా పడితే ఆ సినిమాకి నాని ఓకే చెప్పలేదు. మంచి స్క్రిప్ట్ లు ఎంచుకుని సినిమాలు చేశాడు. నేచురల్ స్టార్ అనే బిరుదుకు సార్థకం చేస్తూ ఎన్నో సినిమాల్లో సహజసిద్ధమైన పాత్రలతో విమర్శకుల ప్రశంసలు అందుకున్నాడు. ప్రతి సినిమాను వన్ మ్యాన్ షోగా మారుస్తూ ఎన్నో అవార్డులను సొంతం చేసుకున్నాడు. ఈ విషయంలో మాత్రం తనకు తానే పోటీ అనేటట్లుగా అలరిస్తున్నాడు.

ఈగ హిట్ కొట్టిన  తర్వాత చేసిన చిత్రాలు ఫ్లాప్ అయ్యాయి. మారుతీ డైరెక్షన్లో వచ్చిన భలే భలే మగాడివోయ్ చిత్రంతో కోలుకున్నాడు. అక్కడి నుండీ నాని వరుసగా 8 హిట్స్ కొట్టాడు. వరుసగా ఎనిమిది హిట్లు  కొట్టిన ఘనత సాధించిన ఏకైక ఇండియన్ హీరో అయ్యాడు.

నాని  మిస్ చేసుకున్న మూవీస్ హిట్స్ సాదించినవి  సుకుమారుడు, తడాకా, గుండె జారి గల్లంతయ్యిందే, ఉయ్యాల జంపాల, సుప్రీమ్, ఊపిరి..

రెండో సీజన్‌కు నాని హోస్టుగా వ్యవహరించాడు. మొదటి సీజన్‌కు ఎన్టీఆర్ హోస్టుగా వచ్చి అందరి మైండ్స్ లో ఒక లెవెల్ సెట్ చేసాడు. నాని ఆ అంచనాలను అందుకోలేకపోయారు. అయినప్పటికీ ఎన్నో వివాదాలతో నడిచిన రెండో సీజన్‌ను అద్భుతంగా నడిపించాడు. 

స్వయంకృషితోనే పరిశ్రమలోకి ఎంట్రీ ఇచ్చి. పదిహేనేళ్లుగా తన మార్క్ చూపిస్తూ దూసుకుపోతోన్నాడు. క్లాప్ బాయ్ నుంచి 100 కొట్ల  బాక్స్ ఆఫీస్ కలెక్షన్ హీరోగా ఎదిగాడు. అష్టా చమ్మా,  భలే భలే మగాడివోయ్, ఈగ, కృష్ణ గాడి వీర ప్రేమ గాధ, మజ్ను, నేను లోకల్, నిన్ను కోరి, మిడిల్ క్లాస్ అబ్బాయి, జెర్సీ, శ్యాం సింగారాయ్ సినిమాలు టాప్ హీరో కావటానికి దోహదపడ్డాయి  ప్రస్తుతం టాలీవుడ్ టాప్ హీరోలలో ఒక్కడిగా దూసుకుపోతున్నాడు. ప్రేక్షకుల ముందుకు దసరా అనే పాన్ ఇండియా వస్తున్నాడు. ఈ  మార్చి 30వ తేదీన విడుదల కానుంది.