నితిన్ లైనప్..ఒకేసారి 3 సినిమాల అదిరిపోయే అప్డేట్..!

నితిన్ ప్రస్తుతం వక్కంతం వంశీ దర్శకత్వంలో రూపొందుతున్న మూవీ లో హీరో గా నటిస్తున్న విషయం మన అందరికీ తెలిసిందే. ఈ మూవీ నితిన్ కెరియర్ లో 32 వ మూవీ గా రూపొందుతుంది. ఈ మూవీ షూటింగ్ కొన్ని రోజుల క్రితమే ప్రారంభం అయ్యింది. ఈ మూవీ లో శ్రీ లీల, నితిన్ సరసన హీరోయిన్ గా నటిస్తోంది. తాజాగా ఈ మూవీ కి సంబంధించిన ఒక అప్డేట్ బయటకు వచ్చింది. ఈ మూవీ ఫస్ట్ లుక్ మరియు టీజర్ ను ఈ నెల 29 వ తేదీన లేదా 30 వ తేదీన విడుదల చేసే ఆలోచనలో ఈ మూవీ యూనిట్ ఉన్నట్లు ఇందుకు సంబంధించిన అధికారిక ప్రకటన ను కూడా ఈ చిత్ర బృందం త్వరలోనే ప్రకటించనున్నట్లు ఒక వార్త తాజాగా బయటకు వచ్చింది. 

తెలుగు సినిమా ఇండస్ట్రీ లో మంచి గుర్తింపు కలిగిన నిర్మాతలలో ఒకరు అయినటువంటి దిల్ రాజు గురించి ప్రత్యేకంగా సినీ ప్రేమికులకు పరిచయం చేయాల్సిన అవసరం లేదు. ఇప్పటికి ఎన్నో బ్లాక్ బాస్టర్ మూవీ లను నిర్మించి టాలీవుడ్ ఇండస్ట్రీ లో అద్భుతమైన క్రేజ్ ఉన్న ప్రొడ్యూసర్ గా మంచి గుర్తింపు దక్కించుకున్నాడు. దిల్ సినిమాతో నిర్మాతగా పరిచయమైన నిర్మాత రాజు...ఆ సినిమా హిట్ కావడంతో 'దిల్ రాజు'గా ఫేమస్ అయిన సంగతి తెలిసిందే. 2003లో వచ్చిన ఈ చిత్రంలో యువ హీరో నితిన్ హీరోగా నటించాడు. తాజాగా దిల్ రాజు-నితిన్ మరోసారి కలిసి పని చేయబోతున్నారని తెలుస్తోంది ఈ సినిమా విషయమై ఉగాది సందర్బంగా  అధికారిక ప్రకటన వెలువడాల్సి ఉంది.

భీష్మ త‌ర్వాత మ‌రోసారి ద‌ర్శ‌కుడు వెంకీ కుడుముల‌తో నితిన్ ఓ సినిమా చేయ‌బోతున్న‌ట్లు వార్త‌లు వినిపిస్తున్నాయి. నితిన్‌, వెంకీ కుడుముల కాంబినేష‌న్‌లో వ‌చ్చిన భీష్మ చిత్రం స‌క్సెస్‌గా నిలిచింది. వ‌రుస ఫ్లాపుల్లో ఉన్న నితిన్‌కు క‌మ‌ర్షియ‌ల్‌ బ్రేక్ ఇచ్చింది. బాక్సాఫీస్ వ‌ద్ద ఈ సినిమా 40 కోట్ల‌కుపైగా కలెక్ష‌న్స్ రాబ‌ట్టింది. వెంకీ చెప్పిన లైన్ ఇంట్రస్టింగ్ గా ఉండటంతో వెంటనే ఈ ప్రాజెక్టును సెట్స్ పైకి తీసుకు వెళ్ళడానికి నితిన్ సన్నాహాలు చేస్తున్నాడు.  నితిన్ బర్త్ డే సందర్బంగా మార్చి 30న అఫీషియ‌ల్‌గా అనౌన్స్‌ చేయనున్నారు. వెంకీ చెప్పిన కథ నచ్చడంతో ఈ ప్రాజెక్ట్ పట్ల నితిన్ కూడా సానుకూలంగా ఉన్నాడు.