క్రేజీ మూవీస్ తో వస్తోన్న పవన్ కళ్యాణ్.. అభిమానులకు ఫుల్ కిక్ గ్యారెంటీ..!

పవన్‌ కళ్యాణ్ అభిమానులతో పాటు సినీ ప్రేక్షకులు కూడా ఎంతగానో ఎదురు చూస్తున్న చిత్రం 'హరి హర వీరమల్లు'. పీరియాడిక్‌ యాక్షన్ అడ్వేంచర్‌ నేపథ్యంలో తెరకెక్కుతున్న ఈ చిత్రానికి క్రిష్‌ జాగర్లమూడి దర్శకత్వం వహిస్తున్నాడు. ప్పటికే చిత్ర బృందం రిలీజ్‌ చేసిన పోస్టర్‌లు, గ్లింప్స్ ప్రేక్షకులను విపరీతంగా ఆకట్టుకున్నాయి. ఎపుడో పూర్తి కావాల్సిన ఈ సినిమా పవన్ కళ్యాణ్ రాజకీయాల్లో బిజీగా ఉండటం వల్ల ఆలస్యమవుతూ వస్తోంది. ఈ సినిమా షూటింగ్ 60 శాతం పూర్తయింది. ఈ సినిమాలో పవన్ రెండు పాత్రల్లో కనిపిస్తున్నాడు. పునర్జన్మల నేపథ్యంలో సాగే కథగా ఇది తెలుస్తుంది. 

గబ్బర్‌సింగ్ వంటి బ్లాక్‌బస్టర్ హిట్ మూవీని అందించిన దర్శకుడు హరీష్ శంకర్ డైరెక్షన్‌లో ఉస్తాద్ భగత్ సింగ్ వస్తోంది. హరీష్ శంకర్ ఈ సినిమాను డైరెక్ట్ చేస్తుండటంతో దీనిపై అంచనాలు భారీగా ఉన్నాయి. ఉస్తాద్‌ భగత్‌ సింగ్‌ తమిళ సినిమా తేరి రీమేక్‌. ఈ సినిమా ప్రీ ప్రొడక్షన్ పనులు శరవేగంగా జరుగుతున్నాయి. త్వరలోనే ఈ ప్రాజెక్ట్ షూటింగ్ ప్రారంభం కానుంది. మైత్రీ మూవీ మేకర్స్ భారీ బడ్జెట్‌తో ఈ సినిమాను నిర్మిస్తున్నారు. రాక్‌స్టార్‌ దేవిశ్రీ ప్రసాద్‌ సంగీతం అందిస్తున్నాడు. 

ప‌వ‌ర్ స్టార్ ప‌వ‌న్ క‌ళ్యాణ్, సాహో డైరెక్టర్ సుజిత్ దర్శకత్వంలో ఓజీ (OG) ఒరిజినల్ గ్యాంగ్‌స్ట‌ర్ అనే టైటిల్‌ తో సినిమా వస్తోంది. ఈ సినిమా ను  నిర్మాత డి.వి.వి.దాన‌య్య నిర్మించబోతున్నారు. త్వ‌ర‌లోనే  సెట్స్ పైకి వెళ్ల‌నుంది. ఈ సినిమా అనౌన్స్మెంట్ పోస్ట‌ర్ రిలీజ్ చేసిన రోజు నుంచి ఎక్స్‌పెక్టేష‌న్స్ పెరిగిపోతున్నాయి. గ్యాంగ్‌స్ట‌ర్ క‌థాంశంతో ద‌ర్శ‌కుడు సుజీత్ ఈ సినిమాను తెర‌కెక్కించ‌బోతున్న‌ట్లు స‌మాచారం.

పవర్ స్టార్ పవన్ కళ్యాణ్ , ఆయన మేనల్లుడు సాయి ధరమ్ తేజ్ కలిసి సినిమా చేస్తున్నారు. తమిళ,తెలుగు ఇండస్ట్రీలో నటుడిగా కొనసాగుతున్న దర్శకుడు సముద్రఖని ఈమూవీని డైరెక్ట్ చేయబోతున్నారు. టాలీవుడ్ లో గతంలో సముద్ర ఖని దర్శకుడిగా సినిమాలు తెరకెక్కించారు. తమిళంలో సముద్రఖని ప్రధాన పాత్రలో నటించి.. దర్శకత్వం వహించిన  దర్శకత్వం వహించిన సూపర్ హిట్  సినిమా వినోదయ సీతమ్ తెలుగు రీమేక్ గా ఈ సినిమా తెరకెక్కుతోంది. పీపుల్స్ మీడియా ఫ్యాక్టరీ, జీ స్టూడియోస్ సంయుక్తంగా నిర్మిస్తున్న ఈసినిమాకు  టీజీ విశ్వప్రసాద్ నిర్మాత నిర్మిస్తున్నారు.