సుహాస్ ఫస్ట్ థియేటర్ రిలీజ్ మూవీ 'రైటర్ పద్మభూషణ్' హిట్ టాక్ రావడానికి గల కారణాలు

రైటర్ పద్మభూషణ్ మూవీ థియేట్రికల్ ట్రైలర్ జనవరి 20 శుక్రవారం రిలీజైంది. ఈ సినిమాకి శణ్ముఖ ప్రశాంత్ దర్శకత్వం వహించగా.. సుహాస్‌కి జోడీగా టీనా శిల్పరాజ్ నటించింది. ట్రైలర్ అందరికి బాగానే కనెక్ట్ అయ్యింది. ఓ మిడిల్ క్లాస్ ఫ్యామిలీలో కొడుకుగా ‘రైటర్ పద్మభూషణ్, హీరో తండ్రిగా తండ్రిగా ఆశిష్‌ విద్యార్థి, రేవతి అతని తల్లిగా ఓ మిడిల్ క్లాస్ ఫ్యామిలీ సమస్యలు ట్రైలర్‌లో చెప్పుకొచ్చాడు. ట్రైలర్ తోనే సినీ ప్రేక్షకులలో అంచనాలు పెరిగిపోయాయి. హీరో,  హీరోయిన్ ఇద్దరి మధ్య లవ్ ట్రాక్ మిస్ట్రీ కూడా బాగానే వర్కవుట్ అయినట్లు ట్రైలర్ లో కనిపించింది 

సుహాస్, ఆశీష్ విద్యార్థి, రోహిణి, టినా శిల్పరాజ్, శ్రీ గౌరీ ప్రియరెడ్డి, గోపరాజు రమణ, ప్రవీణ్ కటారియా తదితరులునటించారు. దర్శకత్వం: షణ్ముఖ ప్రశాంత్ నిర్మాతలు: అనురాగ్ రెడ్డి, శరత్ చంద్ర, చంద్రూ మనోహరన్, మ్యూజిక్: శేఖర్ చంద్ర, కల్యాణ్ నాయక్, సినిమాటోగ్రఫి: వెంకట్ ఆర్ శాఖమూరి, ఎడిటర్: కోదాటి పవన్ కల్యాణ్. పద్మభూషణ్‌గా సుహాస్‌ సినిమాని తన భుజాలపై మోశాడు. ఇన్నోసెంట్‌గా, ఎమోషన్స్ సీన్లలోనూ అద్భుతంగా నటించాడు. చాలా చోట్ల గుండెల్ని పిండేశాడు. రోహిణి, ఆశిష్ విద్యార్థి తల్లిదండ్రులుగా బాగానే నటించారు. చివర్లో ఆమె పాత్రకి ఎలివేషన్‌ దక్కుతుంది. నటన పరంగా వంక పెట్టేది లేదు. ఆశిష్‌ విద్యార్థి మరోసారి చించేశాడు. హీరోయిన్‌ టీనా శిల్పారాజ్‌ ఆకట్టుకుంది. మరో అమ్మాయి గౌరీ ప్రియారెడ్డి ఫర్వాలేదనిపించింది.

ఉన్నత స్థాయికి ఎదుగాలనుకొనే మిడిల్ క్లాస్ కుర్రాడి జీవితం, లవ్, ఎమోషన్స్ కూడిన చిత్రం రైటర్ పద్మభూషణ్. ఈ సినిమాకు మదర్ సెంటిమెంట్ ప్రాణంగా నిలిచింది. మధ్య తరగతి కుటుంబంలో ఉండే బంధాలు, అనుబంధాలు సినిమాకు బలంగా నిలిచాయి. దర్శకుడు రాసుకొన్న స్క్రిప్టు, నిర్మాణ విలువలు బాగున్నాయి. ప్రీ క్లైమాక్స్ నుంచి చివరి సిన్ వరకు గుండెను పిండేసే అంశాలు, సెంటిమెంట్ ప్రేక్షకుడిని ఉక్కిరిబిక్కిరి చేస్తాయి. విభిన్నమైన సినిమాలను ఆదరించే వారికి, ఇష్టపడే వారికి రైటర్ పద్మభూషణ్ తప్పకుండా నచ్చుతుంది. ఎలాంటి అంచనాలు లేకుండా వెళితే.. మంచి అనుభూతిని పొందుతారు. వారాంతంలో మంచి సినిమాను చూడాలనే వారికి ఈ చిత్రం కేరాఫ్ అడ్రస్ రైటర్ పద్మభూషణ్.

తెలంగాణాలో గరిష్టంగా సింగిల్ స్క్రీన్స్ లో 110 రూపాయలు, మల్టీప్లెక్స్ లో 150 రూపాయలు టికెట్ రెట్లని పెట్టారు. ఏపీలో గరిష్టంగా సింగిల్ స్క్రీన్స్ లో 110 రూపాయలు, మల్టీప్లెక్స్ లో 177 రూపాయలు టికెట్ రెట్లని పెట్టారు.

ఫన్‌ ఫ్యామిలీ ఎంటర్‌టైనర్‌గా తెరకెక్కిన రైటర్‌ పద్మభూషణ్‌  ఫిబ్రవరి 3న ప్రపంచవ్యాప్తంగా థియేటర్లలో గ్రాండ్‌గా రిలీజ్ అయ్యింది. గీతా ఆర్ట్స్ ఈ సినిమాని రిలీజ్ చేసింది