Jana Nayagan Day 2 Collections: 100 కోట్లతో జన నాయగన్ సంచలనం.. విజయ్ మూవీ రికార్డుల మోత

Published: Friday, July 24, 2026, 13:23 [IST]

తమిళనాడు సీఎం, దళపతి విజయ్, అందాల తార పూజా హెగ్డే జంటగా నటించిన తాజా పొలిటికల్ యాక్షన్ థ్రిల్లర్ జన నాయగన్ చిత్రం వరల్డ్ వైడ్ బాక్సాఫీస్ వద్ద భారీ వసూళ్లను నమోదు చేసింది. ఈ సినిమాను కన్నడ భారీ నిర్మాణ సంస్థ కేవీఎన్ ప్రొడక్షన్స్ బ్యానర్‌పై వెంకట్ కే నారాయణ, జగదీష్ పళనిస్వామి, లోహిత్ ఎన్‌కే నిర్మించారు.

ఈ చిత్రంలో మమితా బైజు కీలక పాత్రను పోషించగా, బాబీ డియోల్, గౌతమ్ వాసుదేవన్ మీనన్, ప్రకాశ్ రాజ్, ప్రియమణి, సునీల్, రెబా మోనికా జాన్, బాబా భాస్కర్, రేవతి ప్రధాన పాత్రల్లో తదితరులు నటించారు. ఈ సినిమాకు సత్యన్ సూర్యన్ సినిమాటోగ్రఫి, ప్రదీప్ ఈ రాఘవ్ ఎడిటింగ్, అనిరుధ్ రవిచంద్రన్ మ్యూజిక్ అందించారు. ఈ చిత్రం 7 నెలలపాటు సెన్సార్‌తో పోరాటం చేసిన తర్వాత జూలై 23వ తేదీన గ్రాండ్‌గా రిలీజైంది. ఈ చిత్రం బడ్జెట్ ఎంత? ఈ చిత్రం తొలి రోజు ఎన్ని కోట్లు కలెక్ట్ చేస్తుంది అనే వివరాల్లోకి వెళితే..

Jana Nayagan Day 2 Box Office Collections

భగవంత్ కేసరి సినిమా ఆధారంగా రూపొందించిన ఈ చిత్రానికి తమిళ నేటివిటికి అనుగుణంగా భారీ మార్పులు చేపట్టారు. ఈ మూవీని సుమారుగా 500 కోట్ల రూపాయల బడ్జెట్‌తో నిర్మించారు. ఈ చిత్రాన్ని కేవీఎన్ ప్రొడక్షన్స్ సంస్థ కమీషన్ బేస్ మీద ఇతర డిస్టిబ్యూటర్ల ద్వారా సొంతంగా రిలీజ్ చేసుకొన్నది. తెలుగు రాష్ట్రాల్లో ఈ సినిమాను దిల్ రాజు రిలీజ్ చేశారు. ఈ చిత్రం తమిళనాడు థియేట్రికల్ బిజినెస్‌ను 105 కోట్లుగా, ఇతర ప్రాంతాల్లో 95 కోట్లుగా వాల్యూ కట్టారు. దాదాపు ఈ చిత్రం 200 కోట్ల షేర్, 400 కోట్ల రూపాయల గ్రాస్ కలెక్షన్లతో బాక్సాఫీస్ జర్నీని మొదలుపెట్టింది.

తమిళనాడు ముఖ్యమంత్రిగా పదవీ బాధ్యతలు చేపట్టిన తర్వాత ఈ మూవీ రావడంతో భారీ క్రేజ్ ఏర్పడింది. దాంతో ఈ సినిమాను ప్రపంచవ్యాప్తంగా 5000 స్క్రీన్లలో 12000 షోలు ప్రదర్శించారు. ఈ మూవీ తొలి రోజు ప్రపంచవ్యాప్తంగా 50 శాతం ఆక్యుపెన్సీ నమోదు చేసింది. ఈ సినిమా తమిళనాడులో 80 శాతం ఆక్యుపెన్సీతో భారీ వసూళ్లు సాధించింది.

ఈ చిత్రం తొలి రోజు కలెక్షన్ల వివరాల్లోకి వెళితే.. తమిళనాడులో 24 కోట్ల రూపాయల నెట్ కలెక్షన్లు, కర్ణాటకలో 11.5 కోట్లు, కేరళలో 5.5 కోట్లు, హిందీలో 2 కోట్ల రూపాయలు, ఇతర రాష్ట్రాల్లో 1.5 కోట్ల రూపాయలు, తెలుగు రాష్ట్రాల్లో 4 కోట్ల రూపాయలు వసూలు చేసింది. ఇండియాలో ఈ చిత్రం 41 కోట్ల రూపాయల నెట్, 49 కోట్ల రూపాయల గ్రాస్ కలెక్షన్లను రాబట్టింది అని ట్రేడ్ వర్గాలు వెల్లడించాయి.

ఇక నార్త్ అమెరికాలో ఈ సినిమాకు భారీ వసూళ్లు నమోదు అయ్యాయి, యూకే, గల్ఫ్ కంట్రీస్, ఆస్ట్రేలియా, న్యూజిలాండ్, సింగపూర్, మలేషియాలో రికార్డు స్థాయి కలెక్షన్లను ఈ సినిమా రాబట్టింది. దాంతోఈ చిత్రం 30 కోట్ల రూపాయలను వసూలు చేసింది అని ట్రేడ్ వర్గాలు వెల్లడించాయి. దాంత ఈ చిత్రం వరల్డ్ వైడ్‌గా 78 కోట్లకుపైగా కలెక్షన్లను తొలి రోజు నమోదు చేసింది అని ట్రేడ్ వర్గాలు వెల్లడించాయి.

ఇదిలా ఉండగా, రెండో రోజు ఈ సినిమా కలెక్షన్లు షాకింగ్‌గా ఉన్నాయి. తొలి రోజు కంటే 2వ రోజు భారీగా క్షీణించే అవకాశాలు కనిపిస్తున్నాయి. తాజా సమాచారం ప్రకారం.. 35 శాతం ఆక్యుపెన్సీ నమోదైంది. ఈ చిత్రం రెండో రోజు వరల్డ్ వైడ్‌గా 15 నుంచి 20 కోట్ల రూపాయల మేర వసూళ్లను సాధించే అవకాశం ఉంది. దాంతో ఈ సినిమా 100 కోట్ల రూపాయల క్లబ్‌లో చేరే అవకాశాలు స్పష్టంగా కనిపిస్తున్నాయి.