Click it and Unblock the Notifications
Sing Geetham Closing Collections: సింగ్ గీతం క్లోజింగ్ కలెక్షన్లు.. నాగ్ అశ్విన్ మూవీకి లాభమా? నష్టమా?
తెలుగులో ప్రముఖ సినీ నిర్మాణ సంస్థ స్వప్న సినిమా బ్యానర్పై లెజెండరీ డైరెక్టర్ సింగీతం శ్రీనివాసరావు దర్శకత్వంలో రూపొందిన చిత్రం సింగ్ గీతం (Sing Geetham). ఈ చిత్రాని మహానటి, కల్కి సినిమాల దర్శకుడు, జాతిరత్నాలు నిర్మాత నాగ్ అశ్విన్ నిర్మించారు. ఈ చిత్రంలో అహల్య బమ్రూ, ఆయన్, షాలిని కొండెపూడి, శివ నారాయణ, బెనర్జీ తదితరులు నటించారు.
ఈ సినిమా సాంకేతిక విభాగాల వివరాల్లోకి వెళితే.. ఈ చిత్రానికి మ్యూజిక్: దేవీ శ్రీ ప్రసాద్, సినిమాటోగ్రఫి: అకుంర్ సీ, ప్రొడక్షన్ డిజైనర్: అరవింద్ మూలే, ఎగ్జిక్యూటివ్ డైరెక్టర్: సంకల్ప్ గోరా,రచన: సింగీతం శ్రీనివాసరావు తదితరులు తమ బాధ్యతలను నిర్వర్తించారు. ఈ చిత్రం జూన్ 12వ తేదీన గ్రాండ్గా రిలీజైంది. ఈ సినిమా బడ్జెట్ ఎంత? ఈ చిత్రం బిజినెస్ ఎంత? ఈ సినిమా థియేట్రికల్ రన్లో వసూలు చేసిన కలెక్షన్లు ఎంత? అనే వివరాల్లోకి వెళితే..
హ్యుమన్ వాల్యూతో మ్యూజికల్ డ్రామాగా రూపొందిన ఈ సినిమాను కొత్త నటీనటులతో రూపొందించారు. ఈ సినిమా కోసం భారీ సెట్స్ వేశారు. ఈ సినిమాకు పనిచేసిన నటీనటులు, సాంకేతిక నిపుణుల రెమ్యునరేషన్లు, ప్రొడక్షన్ కాస్ట్, ప్రమోషనల్ కాస్ట్ అంతా కలిపి ఈ సినిమాను సుమారుగా 8 కోట్ల రూపాయల బడ్జెట్తో తెరకెక్కించారు అని ట్రేడ్ వర్గాలు వెల్లడించాయి.
ఇక మాటలు తక్కువగా పాటలతోనే సంభాషణలు రూపొందించి ప్రయోగాత్మక చిత్రంగా ఈ సినిమాను ప్రేక్షకుల ముందుకు తెచ్చే ప్రయత్నం చేశారు. ఈ సినిమా టీజర్, ట్రైలర్లు, ప్రమోషనల్ కంటెంట్కు భారీ ఆదరణ లభించడంతో నాన్ థియేట్రికల్ బిజినెస్కు మంచి డిమాండ్ కనిపించింది. ఈ చిత్రానికి సంబంధించి ఓటీటీ, శాటిలైట్ రైట్స్, మ్యూజిక్ హక్కుల ద్వారా ఈ సినిమాకు 6 కోట్ల రూపాయల ఆదాయం లభించింది. అంటే నాన్ థియేట్రికల్ ద్వారా ఈ సినిమా 60 శాతం రికవరీ సాధించింది అని ట్రేడ్ వర్గాలు వెల్లడించాయి.
ఇదిలా ఉండగా, భారీ అంచనాలతో ప్రేక్షకుల ముందుకు వచ్చిన ఈ చిత్రం బాక్సాఫీస్ వద్ద మిక్స్డ్ రెస్పాన్స్ లభించింది. ఈ సినిమాను వైజయంతీ మూవీస్ సొంతంగా రిలీజ్ చేశారు. తెలుగు రాష్ట్రాల్లో మైత్రీ మూవీ మేకర్స్ కమీషన్ బేస్ మీద డిస్ట్రిబ్యూట్ చేయడం తెలిసిందే. ఈ చిత్రం తొలి వారం 4.5 కోట్ల రూపాయల నెట్, రెండో వారంలో 1 కోటి రూపాయల నెట్, మూడో వారంలో 50 లక్షల రూపాయల నెట్ వసూళ్లను రాబట్టింది అని ట్రేడ్ వర్గాలు వెల్లడించాయి. ఈ చిత్రం థియేట్రికల్ రన్లో సుమారుగా 6 కోట్ల రూపాయల నెట్, 7 కోట్ల రూపాయల గ్రాస్ ఇండియాలో వసూలు చేసింది.
ఇక ఓవర్సీస్లో ఈ చిత్రం 1 కోటి రూపాయల గ్రాస్ వసూళ్లను నమోదు చేసింది అని ట్రేడ్ వర్గాలు వెల్లడించాయి. దాంతో ఈ చిత్రం ప్రపంచవ్యాప్తంగా 8 కోట్ల రూపాయల గ్రాస్, 4 కోట్ల రూపాయల నెట్ వసూళ్లను నమోదు చేసింది. దాంతో ఈ చిత్రం ప్రాజెక్ట్ పరంగా ఈ సినిమా లాభాలతో ముగిసింది అని ట్రేడ్ వర్గాలు వెల్లడించాయి.
Continue with Google