అహింస స్టోరీ

కథ

రఘు (అభిరామ్ దగ్గుబాటి), అహల్య (గీతిక తివారీ) బావ మరదల్లు. అహల్య అంటే రఘుకు ప్రాణం, బావ రఘు అంటే అహల్యకు చెప్పలేనంత ఇష్టం. స్వతహాగా రఘు హింసకు దూరంగా ఉండే వ్యక్తి. తన జీవితంగా భావించే మరదలు గీతికపై బిజినెస్ మ్యాన్ ధనలక్ష్మి దుష్యంత్ రావు (రజత్ బేడీ) కుమారులు మానభంగానికి పాల్పడుతారు. చావు బతుకుల్లో ఉన్న మరదల్ని బతికించేందుకు రఘు ఓ వైపు ప్రయత్నిస్తుండగా.. మరో వైపు తన కుమారులను రక్షించుకోవడానికి దుష్యంత్ రావు కుట్రలు పన్నుతుంటాడు. కోర్టులో సాక్ష్యం చెప్పకుండా గీతిక, రఘు కుటుంబాలపై దుష్యంత్ దాడులకు దిగుతాడు. మరదలు మానభంగానికి గురైన నేపథ్యంలో రఘు రియాక్షన్ ఏంటి? అహల్యను రక్షించుకునేందుకు రఘు ఏం చేశాడు? తన మరదలిపై అఘాయిత్యానికి పాల్పడిన ఇద్దరు యువకులకు శిక్ష పడేందుకు రఘు ఏ విధంగా ప్రయత్నించాడు. అహల్య రేప్ కేసును లాయర్ లక్ష్మీ (సదా) న్యాయపోరాటం ఫలించిందా? తన కుమారులకు శిక్ష పడేందుకు ప్రయత్నిస్తున్న రఘును అడ్డుకొనేందుకు దుష్యంత్ రావు ఎలాంటి దుష్టపన్నాగాలను పన్నాడు? చివరకు అహల్యపై లైంగిక దాడికి పాల్పడిన నిందితులు, దుష్యంత్ రావుపై రఘు ఎలా ప్రతీకారం తీర్చుకొన్నాడు? ఏ పరిస్థితుల్లో అహింసావాది రఘు హింసను ఆయుధంగా చేసుకొన్నాడు అనే ప్రశ్నలకు సమాధానమే అహింస సినిమా