2023 మార్చి నెలలో రిలీజ్ కానున్న మూవీస్ లిస్ట్

తెలంగాణ కల్చర్ నేపథ్యంలో ప్రముఖ కమెడియన్ వేణు ఎల్దండి తెరకెక్కించిన చిత్రం ‘బలగం’ ఈ మూవీ మార్చి 3న రిలీజ్. ఈ సినిమాలో ప్రియదర్శి పులికొండ, కావ్య కల్యాణ్ రామ్, రచ్చ రవి, AK47 సత్యం, టిల్లు వేణు, మురళీధర్ తదితరులు నటించారు. ఈ సినిమా ట్రైలర్, సాంగ్స్ ప్రేక్షకులను ఆకట్టుకున్నాయి. 

ఎస్వీ కృష్ణారెడ్డి దర్శకత్వంలో బిగ్ బాస్ ఫేమ్ సోహెల్ హీరోగా  తెరకెక్కిన సినిమా ఆర్గానిక్ మామ హైబ్రిడ్ అల్లుడు. ఈ సినిమా మార్చి 3న థియేటర్స్ లో రిలీజ్ కానుంది. ఈ మూవీ ట్రైలర్ ఇటీవల విడుదలై ఆకట్టుకుంటోంది. ఎస్వీ కృష్ణ రెడ్డి చాల గ్యాప్ తర్వాత దర్శకత్వం లో వస్తోన్న సినిమా హిట్ పై అంచనాలు ఎక్కువగానే వున్నాయి 

ఆది సాయికుమార్ క్రైమ్ థ్రిల్లర్‌‌‌‌ సీఎస్ఐ సనాతన్ అనే మూవీ తో  ప్రేక్షకుల ముందుకు రాబోతున్నాడు. శివ శంకర్ దర్శకత్వంలో అజయ్ శ్రీనివాస్ నిర్మిస్తున్నారు.  క్రైమ్ సీన్  ఇన్వెస్టిగేషన్ 'సీఎస్ఐ' ఆఫీసర్‌‌‌‌గా ఆది కనిపించనున్నాడు. ఈ చిత్రాన్ని మార్చి 10న వరల్డ్ వైడ్ థియేటర్స్‌‌లో రిలీజ్ చేస్తున్నారు. ఇప్పటికే విడుదల చేసిన టీజర్ సినిమాపై క్యూరియాసిటీని పెంచేలా ఉంది

నాగశౌర్య, మాళవిక నాయర్‌ జంటగా నటిస్తున్న చిత్రం ‘ఫలానా అబ్బాయి ఫలానా అమ్మాయి’. శ్రీనివాస్‌ అవసరాల దర్శకత్వం వహిస్తున్నారు. టీజీ విశ్వప్రసాద్‌, పద్మజ దాసరి నిర్మాతలు. మార్చి 17న ప్రేక్షకుల ముందుకురానుంది. ఇప్పటికే విడుదలైన టీజర్‌కు మంచి స్పందన వస్తోంది.

శ్రీకంత్ ఓదెల దర్శకత్వం లో నాని, కీర్తి సురేష్ తదితరులు నటించిన మాస్ యాక్షన్ ఎంటర్‌టైనర్‌ దసరా మూవీ.  ఇప్పటికే విడుదలైన పోస్టర్స్, సాంగ్స్, టీజర్ ఇండస్ట్రీ వర్గాలతో పాటు ప్రేక్షకుల్లోనూ అదిరిపోయే అంచనాలు క్రియేట్ చేసింది. ఈ సినిమాను మార్చి 30న ప్రపంచవ్యాప్తంగా రిలీజ్ చేస్తున్నారు. 

భూతద్దం భాస్కర్ నారాయణ మూవీ మార్చి 31న రిలీజ్ కానుంది. ఈ సినిమాలో శివ కందుకూరి, రాశి సింగ్‌, అరుణ్‌, దేవీప్రసాద్‌, వర్షిణి, శివకుమార్‌, షఫీ, శివన్నారాయణ, తదితరులు నటించారు.