Click it and Unblock the Notifications
Lenin Pre Release Review: లెనిన్ మూవీ ప్రీ రిలీజ్ రివ్యూ
యువ హీరో, హీరోయిన్లు అఖిల్, భాగ్యశ్రీ భోర్సే జంటగా నటించిన లవ్, ఎమోషనల్, డివోషనల్ రూరల్ డ్రామా లెనిన్. ఈ చిత్రానికి మురళీ కిషోర్ అబ్బూరు దర్శకత్వం వహిస్తున్నారు. ఈ చిత్రాన్ని మనం ఎంటర్ప్రైజెస్ ఎల్ఎల్పీ, సితారా ఎంటర్టైన్మెంట్స్ బ్యానర్లపై అక్కినేని నాగార్జున, సూర్యదేవర నాగవంశీ నిర్మిస్తున్నారు. అన్నపూర్ణ స్టూడియో సమర్పిస్తున్నది. ఈ చిత్రంలో శివాజీ, రాజీవ్ కనకాల, బ్రహ్మాజీ, సునీల్, రమేశ్ ఇందిరా తదితరులు నటించారు.
ఈ సినిమా సాంకేతిక విభాగాల విషయానికి వస్తే. సినిమాటోగ్రఫి: లియోన్ బ్రిట్టో, మ్యూజిక్ డైరెక్టర్: థమన్ ఎస్, ఎడిటర్: నవీన్ నూలీ, యాక్షన్ కోరియోగ్రఫి: దిలీప్ సుబ్బరాయన్, రామ్ లక్ష్మణ్, విజయ్, రియల్ సతీష్, ప్రొడక్షన్ డిజైనర్: అవినాష్ కొల్ల, కొరియోగ్రఫి: దినేష్ మాస్టర్ తదితరులు తమ బాధ్యతలను నిర్వర్తించారు. ఈ సినిమా జూలై 10వ తేదీన గ్రాండ్గా రిలీజ్ అవుతున్నది. ఈ సినిమా ప్రమోషనల్ కంటెంట్ భారీ అంచనాలు పెంచాయి. ఈ క్రమంలో ఈ సినిమాపై పాజిటివ్ ట్రెండ్ కనిపిస్తున్నది. ఈ క్రమంలో ఈ సినిమాకు సంబంధించిన విశేషాల వివరాల్లోకి వెళితే..
చిత్తూరు జిల్లాలో శ్రీరామపురంలో ద్రౌపదీని కొలిచే ఓ సంప్రదాయాన్ని పాయింట్గా తీసుకొని మహాభారతం కాన్సెప్ట్తో భారతీ (భాగ్యశ్రీ భోర్సే) లెనిన్ (అఖిల్) ప్రేమ వ్యవహారం చుట్టూ కథ సాగుతుంది. వివిధ పర్వాలుగా సాగే ఈ కథలో వివిధ క్యారెక్టర్లు రంగులు మార్చే తీరు.. వెన్నుపోటు పొడిచే మోసాలు స్టోరిని ఇంటెన్స్గా నడిపిస్తుంది. భారతీ, లెనిన్ ప్రేమను బ్రేక్ చేయడానికి గ్రామంలో ఏ దుష్టశక్తులు ఎలాంటి కుట్రలు పన్నాయి? గ్రామంలో మహాభారత యుద్దాన్ని తలపించే వ్యవహారాన్ని లెనిన్ ఎలా ప్రశాంతంగా ముగించాడు అనేది ఈ సినిమా కథ అని చిత్ర యూనిట్ వెల్లడించింది.
ఇప్పటి వరకు అర్బన్ యూత్కు ఫాలోవర్గా ఇప్పటి వరకు అఖిల్ పోషించిన పాత్రలకు, చేసిన సినిమాలకు భిన్నంగా ఈ మూవీ రూపొందింది. ఈ సినిమాలో పంచకట్టుతో గ్రామీణ యువకుడిగా లెనిన్ పాత్రలో కనిపించబోతున్నారు. తన ఇమేజ్ భిన్నంగా పక్కాగా గ్రామీణ యువకుడిగా, చిత్తూరు యాసను పలికే కుర్రాడిలా అఖిల్ కొత్తగా కనిపిస్తారు. ఈ సినిమాకు లెనిన్ క్యారెక్టర్ బలంగా ఉండటమే కాకుండా సక్సెస్కు కారణం అవుతుంది అని ఈ సినిమా విజయంపై చిత్ర యూనిట్ విశ్వాసం ప్రకటించారు.
ఇక ఇప్పటి వరకు గ్లామర్ పాత్రలే కాకుండా పెర్ఫార్మెన్స్ పాత్రలతో ఆకట్టుకొంటున్న భాగ్య శ్రీ భోర్సే ఈ సినిమా కథను తన భుజాలపై మోసే భారతీ పాత్రలో కనిపిస్తారు. సినిమా మొత్తం భారతీ పాత్ర చుట్టే తిరుగుతుంది. శివాజీ, ఇతర పాత్రలు ఈ సినిమాకు అత్యంత బలంగా మారుతాయి. కథను ప్రభావితం చేసే పాత్రలుగా తెర మీద కొత్త అనుభూతికి గురి చేస్తాయనే టాక్ వినిపిస్తున్నది.
ఇక ఈ సినిమాకు దర్శకుడు మురళీ కిషోర్ డిజైన్ చేసిన స్క్రీన్ ప్లే, డైలాగ్స్ కొత్తగా ఉంటాయి అని నాగార్జున అక్కినేని స్వయంగా చెప్పారు. ఇటీవల కాలంలో తెలుగు సినిమాల్లో ఎన్నడూ చూడని ఫ్రెష్నెస్ కనిపిస్తుంది. తమన్ బ్యాక్ గ్రౌండ్ స్కోర్ ఈ సినిమాలోని సన్నివేశాలను బాగా ఎలివేట్ చేస్తాయనే విషయాన్ని చిత్ర యూనిట్ తెలిపింది. రిలీజ్ తర్వాత ఈ సినిమా ఎక్స్క్లూజివ్ రివ్యూ కోసం ఫిల్మీబీట్ను ఫాలో అవ్వండి.
Continue with Google