Click it and Unblock the Notifications
Gunde Ninda Gudi Gantalu Weekly: రోహిణి ప్లాన్ సక్సెస్, శివ వీడియో వైరల్, మీనా సంసారం ముక్కలు,
Photo courtesy: Jio Hotstar
Gunde Ninda Gudi Gantalu Weekly: తెలుగు బుల్లితెరపై ప్రసారం అవుతున్న సీరియల్స్ లో గుండె నిండా గుడి గంటలుకు ఎంతటి ఆదరణ ఉందో ప్రత్యేకంగా చెప్పాల్సిన పనిలేదు. ఈ సీరియల్ కు రోజురోజు ఆదరణ పెరుగుతోంది.ప్రస్తుతం తెలుగు సీరియల్స్ లో గుండె నిండా గుడి గంటలుకున్న క్రేజ్ మరే సీరియల్ కు ఆ స్థాయిలో లేదనే చెప్పాలి. ఫలితంగానే ఎన్నో ధారావాహికలు విజయవంతంగా ప్రసారం అవుతూనే ఉన్నాయి. అలాంటి సక్సెస్ సీరియల్స్ జాబితాలో స్టార్ మా ఛానెల్లో ప్రసారం అవుతోన్న 'గుండె నిండా గుడి గంటలు' హై టీఆర్పీతో దూసుకుపోతుంది. ఈ సీరియల్ రోజు రోజుకూ ఎంతో ఆసక్తికరంగా నడుస్తోంది. ఈ నేపథ్యంలో గత వారం అంటే మార్చి 23వ తేదీ నుంచి మార్చి 27వ తేదీ వరకు జరిగిన'గుండె నిండా గుడి గంటలు' సీరియల్లో ఏం జరిగిందో మీరే ఓ లుక్కేయండి మరి!
సోమవారం ఎపిసోడ్ ఉత్కంఠభరితంగా సాగింది. ఎపిసోడ్ ప్రారంభంలో ఇంటి పెద్ద సత్యం తన కుమారులు బాలు, రవి, మనోజ్ను తాగిన విషయంపై గట్టిగా నిలదీస్తాడు. మనోజ్ బలవంతంగా "పార్టీ కల్చర్" పేరుతో తాగించాడని వారు చెప్పడంతో సత్యం తీవ్రంగా ఆగ్రహిస్తాడు. కుటుంబ విలువలను మరిచి ఇలా ప్రవర్తించడం తప్పని మందలిస్తాడు. అయితే మనోజ్ మాత్రం తాగడం వల్లే తనకు డీలర్షిప్ దొరికిందని గర్వంగా చెబుతాడు. కానీ పరిస్థితి ఒక్కసారిగా మారిపోతుంది. మద్యం మత్తులో బాలు, రవి చెప్పిన నిజాలు మనోజ్కు గుర్తుకువచ్చి వారిని ప్రశ్నిస్తాడు. అప్పుడే అసలు నిజం బయటపడుతుంది. డీలర్కు అబద్ధాలు చెప్పామని, తమ దగ్గర ఉన్న ఆస్తుల గురించి అతిశయంగా చెప్పామని వారు ఒప్పుకుంటారు. దీంతో షాక్కు గురైన మనోజ్ కోపంతో ఊగిపోతాడు.
Photo courtesy: Jio Hotstar
Nagarjuna 100th film: వెంకటేష్ బ్యూటీతో నాగార్జున రొమాన్స్.. ఫ్యాన్స్కి ఫుల్ ట్రీట్?
ఇదే సమయంలో డాక్యుమెంట్స్లో డీల్ క్యాన్సిల్ అయితే 50 లక్షల ఫైన్ చెల్లించాల్సి ఉంటుందని తెలుసుకుని మరింత ఆందోళనకు గురవుతాడు. ఇక ఇంట్లో ఉద్రిక్త పరిస్థితులు నెలకొంటాయి. ప్రభావతి బాలుపై మండిపడగా, మనోజ్ తీవ్ర నిరాశలోకి వెళ్తాడు. ఈ సమయంలో రోహిణి ధైర్యం చెబుతూ అతనిని సాంత్వన పరుస్తుంది. కానీ ఆమె బాలుని ఫోన్ దొంగిలించడం కొత్త సస్పెన్స్కు దారితీస్తుంది. తర్వాత డీలర్ ముఖేష్ ఇంటికి వచ్చి మనోజ్ను నిలదీస్తాడు. అబద్ధాలు చెప్పినందుకు డీల్ రద్దు చేస్తానని చెప్పినా, సత్యం, బాలు నిజాయితీగా క్షమాపణ కోరడంతో అతని మనసు మారుతుంది. చివరికి 50 లక్షల ఫైన్ను మాఫీ చేసి డీలర్షిప్ ఇస్తానని ప్రకటిస్తాడు. కుటుంబం ఆనందంలో మునిగిపోతుండగా, బాలు ఫోన్లో ఉన్న ముఖ్యమైన వీడియో కథలో కొత్త సస్పెన్స్ను రేకెత్తిస్తుంది.
మంగళవారం ఎపిసోడ్ ఉత్కంఠ భరితంగా సాగింది. ఎపిసోడ్ ప్రారంభంలోనే బాలు తన ఫోన్ కోసం ఆత్రుతగా వెతకడం కథలో టెన్షన్ పెంచింది. మీనాతో కలిసి ఇంటి మొత్తం వెతికినా ఫోన్ దొరకదు. ఈ సమయంలో రోహిణి అనుమానం రాకుండా నటిస్తూ, మాటలతో బాలను రెచ్చగొట్టే ప్రయత్నం చేస్తుంది. అయితే ఆ ఫోన్లో ఉన్న "శివ వీడియో" బయటపడితే పెద్ద సమస్యలు వస్తాయని బాలు భయంతో ఉండటం కథకు కీలకంగా మారింది.అసలు ట్విస్ట్ ఏమిటంటే, రోహిణే ఆ ఫోన్ను దొంగిలించి, అందులోని వీడియోను గుణకు పంపిస్తుంది. బాలు-మీనా మధ్య విభేదాలు సృష్టించాలనే ఉద్దేశంతో ఆమె ఈ కుట్ర పన్నినట్టు తెలుస్తుంది.
ఫోన్ కోసం బాలు తన ఫ్రెండ్ రాజేష్ సహాయం కోరినా, వీడియో బయటపడే భయంతో పోలీసులకు కంప్లైంట్ ఇవ్వడానికి సిద్ధం కాడు. ఇక రోహిణి గుణను కలసి తన ప్లాన్ను అమలు చేస్తుంది. దినేష్ను టార్గెట్ చేస్తూ అతడిని కిడ్నాప్ చేయిస్తుంది. గుణ అనుచరులు దినేష్ను బంధించడంతో కథ మరింత సీరియస్ మలుపు తిరుగుతుంది. మరోవైపు రోహిణి తన క్రూర స్వభావాన్ని బయటపెడుతూ, "ఒకరు సంతోషంగా ఉండాలంటే మరొకరు బాధపడాలి" అని చెప్పడం షాకింగ్గా నిలుస్తుంది. ఇంట్లో కూడా ఉద్రిక్త పరిస్థితులు కొనసాగుతాయి. బాలు ట్రిప్కు బయలుదేరినా, అతని ఆలోచనలు మాత్రం ఫోన్పైనే ఉంటాయి. ఇదిలా ఉండగా గుణ శివ వీడియోను మరింత మందికి పంపించే ప్లాన్ చేస్తాడు. దీంతో ఈ వీడియో కుటుంబ పరువు తీసే స్థాయికి చేరుతుందనే టెన్షన్ మరింత పెరుగుతోంది.
బుధవారం ఎపిసోడ్లో కథ మరింత ఉత్కంఠభరితంగా మారింది. బాలు ఫోన్ మిస్సింగ్ కావడంతో మీనా తీవ్ర ఆందోళనలో పడుతుంది. బాలు ఎంత తాగినా ఫోన్ విషయంలో జాగ్రత్తగా ఉంటాడని భావించిన ఆమె, ఎవరో కావాలనే ఫోన్ తీసి ఉంటారని అనుమానిస్తుంది. ఇదే సమయంలో ఇంట్లో జరిగిన బల్లి సంఘటన కలకలం రేపుతుంది. మీనా మీద పడిన బల్లి ప్రభావతి, రోహిణి, మనోజ్లపై పడుతూ గందరగోళం సృష్టిస్తుంది. ప్రభావతి భయంతో పూజలు చేయాలని ఆగ్రహిస్తుంది. ఈ పరిస్థితిని రోహిణి తనకు అనుకూలంగా మలుచుకుంటుంది. "బల్లి శాస్త్రం" పేరుతో అబద్ధాలు చెప్పి, ప్రభావతికి డబ్బు, గౌరవం వస్తాయని, మనోజ్కు వ్యాపార లాభాలు ఉంటాయని చెబుతుంది. కానీ మీనాకు మాత్రం ప్రాణగండం ఉందని భయపెడుతుంది. దీంతో మీనా మరింత కంగారు పడుతుంది.
బిగ్బాస్ తనూజ షాకింగ్ డిసిషన్.. అందరూ చూస్తుండగా కళ్యాణ్ పడాలతో అలా..
అయితే బాలు మాత్రం ఈ మూఢనమ్మకాలను ఖండిస్తూ ఆమెను ధైర్యం చెబుతాడు.ఇక మరోవైపు శివతో కలిసి బాలు కోసం కొత్త ఫోన్ కొనడానికి వెళ్లిన మీనాకు తెలియకుండా పెద్ద ట్విస్ట్ జరుగుతుంది. శివ దొంగతనం చేసిన వీడియో సోషల్ మీడియాలో వైరల్ అవుతుంది. దాన్ని చూసిన రోహిణి ఆనందపడుతూ, ఇదే తన ప్లాన్ అని వెల్లడిస్తుంది. ఈ వీడియో ద్వారా ఇంట్లో పెద్ద కలహం సృష్టించి, బాలు-మీనాలను బయటకు పంపించాలనేదే తన లక్ష్యమని చెబుతుంది. తర్వాత రోహిణి లెటర్ డ్రామాతో మనోజ్ను మభ్యపెట్టి వీడియో చూపిస్తుంది. మనోజ్ కోపంతో ఆ వీడియోను ప్రభావతికి చూపించాలని నిర్ణయించుకుంటాడు. దీంతో కుటుంబంలో పెద్ద తుఫాన్ రాబోతోందనే సూచనలు కనిపిస్తున్నాయి.
ఆ విషయంలో ప్రపంచం అంతా ఒక వైపు, నేనొక్కదాన్నే మరోవైపు .. దివ్వెల మాధురి ఆవేదన..
గురువారం ఎపిసోడ్లో ప్రభావతి కుటుంబంలో సంచలన పరిణామాలు చోటుచేసుకుని కథ ఉత్కంఠభరితంగా మారింది. ప్రారంభంలో డాన్స్ క్లాస్లో ప్రేమ్ కుమార్ ప్రవర్తన నచ్చక ప్రభావతి అతనిని గట్టిగా మందలించి, శిక్షగా 100 గుంజులు తీయమని ఆదేశించడం ఆసక్తిని రేకెత్తించింది.ఇక రోహిణి ప్లాన్ ప్రకారం ప్రభావతిని డాన్స్ స్కూల్కు పిలిచి, శివ లక్ష రూపాయలు దొంగతనం చేస్తున్న వీడియో చూపిస్తుంది. అది చూసిన ప్రభావతి షాక్కు గురై తీవ్ర ఆగ్రహంతో మీనా కుటుంబాన్ని అవమానిస్తూ, వారిపై తీవ్ర విమర్శలు చేస్తుంది. గతంలో అదే డబ్బు కారణంగా తాను ఎదుర్కొన్న అవమానం గుర్తుకు తెచ్చుకుని, ఇప్పుడు వారికి బుద్ధి చెప్పాలని నిర్ణయిస్తుంది.
రోహిణి కూడా 'పోలీసులకు అప్పగిద్దాం' అంటూ మరింత రెచ్చగొడుతుంది.మరోవైపు గుణ, శివను బ్లాక్మెయిల్ చేయడానికి ప్రయత్నిస్తూ వీడియో వైరల్ అవుతోందని చూపించి, బాలు మీద నింద వేసి తనవైపు తిప్పుకోవాలని చూస్తాడు. కానీ శివ మాత్రం భయంతో అక్కడి నుంచి వెళ్లిపోతాడు. ఇంట్లో అయితే శివ కుటుంబం సంవత్సరికం ఏర్పాట్లలో నిమగ్నమై ఉండగా, ప్రభావతి అక్కడికి చేరుకుని శివపై దాడి చేస్తుంది. చేతులతో పాటు చెప్పుతో కూడా కొట్టడం షాకింగ్గా మారుతుంది. మీనా అడ్డుపడి కుటుంబ గౌరవం కోసం ఎదురు నిలుస్తుంది. అదే సమయంలో రోహిణి వీడియో చూపించడంతో అందరూ షాక్కు గురవుతారు. ఈ ఘటనతో మీనా తల్లి పార్వతి తీవ్రంగా కుంగిపోగా, మీనా కూడా శివపై ఆవేశంతో విరుచుకుపడుతుంది. అయినా ప్రభావతి కోపం చల్లారక శివను బయటకు లాగడం ఎపిసోడ్ను హై వోల్టేజ్ క్లైమాక్స్తో ముగించింది.
శుక్రవారం ఎపిసోడ్లో కథ ఉత్కంఠభరితంగా సాగింది. శివ దొంగతనం వీడియో బయటకు రావడంతో ప్రభావతి చేతికి బలమైన ఆయుధం దొరికినట్లైంది. వెంటనే మీనా పుట్టింటికి వెళ్లిన ఆమె అక్కడ పెద్ద హంగామా సృష్టించింది. మీనా తమ్ముడిని చెప్పుతో కొట్టడం, కుటుంబాన్ని 'దొంగల కుటుంబం' అంటూ అవమానించడం పరిస్థితిని ఉద్రిక్తంగా మార్చింది. ప్రభావతి ఆరోపణలకు మీనా షాక్ అవుతుంది. "నువ్వే క్లూ ఇచ్చావు" అంటూ నేరుగా మీనాపై ఆరోపణలు చేయడంతో ఉద్రిక్తత పెరుగుతుంది. కాలనీ వాసులు కూడా కొంతమంది ప్రభావతికి మద్దతు ఇవ్వడంతో మీనా కుటుంబం ఒత్తిడిలో పడుతుంది. ఇదే సమయంలో శివ ముందుకు వచ్చి తన తప్పును ఒప్పుకుంటాడు. కోపంతో చేసిన పని ఇంత పెద్ద సమస్య అవుతుందని అనుకోలేదని చెబుతాడు.
అయినా ప్రభావతి కోపం తగ్గదు. పోలీసులకు అప్పగించాలంటూ శివను లాగడానికి ప్రయత్నిస్తుంది. కానీ కాలనీ వాసులు అడ్డుకుని పరిస్థితిని కంట్రోల్ చేస్తారు. రోహిణి జోక్యం చేసుకుని ప్రభావతిని అక్కడి నుంచి తీసుకెళ్తుంది. వెళ్లేటప్పుడు మీనా ఇక తన ఇంట్లోకి రాదని హెచ్చరిస్తుంది. తర్వాత పార్వతి గతాన్ని గుర్తు చేసుకుని బాధపడుతుంది. ఇదే సమయంలో శివ మరో షాకింగ్ నిజం చెబుతాడు - ఈ విషయం బాలు ముందే తెలుసుకుని తనను కాపాడాడని వెల్లడిస్తాడు. దీంతో మీనా కుటుంబం షాక్కు గురవుతుంది. మరోవైపు ఇంట్లో రోహిణి, మనోజ్ మాటలతో పరిస్థితి మరింత విషమిస్తుంది. చివర్లో బాలు ఇంటికి రావడం, కానీ అందరి అనుమానాలతో కథ మరింత టెన్షన్గా మారుతుంది.
Continue with Google