‘ఆదిపురుష్’ ప్రీ రిలీజ్ ఈవెంట్ హైలైట్స్‌..!

ప్ర‌ముఖ అధ్యాత్మిక వేత్త స్వామిజీ చిన్న జీయ‌ర్ ఆదిపురుష్ ప్రీ రిలీజ్ ఈవెంట్‌కి ముఖ్య అతిథిగా రానున్నారు. ఇది ఇండ‌స్ట్రీ వ‌ర్గాల్లో హాట్ టాపిక్‌గా మారింది. రామాయ‌ణం ఆధారంగా చేసిన సినిమా కావ‌టంతో ఆయ‌న ముఖ్య అతిథిగా విచ్చేస్తున్నారు. 

తిరుప‌తిలోని తార‌కరామ గ్రౌండ్స్‌లో జ‌రగ‌బోయే ఈ వేడుక‌కు స‌మీపంలో అతి పెద్ద క‌టౌట్ .. అంటే 50 అడుగుల భారీ హాలోగ్రామ్ ఇమేజ్‌ను ఏర్పాటు చేస్తున్నారు. ఇలా చేయ‌టం తెలుగు సినీ చ‌రిత్ర‌లో ఇదే మొద‌టి సారి. 

ఈవెంట్‌లో భాగంగా జైశ్రీరాం సాంగ్‌ను పెర్ఫామ్ చేయ‌టానికి 200 మంది డాన్స‌ర్‌, సింగ‌ర్స్‌ను ర‌ప్పిస్తున్నారు. ఇప్ప‌టి వ‌ర‌కు ఇంత పెద్ద పెర్ఫామెన్స్‌ను ఎవ‌రూ చేయ‌లేద‌నే చెప్పాలి. అలాగే భారీ ఎత్తున క్రాక‌ర్స్‌ను కూడా కాల్చ‌బోతున్నారు. 

తెలుగు ద‌ర్శ‌కుడు ప్ర‌శాంత్ వ‌ర్మ ఆధ్వ‌ర్యంలో భారీ మొత్తాన్ని వెచ్చించి అయోధ్య సెట్‌ను వేస్తున్నారు. ఈ సెట్‌లో శ్రీరాముడు, వేంక‌టేశ్వ‌ర స్వామి ఫొటోలు క‌నిపించ‌నున్నాయి. ఇలా ఓ చారిత్రాత్మ‌క సెట్ వేసి అందులో ప్రీ రిలీజ్ ఈవెంట్ నిర్వహించ‌టం ఇదే తొలిసారి. 

శ్రీరాముడిగా ప్ర‌భాస్ న‌టించిన తొలి చిత్రం ఆదిపురుష్‌. ఫ్యాన్స్ హంగామా మామూలుగా లేదు. ఈ వేడుక‌కి ల‌క్ష మంది దాకి అభిమానులు వ‌స్తార‌ని భావిస్తున్నారు. అందుకోసం భారీగా పోలీసులు సెక్యూరిటీని ఏర్పాటు చేశారు. ఇప్ప‌టికే ఆదిపురుష్ ఫొటోలతో తిరుప‌తి న‌గ‌ర‌మంతా ముస్తాబైంది.