ప్ర‌శాంత్ నీల్ సెన్సేష‌న‌ల్ మూవీస్‌

ప్ర‌శాంత్ నీల్ తొలి సినిమా ‘ఉగ్రం’. శ్రీమురళి హీరోగా నటించిన ఈ సినిమా కన్నడనాట సూపర్ డూపర్ హిట్ మూవీగా నిలిచింది. సినిమా మేకింగ్ చాలా డిఫరెంట్‌గా ఉంద‌న్నారు. హీరోయిజం ఎలివేష‌న్‌కు సూప‌ర్బ్ అని అప్రిషియేట్ చేశారు. దాంతో ఎంటైర్ శాండిల్ వుడ్ ప్ర‌శాంత్ నీల్ వైపు దృష్టి సారించింది.

య‌ష్ హీరోగా ప్ర‌శాంత్ నీల్ చేసిన రెండో సినిమా కె.జి.య‌ఫ్. రెండు భాగాలుగా చేయ‌టం ఒక ఎత్తు అయితే.. రెండో సినిమానే పాన్ ఇండియా రేంజ్‌లో రూపొందించ‌టం టాక్ ఆఫ్ ది ఇండ‌స్ట్రీగా మారింది. య‌ష్‌ను ప్ర‌శాంత్ నీల్ ఎలివేట్ చేసిన తీరు..డైలాగ్స్‌, హీరోయిజం చూసి పాన్ ఇండియా ఆడియెన్స్ ఫిదా అయ్యారు. దీంతో ప్ర‌శాంత్ నీల్ పాన్ ఇండియా డైరెక్ట‌ర్‌గా మారిపోయారు. 

కె.జి.య‌ఫ్ 1 హిట్‌తో పాన్ ఇండియా రేంజ్‌లో కె.జి.య‌ఫ్ 2పై అంచ‌నాలు పెరిగిపోయాయి. ఆ ఎక్స్‌పెక్టేష‌న్స్ ఎలాంటివో ప్ర‌శాంత్ నీల్ ముందుగానే ప‌సిగ‌ట్టారు. ఆ అంచ‌నాల‌కు ధీటుగా కె.జి.య‌ఫ్ 2 చిత్రాన్ని నెక్ట్స్ రేంజ్ మూవీలా రూపొందించ‌టంతో పాన్ ఇండియా బాక్సాఫీస్ షేక్ అయ్యింది. రూ.1200 కోట్లు వ‌సూళ్ల‌ను రాబ‌ట్టింది. దీంతో బాలీవుడ్ సైతం నివ్వెర పోయింది. 

బాహుబలితో పాన్ ఇండియా స్టార్‌గా మారిన ప్ర‌భాస్‌తో ఇప్పుడు ప్ర‌శాంత్ నీల్ .. స‌లార్ సినిమా చేస్తుండ‌టంతో అంద‌రూ ఎగ్జ‌యిట్‌మెంట్‌తో వెయిట్ చేస్తున్నారు. సెప్టెంబ‌ర్ 28న ఈ చిత్రాన్ని రిలీజ్ చేయ‌బోతున్న‌ట్లు అనౌన్స్‌మెంట్ కూడా ఇచ్చేశారు. పాన్ ఇండియా రేంజ్‌లో మాస్ ఇమేజ్ ఉన్న హీరో.. హీరోయిజాన్ని మాస్ కా బాప్ అనేలా ఎలివేట్ చేసే ద‌ర్శ‌కుడు దొరికితే ఎలా ఉంటుందో అలా స‌లార్ సినిమా ఉంటుంద‌ని అంద‌రూ ఎదురు చూస్తున్నారు. మ‌రి స‌లార్‌తో ప్ర‌శాంత్ నీల్ ఇంకెన్ని రికార్డులు క్రియేట్ చేస్తాడో చూడాలి మ‌రి. 

ఆర్ఆర్ఆర్ వంటి పాన్ ఇండియా మూవీతో బాలీవుడ్‌, హాలీవుడ్ ప్రేక్ష‌కుల‌ను మెప్పించిన ఎన్టీఆర్‌తో ప్ర‌శాంత్ నీల్ త‌న నెక్ట్స్ మూవీ చేయ‌బోతున్నారు. దీనికి సంబందించిన అనౌన్స్‌మెంట్ వ‌చ్చేసింది. ఓ వైపు ఎన్టీఆర్‌, మ‌రో వైపు ప్ర‌శాంత్ నీల్‌.. వీరిద్ద‌రూ కాంబోలో ఎన్టీర్ 31 మూవీ రానుంది. ఫ్యాన్స్‌, ప్రేక్ష‌కుల‌తో పాటు ట్రేడ్ వ‌ర్గాలు ఎంతో ఆస‌క్తిగా ఎన్టీఆర్ 31న కోసం వెయిట్ చేస్తున్నాయి. 

ఇవి కాకుండా మెగా ప‌వ‌ర్ స్టార్ రామ్ చ‌ర‌ణ్‌తో.. ఐకాన్ స్టార్ అల్లు అర్జున్‌తో ప్ర‌శాంత్ నీల్ సినిమాలు చేయ‌టానికి చ‌ర్చ‌లు జ‌రుపుతున్నారు. త్వ‌ర‌లోనే వాటికి సంబంధించిన ప్ర‌క‌ట‌న‌లు వ‌స్తాయ‌ని సినీ స‌ర్కిల్స్ అంటున్నాయి.