హీరోయిన్లు గా ఎంట్రీ ఇచ్చిన ఒకప్పటి హీరోయిన్స్ కూతుర్లు ఎవరెవరంటే…!

శ్రీదేవి టాలీవుడ్ టు బాలీవుడ్ అందరు అగ్ర హిరోలతో నటించింది. శ్రీదేవి కూతురు జాన్వికపూర్ ధడక్ అనే సినిమాతో బాలివుడ్లోకి అడుగుపెట్టింది. తల్లి అందాన్ని పొందిన జాహ్నవి కపూర్ తన అభినయం తో ప్రేక్షకుల్ని మంత్ర ముగుదలని చేస్తుంది తన కంటూ సెపరేట్ ఫాన్స్ కూడా ఉన్నారు అయితే జాహ్నవి కపూర్ తెలుగు లో ఎన్టీఆర్ సరసన ఎన్టీఆర్ 30 మూవీలో నటిస్తోంది. 

జీవిత రాజశేఖర్ గురించి ప్రత్యేకం గా చెప్పాల్సిన పని లేదు అంకుశం లాంటి బ్లాక్ బస్టర్ హిట్ తర్వాత ఇద్దరు పెళ్లి చేసుకొని ఒక్కటయ్యారు.వాళ్ళకి ఇద్దరు కూతుళ్లు పెద్ద అమ్మాయి శివాని రాజశేఖర్ , చిన్న కూతురు శివాత్మిక రాజశేఖర్. శివాత్మిక దొరసాని మూవీ లో విజయ్ దేవరకొండ తమ్ముడు ఆనంద్ దేవరకొండ తో నటించి మంచి గుర్తింపు తెచ్చుకుంది.  శివాని అద్భుతం అనే మూవీలో నటించింది.  

సీనియర్ నటి లక్ష్మి ఎన్నో వందల సినిమాల్లో విలక్షణ పాత్రలతో గుర్తింపు తెచ్చుకుంది.  ఈమె కూతురు ఐశ్వర్య  హీరోయిన్ గా నటించింది.  మామగారు సినిమాలో సెకండ్ హీరోయిన్ గా నటించింది ఐశ్వర్య. ఆకాశమంత సినిమాలో త్రిష కూడా అమ్మగా ఈమె నటనకు గుర్తింపు వచ్చింది

సీనియర్ హీరోయిన్ రాధా గురించి ప్రత్యేకంగా చెప్పాల్సిన పని లేదు. తెలుగులో ఉన్న స్టార్ హీరోలందరితో నటించింది. ముఖ్యంగా చిరంజీవి తో ఎక్కువ సినిమాలు చేసింది. ఇద్దరు కూతుర్లు కార్తీక, తులసి హీరోయిన్లుగా పరిచయం అయ్యారు. కార్తీక నాగచైతన్య తొలి సినిమా జోష్ లో హీరోయిన్ గా నటించగా.. చిన్న కూతురు తులసి మణిరత్నం చేతులమీదుగా కడలి సినిమాతో ఇండస్ట్రీకి పరిచయం అయింది.

ఒకప్పుడు తెలుగు తమిళ మలయాళ సినిమాల్లో తనకంటూ గుర్తింపు సంపాదించుకున్న సీనియర్ హీరోయిన్ మేనక.  చిరంజీవి పున్నమి నాగు సినిమా లో హీరోయిన్. మలయాళంలో చాలా సినిమాలు చేసింది మేనక. మేనక కూతురే కీర్తి సురేష్.ఈమె నేను శైలజ మూవీ తో టాలీవుడ్ లో ఎంట్రీ ఇచ్చి మహానటి తో నేషనల్ అవార్డు గెలుచుకుంది…తమకంటూ మంచి గుర్తింపు తెచ్చుకుంది

సుమన్, రాజశేఖర్ సినిమాల్లో నటించిన లిజీ తెలుగు ప్రేక్షకులకు బాగానే పరిచయం. తమిళ, మలయాళ సినిమాల్లో ఈమె ఎక్కువగా నటించింది.  ఈమె కూతురు కళ్యాణి ప్రియదర్శన్ హీరోయిన్ గా రాణిస్తుంది. తెలుగులో హలో, రణరంగం లాంటి సినిమాలలో నటించింది కళ్యాణి.

ఒకప్పుడు హీరోయిన్ గా మంచి గుర్తింపు తెచ్చుకుంది సారిక.  సారిక ఇద్దరు కూతుళ్లు ఇప్పుడు ఇండస్ట్రీలో ఉన్నారు.  శృతి హాసన్, అక్షర హాసన్ ప్రస్తుతం హీరోయిన్లుగా కొనసాగుతున్నారు.

మంజుల తెలుగుతో పాటు సౌత్ అన్ని భాషల్లోనూ నటించింది. ఈమె కూతుళ్లు శ్రీదేవి, వనిత కూడా హీరోయిన్లుగా నటించారు. ప్రభాస్ తొలి సినిమా ఈశ్వర్ లో శ్రీదేవి నటించగా.. దేవి సినిమాతో వనిత తెలుగు ప్రేక్షకులకు పరిచయమైంది.