గుడ్ మార్నింగ్ అమెరికా షోలో చెర్రీ పంచుకున్న విశేషాలు.

గుడ్ మార్నింగ్ అమెరికా షోలో పాల్గొన్న చెర్రీ.. తన డైరెక్టర్ ను ఆకాశానికెత్తాడు. "ఆర్ఆర్ఆర్ సినిమా గొప్ప స్నేహం, గొప్ప సోదరభావం, రెండు పాత్ర మధ్య ఉన్న సంబంధాల గురించి తీసినది. నా డైరెక్టర్ రాజమౌళి గొప్ప రైటింగ్స్ లో ఇదీ ఒకటి. అందుకే అతన్ని ఇండియా స్టీవెన్ స్పీల్‌బర్గ్ మేము పిలుచుకుంటాం. త్వరలో రాజమౌళి తన తదుపరి సినిమాతో గ్లోబల్ సినిమాపై తన సత్తాను చాటనున్నారని తెలిపారు రామ్ చరణ్.

ఆర్ఆర్ఆర్ చిత్రానికి గోల్డెన్ గ్లోబ్ వరించింది. బెస్ట్ ఒరిజినల్ సాంగ్ గా నాటు నాటు పాట నామినేట్ కావడంతో తాజాగా అవార్డు దక్కింది. పలు ఇతర అవార్డులు కూడా వచ్చాయి. ఇది కేవలం ఆర్ఆర్ఆర్ కే కాదు మొత్తం ఇండియన్ సినిమా, ఇండియన్ టెక్నీషియన్లకు దక్కిన గౌరవం అని రామ్ చరణ్ స్పష్టం చేశాడు.  

దర్శకధీరుడు రాజమౌళి తెరకెక్కించిన ‘ఆర్ఆర్ఆర్’ సినిమా ప్రపంచ వ్యాప్తంగా ఎంతటి అలజడి సృష్టించిందో అందరికీ తెలిసిందే. ఈ సినిమా విడుదల అయినప్పటి నుంచి ఇప్పటి వరకూ వరుస అంతర్జాతీయ అవార్డులు, ప్రశంసలు అందుకుంటోంది.  ఆర్ఆర్ఆర్ సినిమా ఆస్కార్ అవార్డుల రేసులో కూడా ఉంది.  మార్చి 12 న లాస్ ఏంజిల్స్  నగరంలో ఆస్కార్ అవార్డ్స్ ప్రధానోత్సవం జరగనుంది   

రామ్‌చరణ్‌ ఎదుగుదల చూసి ఆయన తండ్రి మెగాస్టార్ చిరంజీవి తెగ మురిసిపోతూ సోషల్ మీడియా ఖాతాలో పోస్ట్ పెట్టారు. రామ్ చ‌ర‌ణ్‌ గుడ్ మార్నింగ్ అమెరికా షోలో  పాల్గొన‌టం అనేది తెలుగు, ఇండియన్ సినిమా గ‌ర్వించే క్ష‌ణాలు అని పేర్కొంటూ తన సంతోషాన్ని వ్యక్తం చేశారు.  

నేను ఉపాసన ఇన్నాళ్లు పాటు సంతానంపై దృష్టి పెట్టలేదు. ఇప్పుడు కుదిరింది అని చెప్పుకొచ్చాడు. అమెరికాలోనే అత్యంత ప్రతిష్టాత్మకమైన గుడ్ మార్నింగ్ అమెరికా టాక్ షోలో అలరించారు. ఓవైపు పాన్ ఇండియా స్టార్ క్రేజ్ ఎంజాయ్ చేస్తున్న చరణ్..మరోవైపు తమ మొదటి బిడ్డ కోసం ఎంతో ఆసక్తిగా ఎదురుచూస్తున్నారు.