ఆదిపురుష్ మూవీ నెగెటివ్ టాక్ వెనుక కారణాలు

రాముడిగా ప్ర‌భాస్ న‌టించటం ఆయ‌న ఫ్యాన్స్‌కు బాగానే ఉంటుంది. భారీ కాయం, ఆరడుగుల అజానుబాహుడుగా ప్ర‌భాస్ బాగానే ఉన్నప్ప‌టికీ చాలా చోట్ల త్రీడీ మోష‌న్ క్యాప్చ‌ర్ టెక్నాల‌జీ కార‌ణంగా ప్రభాస్‌ను చూడ‌లేక‌పోయామ‌ని చాలా మంది ఫీల్ అయ్యారు. ఆయ‌న లుక్స్ ఆశించినంతగా లేవు. మ‌రీ ముఖ్యంగా ఇంట‌ర్వెల్ త‌ర్వాత ద‌శ‌ర‌థుడితో ప్ర‌భాస్ మాట్లాడే సంద‌ర్భంలో ఆయ‌న లుక్‌పై కామెంట్స్ చేస్తూ పిక్ బ‌య‌ట‌కు వ‌చ్చింది. అది నెట్టింట తెగ వైర‌ల్ అవుతుంది. 

అలాగే సైఫ్ అలీఖాన్ పాత్ర తీరు తెన్నులు కూడా అలాగే ఉంది. రావ‌ణుడుని వాల్మీకి రామాయ‌ణంలో ఎంతో గొప్ప‌గా అభివ‌ర్ణించారు. మ‌న పాత సినిమాల్లోనూ అంతే గొప్ప‌గా చూపించారు. కానీ ఆదిపురుష్‌లో సైఫ్ అలీఖాన్ లుక్ అందుకు భిన్నంగా ఉంది. ఏదో మొఘ‌ల్ వ్య‌క్తిని చూస్తున‌ట్లు ఫీలైన‌వాళ్లే ఎక్కువ‌. ఆయ‌న పాత్ర‌ను మ‌లిచిన తీరుని అంద‌రూర త‌ప్పుప‌డుతున్నారు. ఆ కొండ‌చిలువ‌ల‌తో మ‌సాజ్ చేయించుకోవ‌టం ఏంట‌ని విమ‌ర్శలు చేస్తున్నారు. 

‘ఆదిపురుష్’  చిత్రంలో సీతాదేవి పాత్ర‌లో కృతిస‌న‌న్ న‌టించింది. ఓ సంద‌ర్బంలోఆమె బొడ్డు క‌న‌ప‌డ‌టం అనేది హిందువుల‌ను బాధ‌పెట్టేదిగా ఉంది. దీనిపై కూడా విమ‌ర్శ‌లున్నాయి. అలాగే క్లైమాక్స్ లంక నుంచి బ‌య‌ట‌కు వ‌చ్చిన సీత ముందుగా శ్రీరాముడి కాళ్ల‌కు న‌మ‌స్క‌రించింది. కానీ ఈ సినిమాలో రాముడిని కౌగిలించుకున్న‌ట్లు చూపించారు. వీట‌న్నింటిపై ప్రేక్ష‌కులు పెద‌వి విరుస్తున్నారు. 

వాల్మీకి రామాయ‌ణంలో లంకాన‌గ‌రాన్ని ఎంతో సుంద‌రంగా ఉంటుంద‌ని పొగిడారు. ముందుగా అక్క‌డ‌కు చేరుకున్న హ‌నుమంతుడు.. ఆ న‌గ‌ర సౌంద‌ర్యం చూసి ఆశ్చ‌ర్య‌పోయాడ‌ని కూడా పేర్కొన్నారు. కానీ ‘ఆదిపురుష్’లో అదేదో భూమిపై ఉండే ప్రదేశం కాదనేలా చూపించటం విమర్శలకు దారి తీసింది. 

సాధార‌ణంగా స్ట్ర‌యిట్ సినిమాల‌కు డ‌బ్బింగ్ స‌మ‌స్య‌లు ఉండ‌దు. ద‌ర్శ‌కుడు ఆ విష‌యంలో చాలా జాగ్ర‌త్తలు తీసుకుంటారు. కానీ ఓం రౌత్ ఆ విష‌యాన్ని మ‌ర‌చిపోయిన‌ట్లున్నాడు. అందుక‌నే చాలా స‌న్నివేశాల్లో లిప్ సింక్ క‌నిపించ‌దు.