డిఫరెంట్ కాన్సెప్ట్ తో వచ్చి సూపర్ హిట్ కొట్టిన తెలుగు మూవీస్

మగాడు ఆడదానిగా మారితే ఎలా ఉంటుందన్నడిఫరెంట్ కాన్సెప్ట్ తో వచ్చిన మూవీ జంబలకిడిపంబ.  ఇ. వి. వి సత్యనారాయణ దర్శకత్వంలో 1992 లో వచ్చిన సూపర్ హిట్ మూవీ. ఈ సినిమాకు  ప్రేక్షకులు థియేటర్‌కు క్యూ కట్టారు. ఈ సినిమాలో మహిళలు ఎదుర్కొనే సమస్యల గురించి ఆడవాళ్ళ పనులు మగవారు, మగవాళ్ళ పనులు ఆడవాళ్ళు చేస్తే ఎలా ఉంటుందో వినోదభరితంగా తెరకెక్కించారు. ముఖ్యంగా స్కూల్‌ నేపథ్యంలో వచ్చే కామెడీ సన్నివేశం ప్రేక్షకులను కడుపుబ్బా నవ్వించింది. ఈ సినిమా వచ్చి ఏళ్లయినా ఇంకా నవ్వులు పూయిస్తూనే ఉంది.

ట్రైమ్ ట్రావెల్ కాన్సెప్ట్‌తో తెర‌కెక్కిన మూవీ ఆదిత్య 369. సింగీతం శ్రీనివాసరావు దర్శకత్వం వహించారు. నిర్మాతగా శివలెంక కృష్ణప్రసాద్ రెండో చిత్రమిది. టైమ్ ట్రావెల్ కాన్సెప్ట్ నేపథ్యంలో వచ్చిన మొదటి ఇండియన్ సైన్స్ ఫిక్షన్ సినిమా ఇదే. ఈ సినిమాకి బ్లాక్ బాస్టర్ గా నిలిచింది. ట్రైమ్ ట్రావెల్ కాన్సెప్ట్‌తో ఇప్పటికి రావటానికి కారణం ఈ సినిమానే.   ఆ చిత్రానికి కొనసాగింపుగా ఆదిత్య 999 సినిమా చేయబోతున్నట్లు గతంలో బాలకృష్ణ ప్రకటించారు. కానీ ఇప్పటి వరకు మళ్లీ ఎలాంటి అప్‌డేట్‌ ఇ‍వ్వలేదు. 

'ఈగ' సినిమాకి ముందుగానీ ఆ తరువాతగాని తెలుగు తెరపై అలాంటి ఒక డిఫరెంట్ కాన్సెప్ట్ సినిమా రాలేదు. ఈగ ప్రతి కదలికను తెరపై ఆవిష్కరించిన తీరు ప్రేక్షకులకు ఆశ్చర్యాన్ని కలిగించింది. రాజమౌళి చేయించిన గ్రాఫిక్స్ ఈ సినిమా విజయంలో కీలకమైన పాత్రను పోషించాయి. స్టార్ హీరోలు లేకపోయినా సంచలన విజయాలను సాధించవచ్చని నిరూపించిన ఈ సినిమాను ప్రేక్షకులు ఇప్పటికీ మరిచిపోలేదు. వారాహి చలనచిత్ర బ్యానర్ పై సాయికొర్రపాటి నిర్మించిన ఈ సినిమా 2012 జులై 6వ తేదీన ప్రేక్షకుల ముందుకు వచ్చింది. నాని - సమంత నాయకా నాయికలుగా నటించిన ఈ సినిమాలో, ప్రతినాయకుడిగా కన్నడ స్టార్ సుదీప్ కనిపించాడు. కీరవాణి సంగీతం ఈ సినిమాకి హైలైట్ గా నిలిచింది. 

'టాక్సీవాలా' డిఫరెంట్ కాన్సెప్ట్ మూవీ  సైన్స్ ఫిక్ష‌న్ కామెడీ మూవీ అన్ని సినీ  వ‌ర్గాల‌ ప్రేక్షకుల నుంచి ప్రశంసలను పొందింది. విజ‌య‌దేవ‌ర‌కొండ ఇప్ప‌టివ‌ర‌కు చేసిన సినిమాలంటిలోను ఇది ఒక  డిఫ‌రెంట్ జోన‌ర్ చెప్పవచ్చు  గీతా ఆర్ట్ 2 పిక్చర్స్‌, యు.వి.క్రియేషన్స్‌ బ్యానర్స్‌పై రాహుల్‌ సంక్రిత్యాన్‌ దర్శకత్వంలో ఎస్‌.కె.ఎన్‌ ఈ చిత్రాన్ని నిర్మించారు. జేక్స్ బేజాయ్ మంచి మ్యూజిక్ అందించారు.

జాంబీరెడ్డి చిత్రం డిఫరెంట్ కాన్సెప్ట్ కోవకు చెందినదే. హాలీవుడ్‌లో జాంబీ అనేది చాలా ఫేమస్ సక్సెస్‌ఫుల్ జానర్. తెలుగులో తొలిసారిగా ఈ జాంబీలతో ప్రయోగం చేసి.. తన విలక్షణత మరింత పదును పెట్టాడు యువ టాలెంటెడ్ దర్శకుడు ప్రశాంత్ వర్మ. బాంబీరెడ్డి.. ఇదేం పేరురా బాబూ.. మన తెలుగు వాళ్లకి కనెక్ట్ అవుతుందా? అనే సందేహాలు చాలామందిలో. కానీ ఈ సినిమాను చూడటానికి చిన్న పిల్లలు , పేదవాళ్లందరూ క్యూ కట్టారు. తెలుగు వాళ్లకు కనెక్ట్ కావాలనే.. తెలుగు నేటివిటీకి ఈ జాంబీల దగ్గర చేస్తూ రాయలసీమ ఫ్యాక్షన్, కరోనా వ్యాక్సిన్‌తో ముడిపెట్టి ఆసక్తికరంగా మలిచాడు 

విభిన్నమైన కాన్సెప్ట్ తో బింభిసార అనే సినిమాతో ప్రేక్షకుల ముందుకు వచ్చి బ్లాక్ బస్టర్ హిట్ ను ఖాతాలో వేసుకున్నాడు.టైం ట్రావెల్ ఫ్రం బ్యాడ్ టు గుడ్..  బింబిసార ట్యాగ్ లైన్ ఇది. ఈ కథ సారమంతా ఈ లైన్లోనే ఉంది. అధికార దాహంతో.. అహంకారంతో మిడిసిపడే ఒక రాజు కాలంలో ప్రయాణించి వర్తమానంలోకి రావడం.. ఇక్కడ మంచి మనిషిగా మారి తన జీవితానికి ఒక పరమార్థం ఉండేలా మంచి చేసి తన కథకు ముగింపు ఇవ్వడం.. ఇదీ సింపుల్ గా బింబిసార సారాంశం. ఐతే కాగితం మీద సింపుల్ గా కనిపించే ఈ కాన్సెప్ట్ ను తెరపై రెండున్నర గంటల సినిమాగా ప్రెజెంట్ చేయడం అంత తేలిక కాదు. కొత్త దర్శకుడు అయినప్పటికీ వశిష్ఠ ఈ పనిని విజయంతంగా చేయగలిగాడు.

అల్లు శిరీష్‌ , అనూ ఇమ్మాన్యుయేల్  జంట‌గా న‌టించిన చిత్రం ‘ఊర్వశివో రాక్షసివో’ రీసెంట్ గా వచ్చిన డిఫరెంట్ కాన్సెప్ట్ మూవీ.  మారుతున్న ప‌రిస్థితుల్లో మ‌నుషుల మ‌ధ్య ఉండే బంధాల‌నేవి చాలా సంక్లిష్టంగా మారుతున్నాయి. ప్ర‌స్తుత కాలంలోని అలాంటి సంక్లిష్ట‌మైన బంధాల‌ గురరించి తెలియ‌జేసే రొమాంటిక్ కామెడీ ఎంట‌ర్‌టైన‌ర్ ‘ఊర్వశివో రాక్షసివో’ రూపొందింది. ఈ సినిమాకి  రైటర్, డైరెక్టర్ రాకేష్ శశి వహించారు.

జయాపజయాలతో సంబంధం లేకుండా సొంత బేనర్లో కొత్త దర్శకులను నమ్మి భారీ ప్రయత్నాలు చేస్తుంటాడు నందమూరి కళ్యాణ్ రామ్.వరుస ప్లాప్ లతో సతమతమవుతున్న కళ్యాణ్ రామ్ బింబిసారా సూపర్ హిట్ తో మళ్లీ ట్రాక్ లోకి వచ్చేసాడు.కమర్షియల్ సినిమాలు కాదు డిఫరెంట్ కంటెంట్ ఉన్న సినిమాలు చేస్తేనే ప్రేక్షకులు ఆదరిస్తారు అన్న విషయాన్ని అర్థం చేసుకున్న కళ్యాణ్ రామ్ ఇక కథలు ఎంపికలో ఆచీ తూచి అడుగులు వేస్తున్నాడు అని చెప్పాలి.  తెలుగు ఇండస్ట్రీలో ప్రేక్షకులు చూడని కొత్త కథలను ఎంచుకుంటూ సర్ ప్రైస్ చేసి బ్లాక్ బస్టర్ కొట్టేందుకు సిద్ధమవుతున్నాడు కళ్యాణ్ రామ్.  ఫిబ్రవరి 10వ తేదీన ఎంతో గ్రాండ్గా రిలీజ్ అవుతోంది అమీగోస్ మూవీ. ఈ సినిమాలు లో ఏకంగా త్రిపాత్రాభినయంతో ప్రేక్షకులను అలరించబోతున్నాడు. ఇప్పటికే అమీగోస్ సినిమాకు సంబంధించి టీజర్ సాంగ్స్ కూడా విడుదల అయ్యి మంచి ఆదరణ సొంతం చేసుకున్నాయి.