తారకరత్న సినీ ప్రస్థానం,పెళ్లి..అనుకునంత సక్సెస్ కాకపోవడానికి గల కారణాలు..!

నందమూరి బాలకృష్ణ ఎన్టీఆర్ వారసుడిగా సినిమా ఇండస్ట్రీలో తనకంటూ ఒక ప్రత్యేకమైన గుర్తింపును అందుకున్నాడు. ఇక ఆయన తర్వాత మూడవ తరం వారసులు చాలామంది ఇండస్ట్రీలో అడుగు పెట్టారు. అయితే అందులో జూనియర్ ఎన్టీఆర్ కళ్యాణ్ రామ్ తర్వాత తారకరాత్న కూడా లాంచింగ్ కూడా బాగానే జరిగింది. దాదాపు జూనియర్ ఎన్టీఆర్ తారకరత్న ఒకేసారి సినిమా ఇండస్ట్రీలోకి వచ్చారు

ఇండస్ట్రీకి ఎవరైనా ఒక సినిమాతో ఎంట్రీ ఇస్తారు.. లేదంటే రెండు సినిమాలతో వస్తారు. కానీ ఒకేసారి 9 సినిమాలతో ఎంట్రీ ఇచ్చి సంచలనం సృష్టించిన హీరో నందమూరి తారకరత్న. అప్పట్లో ఇదో పెద్ద సంచలనం. ఒకటి రెండు కాదు ఏకంగా 9 సినిమాలు ఒకే రోజు మొదలయ్యాయి. ఎందుకంటే హీరోగా ఎంట్రీ ఇవ్వకముందే అన్ని సినిమాలతో రావడం అంటే చిన్న విషయం కాదు. అందులో చాలా వరకు విడుదల కాలేదు. కొన్ని సినిమాలు పెద్ద నిర్మాణ సంస్థలు.. అగ్ర దర్శకులతో కూడా మొదలుపెట్టాడు తారకరత్న. కానీ ఎందుకో అవి తర్వాత మెటిరియలైజ్ కాలేదు. కేవలం ముహూర్తంతోనే ఆగిపోయిన సినిమాలు చాలానే ఉన్నాయి. అప్పుడు మొదలుపెట్టిన సినిమాలలోనే ఒకటో నెంబర్ కుర్రాడు, యువరత్న, తారక్, నో, భద్రాద్రి రాముడు లాంటి సినిమాలు మాత్రమే విడుదలయ్యాయి.

హీరోగా ఎంట్రీ ఇస్తున్నాడు అనగానే 2002లో తారకరత్న హీరోగా ఎంట్రీ ఇస్తున్నాడు అనగానే నందమూరి ఫ్యాన్స్ లో ఒక్కసారిగా అంచనాలు పెరిగిపోయాయి. మూడవ తరం లో నుంచి మరొక వారసుడు రాబోతున్నాడు అనగానే తప్పకుండా అతను కూడా మంచి హీరోగా సక్సెస్ అవుతాడు అని అందరూ అనుకున్నారు. కానీ ఆ రేంజ్ లో అయితే తారకరత్న సక్సెస్ కాలేదు.

హీరోగా అంతగా సక్సెస్ కాకపోయినప్పటికీ కూడా మంచి వ్యక్తిగా మాత్రం ఇండస్ట్రీలో అందరికీ గుర్తుండిపోయాడు. అతను ఎవరితో కూడా ఇప్పుడు తప్పుగా వ్యవహరించినట్లు లేదు. అందరిని సమానంగా చూసేవాడు అని సన్నిహితులు చెబుతూ ఉంటారు. ఇక అంతే కాకుండా తారకరత్న రవి బాబు దర్శకత్వంలో అమరావతి అనే సినిమాలో కూడా విలన్ గా నటించాడు. ఆ సినిమాకు అతనికి నంది అవార్డు కూడా దక్కింది.

2012లో దయ సినిమా షూటింగ్‌ సమయంలో నందమూరి తారకరత్నకు అలేఖ్యరెడ్డి పరిచయమైంది. నందీశ్వరుడు సినిమాకు ఆమె కాస్ట్యూమ్ డిజైనర్‌గా పనిచేశారు. ఆ పరిచయం కొంత కాలానికి ప్రేమగా మారింది. కులాంతర వివాహం కావడంతో పెద్దలు ఒప్పుకోలేదు. దాంతో హైదరాబాద్‌ శివారులోని సంఘీ టెంపుల్‌లో తారకరత్న, అలేఖ్యరెడ్డి రహస్యంగా వివాహం చేసుకున్నారు. తారకరత్న కుటుంబం నుంచి ఒక్క వ్యక్తి కూడా హాజరుకాలేదు. కేవలం తారకరత్న స్నేహితులు, సన్నిహితులు మాత్రమే వచ్చారు. పెద్దలను ఎదురించి పెళ్లి చేసుకోవడంతో ఎవరూ రాలేదు.

ఒకటో నెంబర్ కుర్రాడు సినిమా తర్వాత యువరత్న అనే సినిమాతో వచ్చి ప్రేక్షకులని మెప్పించాడు తారకరత్న. ఈ సినిమా మోస్తరు విజయం సాధించింది. అనంతరం తారక్, భద్రాద్రి రాముడు, నో.. సినిమాలతో మెప్పించాడు. 2006 తర్వాత మూడు సంవత్సరాలు గ్యాప్ తీసుకొని 2009లో రవిబాబు దర్శకత్వంలో వచ్చిన అమరావతి చిత్రంలో విలన్ గా నటించి మళ్లీ సినీ జీవితాన్ని మొదలుపెట్టాడు. ఈ సినిమాకి రాష్ట్రప్రభుత్వం నుంచి ఉత్తమ ప్రతినాయకుడిగా నంది అవార్డు కూడా అందుకున్నారు తారకరత్న. ఆ తర్వాత రాజా చెయ్యి వేస్తే అనే సినిమాలో కూడా ప్రతినాయకుడిగా నటించి మెప్పించారు. అనంతరం వెంకటాద్రి, ముక్కంటి, నందీశ్వరుడు, విజేత, ఎదురులేని అలెగ్జాండర్, చూడాలని చెప్పాలని, మహాభక్త సిరియాల, కాకతీయుడు, ఎవరు, మనమంత, ఖయ్యూంబాయ్, దేవినేని, ఎస్ 5 నో ఎగ్జిట్, సారథి.. లాంటి పలు సినిమాల్లో నటించాడు. ఇటీవలే కొన్ని నెలల క్రితం డిస్నీప్లస్ హాట్ స్టార్ ఓటీటీలో 9 హావర్స్ అనే వెబ్ సిరీస్ లో హీరోగా పోలీసాఫీసర్ క్యారెక్టర్ లో నటించి మెప్పించాడు. ఈ సిరీస్ మంచి విజయం సాధించడంతో దీనికి పార్ట్ 2 కూడా గతంలోనే ప్రకటించారు.

జనవరి 27న ‘యువగళం’  పాదయాత్రలో పాల్గొనేందుకు సిద్ధమవుతున్న సమయంలో తారకరత్న తీవ్ర అస్వస్థతకు గురైన  ఆయన్ను తొలుత కుప్పం ఆస్పత్రికి తరలించారు. అక్కడి నుంచి మెరుగైన వైద్యం కోసం ప్రత్యేక అంబులెన్స్‌లో బెంగళూరులోని నారాయణ హృదయాలయ ఆస్పత్రిలో చేర్పించారు. తీవ్ర గుండెపోటుతో ఆస్పత్రిలో చేరిన ఆయన 23 రోజులుగా వెంటిలేటర్‌పై చికిత్స పొందుతూ 18/2/2023 శనివారం రాత్రి తుది శ్వాస విడిచారు.