యాక్టింగ్ అంటే ఇష్టం లేకుండానే ఎంట్రీ ఇచ్చి శ‌ర‌త్ బాబు

శరత్ బాబుకి ముందు యాక్టర్ కావాలనే ఆస‌క్తి లేదు. ఆయ‌న‌కు పోలీస్ ఆపీస‌ర్ కావాల‌నే కోరిక ఉండేది. ఆయ‌న ఎగ్జామ్స్ క్లియ‌ర్ చేసిన‌ప్ప‌టికీ ఫిజిక‌ల్ టెస్టుల్లో ఫెయిల్ అయ్యారు. అందుకు కారణం.. ఆయ‌న‌కు దృష్టి స‌మ‌స్య ఉండ‌టమే. మ‌రో వైపు ఆయ‌న తండ్రి వారి బిజినెస్ చూసుకోమ‌ని చెప్పారు. అయితే శ‌ర‌త్ బాబు త‌ల్లికి మాత్రం ఆయ‌న యాక్ట‌ర్ కావాల‌ని ఉండింది. త‌ల్లి కోరిక మేర‌కు శ‌ర‌త్ బాబు సినీ రంగం వైపు అడుగులు వేశారు. 1973లో విడుద‌లైన రామ‌రాజ్యం చిత్రం ద్వారా హీరోగా ప‌రిచ‌యం అయ్యారు. 

1973లో హీరోగా ఎంట్రీ ఇచ్చిన శ‌ర‌త్ బాబు..1974లో సీనియ‌ర్ న‌టి ర‌మా ప్ర‌భ‌ను పెళ్లి చేసుకున్నారు. త‌న కంటే వ‌య‌సులో పెద్ద‌దైన‌ప్ప‌టికీ ర‌మాప్ర‌భ‌ను పెళ్లి చేసుకున్నారు. అయితే మ‌న‌స్ప‌ర్ద‌ల‌తో ఆమె నుంచి విడిపోయారు. త‌ర్వాత కోలీవుడ్ న‌టుడు నంబియార్ కుమార్తెను పెళ్లాడారు. కొన్నాళ్ల‌కు ఆమెతో కూడా విడిప‌డిపోయారు శ‌ర‌త్ బాబు. శ‌ర‌త్ బాబు త‌న‌ను మోసం చేశాడంటూ ప‌లు ఇంట‌ర్వ్యూస్ శ‌ర‌త్ బాబు మీద ఆరోప‌ణ‌లు చేసింది. 

1978లో వచ్చిన తమిళ చిత్రం ‘నిళల్ నిజమగిరదు’తో శరత్ బాబు మంచి గుర్తింపును సంపాదించుకున్నారు.  కె.బాలచందర్ దర్శకత్వంలోనే వచ్చిన ‘ఇది కథకాదు’ సినిమాతో శరత్ బాబు మంచి గుర్తింపు తెచ్చుకున్నారు.‘మరో చరిత్ర’, ‘మూడు ముళ్ల బంధం’, అయ్యప్ప’, ‘స్వాతిముత్యం’, ‘సంసారం ఒక చదరంగం’, ‘తాయారమ్మ బంగారయ్య’, ‘సీతాకోక చిలుక’, ‘శరణం , ‘అభినందన’, ‘కోకిల’, ‘ఆపద్భాందవుడు’, ‘సాగర సంగమం’, ‘బొబ్బిలి సింహం’, ‘అన్నయ్య’ వంటి సినిమాలు శరత్ బాబుకు మంచి ఇమేజ్‌ను తెచ్చి పెట్టాయి. ఇలా ఆయ‌న తెలుగు, తమిళ భాషల్లో కలిపి ఆయన 300కు పైగా సినిమాల్లో నటించారు.

అడ‌పా ద‌డ‌పా సినిమాలు చేస్తూ వ‌చ్చిన శ‌ర‌త్ బాబు న‌టించిన చివ‌రి చిత్రం వ‌కీల్ సాబ్‌.. ఈ చిత్రంలో ప‌వ‌న్ క‌ళ్యాణ్‌తో క‌లిసి న‌టించారు. ఆయ‌న జ‌డ్జిగా న‌టించారు. కొన్నాళ్లు ముందు చెన్నైలో అనారోగ్యంతో హాస్పిట‌ల్లో జాయిన్ అయ్యారు. త‌ర్వాత హైద‌రాబాద్ వ‌చ్చిన‌ప్పుడు అనారోగ్య స‌మ‌స్య‌లు వ‌చ్చాయి. దీంతో ఏఐజీ హాస్పిట‌ల్ లో జాయిన్ చేశారు. కొన్నాళ్లుగా ట్రీట్‌మెంట్ తీసుకుంటున్న ఆయ‌న‌కు అవ‌యవాలు ప‌ని చేయ‌టం మానేయ‌టంతో ప‌రిస్థితి చేయి దాటింది. దాంతో ఆయ‌న క‌న్నుమూశారు.