రూమర్స్ కి చెక్ పెట్టిన శర్వానంద్.. వివాహం, ఎప్పుడు, ఎక్కడంటే .. !

నటుడు శర్వానంద్ అధికారికంగా తన వివాహం గురించి ఒక ప్రకటన విడుదల చేసాడు. అందులో తన వివాహం, ఎప్పుడు, ఎక్కడ ఇవన్నీ ప్రకటించాడు. దీనితో శర్వానంద్ వివాహం గురించి వచ్చిన రూమర్స్, వార్తలకు ఒక స్టాప్ పెట్టినట్టు అయింది.

వీరిద్దరి పెళ్లి సంబరం రాజస్థాన్ జైపూర్ లోని లీల ప్యాలస్ జూన్ 2, 3 తేదీల్లో జరగనుంది. జూన్ 2న మెహందీ ఫంక్షన్ జరగనుంది. జూన్ 3న రాత్రి 11 గంటల సమయంలో హిందూ సాంప్రదాయ పద్దతిలో శర్వా అండ్ రక్షిత ఒకటి కానున్నారు. 

శర్వానంద్‌కు కాబోయే భార్య రక్షిత సాఫ్ట్‌వేర్‌ ఉద్యోగి. ఆమె తండ్రి మధుసూదన్‌రెడ్డి. ఆయన హైకోర్టు లాయర్‌. తల్లి సుధారెడ్డి.

శర్వానంద్ కి  రక్షితరెడ్డితో జనవరి 26న నిశ్చితార్థం జరిగింది. వీరిద్దరి నిశ్చితార్ధానికి చిరంజీవి, నాగార్జున, రామ్ చరణ్, రానా, అల్లరి నరేష్, సిద్దార్థ్.. తదితరులు హాజరై శుభాకాంక్షలు తెలిపారు.

కొన్ని రోజుల నుండి నటుడు శర్వానంద్ వివాహం గురించి సాంఘీక మాధ్యమంలో ఇటు కొన్ని మాధ్యమాల్లో కూడా బాగా వైరల్ అయ్యాయి. కొందరు శర్వానంద్, రక్షిత  ల ఎంగేజ్మెంట్ బ్రేక్ అయిపోయిందని, శర్వా వివాహం వాయిదా వేసుకున్నాడని, ఇలా పలు రకాలుగా వార్తలు రాసారు, వైరల్ కూడా అయ్యాయి. 

శర్వానంద్ సినిమాల విహాయనికి వస్తే ప్రస్తుతం శ్రీరామ్ ఆదిత్య డైరెక్షన్ లో ఒక సినిమా చేస్తున్నాడు. ఇటీవలే లండన్ లో 40 రోజులు లాంగ్ షెడ్యూల్ ని పూర్తి చేశాడు. పీపుల్ మీడియా ఫ్యాక్టరీ ఈ సినిమాని నిర్మిస్తుంది. శర్వానంద్ 35వ సినిమాగా వస్తున్న ఈ చిత్రంలో కృతి శెట్టి  హీరోయిన్ గా నటిస్తుంది.