100 కోట్ల క్లబ్‌లో చేరిన టాలీవుడ్ టైర్-2 హీరోల లిస్ట్

విజయ్ దేవరకొండ, రష్మిక మందన్న హీరో హీరోయిన్లుగా పరశురాం దర్శకత్వంలో తెరకెక్కిన  గీత గోవిందం  చిత్రం బాక్సాఫీసు వద్ద కలెక్షన్ల సునామీ క్రియేట్ చేసింది. 100 కోట్లు స్టార్ హీరోలు కూడా క‌ల‌గ‌నే నెంబ‌ర్ ఇది. కానీ కేవ‌లం మూడంటే మూడు విజ‌యాల‌తో దీన్ని అంద‌కున్నాడు విజ‌య్ దేవ‌ర‌కొండ‌. ఈ హీరో న‌టించిన  గీత‌గోవిందం  100 కోట్ల క్ల‌బ్ లో చేరింది 

అనిల్ రావిపూడి దర్శకత్వం లో  వరుణ్ తేజ్, వెంకటేష్ నటించిన  ఎఫ్2, ఎఫ్3 మంచి విజ‌యాలు అందుకున్నాయి. ఈ రెండు సినిమాలు 100 కోట్లు పైగా కలెక్షన్స్ రాబట్టాయి. ఎఫ్2, ఎఫ్3  సినిమాలతో 100న కోట్ల క్లబ్ లో వరుణ్ తేజ్ నిలిచారు. 

రామ్ హీరోగా పూరి జగన్నాధ్ దర్శకత్వంలో రూపొందిన 'ఇస్మార్ట్ శంకర్' మూవీ బాక్సాఫీస్ వద్ద దుమ్ము రేపింది. ఈ సినిమా తో రామ్ పోతినేని  100 కోట్ల క్ల‌బ్ లో  చేరాడు. 

మెగా మేనల్లుడు వైష్ణవ్‌తేజ్‌, కృతిశెట్టి హీరో హీరోయిన్లుగా పరిచయం అయిన చిత్రం ‘ఉప్పెన’. బుచ్చిబాబు తెరకెక్కించిన ఈ సినిమా ఫిబ్రవరి 12వ తేదీన విడుదలైన బాక్సాపీస్‌ వద్ద దుమ్మురేపింది. వైష్ణవ్‌తేజ్‌ ఉప్పెన చిత్రం తో   100 కోట్ల క్లబ్‌లో చేరాడు. 

టాలీవుడ్‌లో తనదైన చిత్రాలతో ప్రత్యేకతను చాటుకుంటూ.. ఫలితాలతో సంబంధం లేకుండా వరుసగా సినిమాల మీద సినిమాలు చేసుకుంటూ వస్తున్నాడు టాలెంటెడ్ హీరో నిఖిల్ సిద్దార్థ్. నిఖిల్ సిద్దార్థ్ హీరోగా చందూ మొండేటి రూపొందించిన సినిమానే కార్తికేయ 2. డివోషనల్ కాన్సెప్టుతో వచ్చిన ఈ సినిమా బ్లాక్ బస్టర్ హిట్ సాధించింది. మొత్తంగా ఈ చిత్రానికి ప్రపంచ వ్యాప్తంగా రూ. 58.40 కోట్లు షేర్‌, రూ. 121.50 కోట్లు గ్రాస్ వసూలైంది.

నేచురల్ స్టార్ కెరీర్ లోనే అత్యధిక భారీ బడ్జెట్ తో వచ్చిన దసరా సినిమా బాక్స్ ఆఫీస్ వద్ద సాలీడ్ కలెక్షన్స్ అందుకుంది. నాని కెరీర్ మొత్తంలో కూడా అత్యధిక కలెక్షన్స్ అందుకున్న సినిమాగా దసరా రికార్డును క్రియేట్ చేసింది. ఈ సినిమా ప్రపంచ వ్యాప్తంగా రూ. 63 55 కోట్లు షేర్‌, రూ. 115.60 కోట్లు గ్రాస్ వచ్చింది. 

రేయ్ సినిమాతో హీరోగా పరిచయమైన మెగా మేనల్లుడు సాయి ధరమ్ తేజ్.. తనకంటూ ప్రత్యేకమైన గుర్తింపు తెచ్చుకోడానికి కష్ట పడుతూ వచ్చాడు. చాలా కాలంగా సాలిడ్ హిట్ కోసం వేచి చూస్తున్న సుప్రీం హీరో సాయి ధరమ్ తేజ్, విరూపాక్ష సినిమాతో బిగ్గెస్ట్ బ్లాక్ బస్టర్ సాధించాడు. కార్తీక్ దండు దర్శకత్వంలో తెరకెక్కించిన ఈ మిస్టికల్ థ్రిల్లర్, బాక్సాఫీస్ వద్ద మైలురాయి మార్క్ అందుకుంది. వరల్డ్ వైడ్ గా రూ. 100 కోట్ల గ్రాస్ కలెక్షన్స్ రాబట్టి సరికొత్త రికార్డ్ క్రియేట్ చేసింది.