అప్ప‌టికీ..ఇప్ప‌టికీ..ఎప్ప‌టికీ అత్యుత్తమమైన టాప్ 7 తెలుగు పౌరాణిక చిత్రాలు

ఈ చిత్రం మహాభారతంలో విరాటపర్వం' లో అంశం కధగా తీసుకుని అద్భుతంగా చిత్రీకరించారు.ఆనాటి మత్స్య దేశం,విరాట నగరం,మారు వేషాలలో అజ్ఞాత వాసం చేస్తున్న పాండవులు,ద్రౌపది, ఉత్తర కుమారుని ప్రగల్భాలు,కీచకుని అహంకారం,దుర్నీతి,గోగ్రహణం ఒకటేమిటి,ప్రతీ అంశము భారతంలో ఆ భాగాన్ని మన కౕళ్ళ ముందు నిలిచేలా సజీవచిత్రణ చేశారు.ఇందులో సుసర్ల దక్షిణామూర్తిగారి సంగీతం అత్యంత మధురం.ఈ చిత్రంలో ముఖ్యంగా చెప్పుకోదగినది కీచకునిగా ఎస్వీరంగారావుగారి,బృహన్నలగా రామారావుగారు,ద్రౌపదిగా సావిత్రిగార్ల నటన. కీచకునిగా అద్భుతంగా నటించిన రంగారావుగారికి ఆనాటి జకార్తా ఫిల్మ్ ఫెస్టివల్ లో ఉత్తమ నటుడుగా సమ్మానం లభించింది.

పౌరాణిక చిత్రాల్లో మొద‌టి స్థానంలో ఉంటుంది మాయాబ‌జార్ సినిమా . వెండితెర‌పై న‌వర‌సాల‌ను పండించిన‌ చిత్రంగా మాయాబ‌జార్ ప్రేక్ష‌కుల ప్ర‌శంస‌లు అందుకుంది. ఎన్టీఆర్, ఏఎన్ఆర్‌, ఎస్‌వీ రంగారావు, సావిత్రి, రేలంగి, గుమ్మ‌డి, ర‌మ‌ణా రెడ్డి, సూర్య‌కాంతం ఈ చిత్రంలో న‌టించారు. 1957 మార్చి 27న మాయాబ‌జార్ చిత్రాన్ని విడుద‌ల చేశారు. ప్ర‌ముఖ ద‌ర్శ‌కుడు కేవీ రెడ్డి ద‌ర్శ‌క‌త్వం వ‌హించారు. ఈ సినిమాకు నాగిరెడ్డి, చక్రపాణి నిర్మాత‌లుగా వ్యవహరించారు. ఈ చిత్రానికి చిత్రానికి ఘంటసాల వెంకటేశ్వరరావు, సాలూరు రాజేశ్వరరావు సంగీతం స‌మ‌కూర్చారు.

నందమూరి తారక రామారావు, కొండవీటి వెంకటకవి కలిసి సృష్టించిన దాన‌వీర శూర‌క‌ర్ణ చిత్రం ఎన్నో రికార్డులను తిరగరాసింది. ప‌ది ల‌క్ష‌ల రూపాయ‌లు ఈ సినిమా బ‌డ్జెట్. కానీ కోటి రూపాయ‌ల‌కు పైగా వ‌సూళ్లు చేసింది. దాన‌వీర శూర‌క‌ర్ణ సినిమాను 1977 జ‌న‌వ‌రి 14న విడుదల చేశారు. ఈ సినిమాకు ద‌ర్శ‌క‌, నిర్మాత‌గా ఎన్టీఆర్ వ్య‌వ‌హ‌రించారు. రామకృష్ణా సినీ స్టూడియోస్ బ్యాన‌ర్‌పై ఈ చిత్రాన్ని నిర్మించారు. పెండ్యాల నాగేశ్వరరావు సంగీతం అందించారు.  కృష్ణుడు, కర్ణుడు, దుర్యోధనుడి పాత్రల ఔన్నత్యాన్ని ఈ చిత్రంలో చూపించారు. ఈ మూడు పాత్ర‌లలో నంద‌మూరి తారక రామారావు న‌టించారు. ఈ సినిమాలో నందమూరి బాలకృష్ణ అభిమన్యుడి పాత్రను పోషించగా, నందమూరి హరికృష్ణ అర్జునుడి పాత్రలో నటించారు.

పాండ‌వ వ‌న‌వాసం సినిమా 1965 జ‌న‌వ‌రిలో విడుద‌లైంది. పౌరాణిక బ్రహ్మగా పేరు తెచ్చుకున్న క‌మ‌లాక‌ర కామేశ్వరరావు ద‌ర్శ‌కుడిగా వ్య‌వ‌హ‌రించారు. ఈ చిత్రాన్ని మాధవీ ప్రొడక్షన్స్ అధినేత ఎ.ఎస్.ఆర్.ఆంజనేయులు నిర్మించారు. ఘంటసాల వెంకటేశ్వరరావు సంగీతం స‌మ‌కూర్చారు. మ‌హాభార‌తంలో పాండ‌వులు మాయా జూదంలో ఓడిపోతారు. జూదంలోని ష‌ర‌తులు కార‌ణంగా 12 ఏళ్లు అర‌ణ్య వాసానికి వెళ‌తారు. ఆ వ‌న‌వాసంలోని విశేషాల‌తో పాండ‌వ వ‌న‌వాసం తెర‌కెక్కించారు. ఎన్టీఆర్ భీముడిగా, ఎస్వీ రంగారావు  దుర్యోధనుడిగా, కాంతారావు కృష్ణుడిగా, సావిత్రి ద్రౌపదిగా న‌టించి మెప్పించారు. 

భాగ‌వ‌తంలో పారిజాతాప‌హ‌ర‌ణం ఘ‌ట్టం ఉంది. ఆ ఘ‌ట్టాన్ని శ్రీకృష్ణ‌దేవ‌రాయలు ఆస్థాన క‌వి తిమ్మ‌న త‌న‌దైన శైలిలో రాశారు. తిమ్మ‌న రాసిన పారిజాతాప‌హ‌ర‌ణం క‌థ ఆధారంగా శ్రీ కృష్ణ తులాభారం అనే నాట‌కాన్ని ముత్తురాజు సుబ్బారావు రూపొందించారు. శ్రీకృష్ణుడి పాత్ర‌లో ఎన్టీఆర్, రుక్మిణిగా అంజ‌లి దేవి, స‌త్య‌భామ‌గా జ‌మున న‌టించారు.  ఈ సినిమాకు  కమలాకర కామేశ్వర రావు దర్శకత్వం వహించారు.

బాపూగారి కళాఖండం.ఆయన గీచిన ఒక మనోహర చిత్రం సంపూర్ణ రామాయణం.రామాయణం తెలిసిందే కదాని కొంత నిరాసక్తిగా చూడడం ప్రారంభించాను కానీ నా ఊహ తప్పయింది.ఇతిహాసానికి, చిత్రకళ జోడిస్తే ఆ చిత్రం ఎంత మనోహరంగా తయారవుతుందో ఉదాహరణ ఈ చిత్రం.ఇందులో ప్రతీ సీన్ లో సౌందర్య దృష్టికోణం' వ్యక్తమవుతుంటుంది.

ఈ సినిమా అప్పటిలో కలర్ లో తీశారు.చాలా పెద్ద సినిమా.రెండు ఇంటర్వెల్స్ ఉన్నవి. అయినా సరే ఈ చిత్రం మనలని కట్టిపడేస్తుంది 3 గంటలు.దర్శకులు,నటులు రామాయణం సారాన్ని తెలుసుకుని చిత్రాన్ని మనకి అందించారనిపిస్తుంది.ముఖ్యంగా ఘంటశాలగారి సంగీతదర్శకత్వం,గానం,సుశీల,లీల గార్ల అద్భుత గానం,పద్యాలు,శ్లోకాలు ఈ చిత్రానికి వెలలేని ఆభరణాలు,అలంకారాలు.