ఇత‌ర రంగాల్లో రాణిస్తోన్నటాలీవుడ్‌ స్టార్ హీరోల భార్య‌లు

సూప‌ర్‌స్టార్‌ మ‌హేష్ స‌తీమ‌ణి న‌మ్ర‌తా శిరోద్క‌ర్ హీరోయిన్‌గా కెరీర్ స్టార్ట్ చేసినా పెళ్లి తర్వాత ఫ్యామిలీకే ప‌రిమితం అయ్యారు. మ‌హేష్ క‌మర్షియ‌ల్ బ్రాండింగ్ వ్య‌వ‌హారాల‌ను ప‌ర్య‌వేక్షించ‌టంతో ఏఎంబీ సినిమాతో పాటు పాటు టెక్స్‌టైల్స్‌, ఫుడ్ బిజినెస్‌ల‌లో మ‌హేష్ పెట్టుబ‌డుల‌ను ఈమె ప‌ర్య‌వేక్షిస్తుంటారు. 

ఐకాన్ స్టార్ అల్లు అర్జున్ స‌తీమ‌ణి స్నేహా రెడ్డి సోష‌ల్ మీడియాలో చాలా యాక్టివ్‌గా ఉంటారు. ఈమె తండ్రి రాజ‌కీయ నాయకుడు. ఆయ‌న స్థాపించిన సెయింట్ ఇన్‌స్టిట్యూట్ ఆఫ్ టెక్నాల‌జీ డైరెక్టర్‌గా బాధ్య‌త‌ల‌ను నిర్వ‌హిస్తూనే ఓ ఫొటో స్టూడియోను నిర్వ‌హిస్తున్నారు. 

దేశంలో అతి పెద్ద హాస్పిట‌ల్స్‌లో ఒక‌టి అపోలో. దాని డైరెక్టర్స్‌లో ఒక‌రిగా ఉంటున్న ఉపాస‌న.. మెగాప‌వ‌ర్ స్టార్ రామ్ చ‌ర‌ణ్ స‌తీమ‌ణి అనే విష‌యం తెలిసిందే. దీంతో పాటు ఎయిర్ లైన్స్ బిజినెస్‌, యువ‌ర్ లైఫ్ అనే హెల్త్ మాగ‌జైన్‌, వెబ్ సైట్‌ను బాధ్య‌త‌ల‌ను నిర్వ‌హిస్తుంటారు. 

యంగ్ టైగ‌ర్‌ ఎన్టీఆర్ స‌తీమ‌ణి ల‌క్ష్మీ ప్ర‌ణ‌తి ఎక్కువ స‌మ‌యాన్ని కుటుంబానికే కేటాయిస్తుంటారు. త్వ‌ర‌లోనే ఆమె ఓ ఎంట‌ర్‌టైన్మెంట్ ఛానెల్‌ను స్టార్ట్ చేయ‌బోతున్నార‌నే టాక్ న‌డుస్తోంది. 

నేచుర‌ల్ స్టార్ నాని స‌తీమ‌ణి అంజ‌న ఆర్కే మీడియా వ‌ర్క్స్ కంపెనీలో క్రియేటివ్ హెడ్‌గా ప‌ని చేస్తున్నారు. బాహుబ‌లి వంటి ప‌లు చిత్రాల‌కు ఆమె వ‌ర్క్ చేశారు.

కామెడీతో పాటు రీసెంట్‌గా కాన్సెప్ట్ చిత్రాల్లో న‌టిస్తూ త‌న‌దైన ఇమేజ్ సంపాదించుకున్న అల్ల‌రి న‌రేష్ సతీమణి విరూప. ఈమె గురించి పెద్ద‌గా తెలియ‌దు. అయితే ఆమె ఓ ఈవెంట్ మేనేజ్‌మెంట్ సంస్థ‌ను న‌డుపుతూ స‌క్సెస్‌ఫుల్‌గా రాణిస్తున్నారు.