కపటధారి స్టోరీ

కథ

గౌతమ్ (సుమంత్) ట్రాఫిక్ పోలీస్ అధికారి. దాదాపు 40 ఏళ్ల క్రితం జరిగిన ముగ్గురి హత్య కేసును మళ్లీ దర్యాప్తు చేయాలనుకొంటాడు. తన దర్యాప్తులో భాగంగా లాకప్ దిన పత్రిక ఎడిటర్ జేకే (జయప్రకాశ్) రిటైర్డ్ పోలీస్ అధికారి రంజిత్ (నాజర్), రమ్య (సుమన్ రంగనాథ్)ను కలుసుకొంటాడు. దర్యాప్తు చేస్తున్న క్రమంలో ఎన్నో సమస్యలను ఎదుర్కోవడమే కాకుండా రకరకాల ట్విస్టులు గౌతమ్‌ను కన్‌ఫ్యూజ్ చేస్తాయి. గౌతమ్‌ మర్డర్ మిస్టరీని ఎలా చేధించాడు? తన దర్యాప్తులో ముఖ్యమంత్రి అభ్యర్థి ఆలేరు శ్రీనివాస్‌కు ఎలాంటి కౌంటర్ ఇచ్చాడు? ట్రాఫిక్‌లో ఉండే గౌతమ్ క్రైమ్ సంఘటనను ఎందుకు దర్యాప్తు చేయాలనుకొంటాడు? తన అధికారులకు తెలియకుండా చేసే ఇన్వెస్టిగేషన్‌లో కలిసిన రంజిత్ ఏ విధంగా సహాయం అందించాడు? సినీనటి రమ్యకు హత్యలతో ఎలాంటి సంబంధం ఉంది? లాకప్ దిన పత్రిక ఎడిటర్ జేకేకు ఈ హత్యలకు సంబంధం ఏమిటి? అనే ప్రశ్నలకు సమాధానమే కపటధారి కథ