లవ్‌ లైఫ్‌ అండ్ పకోడి

లవ్‌ లైఫ్‌ అండ్ పకోడి సినిమా రొమాంటిక్ ఎంటర్టైనర్ చిత్రం ఇందులో బిమల్ కార్తీక్ రెబ్బ, సంచిత పూనాచా, హెబ్బల్ కృష్ణ తదితరు నటించారు. ఈ సినిమాకి దర్శకత్వం జయంత్ గాలి వహించారు. మధుర శ్రీధర్‌రెడ్డి సమర్పణలో వస్తున్న చిత్రానికి పవన్ సంగీత స్వరాలు అందించారు. కథ చిన్నతనం నుంచి వరుస బ్రేకప్స్‌కు గురైన అరుణ్ (కార్తీక్ బీమల్ రెబ్బా) మరోసారి రియా (సంచితా పూనంచా)తో రిలేషన్‌షిప్ పెట్టుకొంటాడు. పెళ్లికి ముందే శారీరక సంబంధం పెట్టుకొని వారిద్దరూ జీవనాన్ని కొనసాగిస్తుంటారు. ఓ దశలో పెళ్లి చేసుకొమని అరుణ్ ప్రపోజ్ చేస్తే నిర్మొహమాటంగా రియా తిరస్కరిస్తుంది. అరుణ్‌కు వరుస బ్రేకప్స్ ఎందుకు జరిగాయి? అరుణ్ తన తండ్రికి ఎందుకు దూరంగా ఉంటాడు? సహజీవనంలో వారికి ఎదురైన ఇబ్బందులు ఏమిటి? అరుణ్ పెళ్లి ప్రపోజల్‌ను రియా ఎందుకు తిరస్కరించింది? రియా తల్లికి జీవితంలో చేదు అనుభవం ఎమిటి? చివరకు రియా, అరుణ్ మధ్య రిలేషన్‌షిప్‌కు క్లైమాక్స్ ఏమిటి? ఈ ప్రేమ కథలో పకోడి ప్రాధాన్యత ఏమిటి అనే ప్రశ్నలకు సమాధానమే లవ్, లైఫ్ అండ్ పకోడి సినిమా కథ.