ఆక్సిజన్ (2017)

సంజీవ్(గోపీచంద్) దేశం కోసం ప్రాణాలను సైతం లెక్క చేయని సిన్సియర్ మిలటరీ ఆఫీసర్. సెలవుపై ఇంటికి వెళ్లిన అతడు ఊహించని సంఘటనలను ఎదుర్కొంటాడు. దేశ ప్రజలకు హాని చేసే సమస్యను పరిష్కరించేందకు తన మిలటరీ నెట్కర్‌ను ఉపయోగించి ‘ఆక్సీజన్' అనే మిషన్ మొదలు పెడతాడు. అచ్యుతాపురం అనే ఊరిలో జగపతి బాబు, షాయాజీ షిండే కుటుంబానికి పాత పగలు ఉంటాయి. జగపతి కుటుంబాన్ని చంపేందుకు షాయాజీ షిండే మనుషులు ప్రయత్నిస్తుంటారు. వాళ్ల ప్రయత్నాలను జగపతి కొడుకు(శ్యామ్), తమ్ముళ్లు అభిమన్యు సింగ్, బ్రహ్మాజీ ఈజీగా ఎదుర్కొంటారు. అయితే వీళ్లు కాకుండా మరో శత్రువు వీరి కుటుంబాన్ని మట్టుపెట్టేందుకు ప్రయత్నిస్తారు. అప్పటికే అన్నయ్య నాగినీడుని కోల్పోయిన జగపతి.... కుటుంబాన్ని కాపాడుకోవడానికి సిటీ నుండి ఊరికి మకాం మారుస్తారు. కూతురు(రాశిఖన్నా)కు పెళ్లి చేసి అమెరికా పంపిస్తే సేఫ్ గా ఉంటుందనే ఉద్దేశ్యంతో అమెరికా సంబంధం చూస్తారు. అమెరికా నుండి రాశి ఖన్నాను పెళ్లి చేసుకోవడానికి సాఫ్ట్ వేర్ ఇంజనీర్ కృష్ణ ప్రసాద్(గోపీచంద్) ఊరికొస్తాడు. ఓసారి షాయాజీ షిండే మనుషుల దాడి నుండి కుటుంబం మొత్తాన్ని కాపాడిన కృష్ణ ప్రసాద్ కుటుంబం దృష్టిలో హీరో అవుతాడు. కృష్ణ ప్రసాద్, రాశి ఖన్నా పెళ్లికి అంతా సిద్ధమైన తర్వాత కథలో ఊహించని మలుపు చోటు చేసుకుంటుంది. అప్పటి వరకు మంచి వాడిగా కనిపించిన కృష్ణ ప్రసాద్ అసలు రూపం బయట పడుతుంది. జగపతి కొడుకు శ్యామ్, తమ్ముడు బ్రహ్మాజీతో పాటు అతడి మనుషులను ఊచకోత కోసి రాశిఖన్నాను కిడ్నాప్ చేసి తీసుకెళతాడు. అసలు మిలట్రీ ఆఫీసర్ సంజీవ్‌కు, సాఫ్ట్ వేర్ ఇంజనీర్ కృష్ణ ప్రసాద్‌కు సంబంధం ఏమిటి? ‘అక్సీజన్' మిషన్ వెనక ఉన్న అసలు కథ ఏమిటి? అనేది తెరపై చూడాల్సిందే.