సోలో బ్రతుకే సో బెటర్ (2020)(U)

కథ

ప్రేమలు, పెళ్లిళ్లు, బంధాలు, అనుబంధాలంటే పట్టని విరాట్ (సాయిధరమ్ తేజ్) వైజాగ్‌లోని ఓ కాలేజీలో విద్యార్థి. లవ్, మ్యారేజ్, ఎమోషన్స్‌కు వ్యతిరేకంగా ప్రచారం చేసేందుకు సోలో బ్రతుకే సో బెటర్ అనే పుస్తకాన్ని రచిస్తాడు. తనకు బ్రహ్మచారులుగా ఎంతో ఖ్యాతి సంపాదించిన మాజీ ప్రధాని అటల్ బీహారి వాజ్‌పేయ్, మాజీ రాష్ట్రపతి అబ్దుల్ కలాం, సంఘ సేవకురాలు మదర్ థెరిస్సా, లతా మంగేష్కర్, సినీ నటుడు ఆర్ నారాయణమూర్తిని ఆదర్శంగా భావిస్తాడు. అలా బ్రహ్మచారిగా ఉండాలని, పెళ్లికి విరుద్ధంగా ఉండాలనుకొంటున్న సమయంలో ఓ సంఘటన తన జీవితంలో ఊహించని మార్పు తెస్తుంది. ఈ క్రమంలో తన సిద్దాంతాలను, భావాలను ఇష్టపడే అమృత (నభా నటేష్) తన జీవితంలోకి వస్తుంది. పెళ్లి చేసుకోవద్దని శపథం చేసిన విరాట్ జీవితంలో చోటుచేసుకొన్న మార్పు ఏమిటి? తనను అమితంగా ఇష్టపడే అమృత విరాట్ జీవితంలోకి వచ్చిన తర్వాత ఎలాంటి సంఘటనలు చోటుచేసుకొన్నాయి. మామ వేణు (రావు రమేష్) విరాట్ జీవితంపై ఎలాంటి ప్రభావం చూపించాడు. ఏ పరిస్థితుల్లో తన సిద్దాంతాన్ని మార్చుకోవడానికి విరాట్ సిద్ధపడ్డాడు అనే ప్రశ్నలకు తెర మీద సమాధానమే సోలో బ్రతుకే సో బెటర్ చిత్రం.