వజ్ర కవచదర గోవింద (2019)(U/A)

గోవిందు (సప్తగిరి) ఓ చిల్లర దొంగ. తన ఊరికి ఓ సమస్య రావడంతో దొంగగా మారుతాడు. గ్రామ సమస్యను తీర్చుతానని హామీ ఇచ్చిన ఎమ్మెల్యే ప్రసన్న లక్ష్మి (అర్చన) మోసం చేయడంతో దిక్కుతోచని పరిస్థితుల్లో పడుతాడు. ఇలాంటి సమయంలో నిధుల కోసం వేటాడే ముఠా తారసపడుతుంది. వారితో కలిసి వేట మొదలుపెట్టిన గోవిందుకు ఓ అరుదైన వజ్రం లభిస్తుంది. 

గోవిందుకు లభించిన వజ్రం తన గ్రామ సమస్యకు పరిష్కారం చూపిందా? ఆ వజ్రం గోవిందుకు ఎలాంటి ఇబ్బందులను తెచ్చిపెట్టింది?. ఎమ్మెల్యే ప్రసన్న లక్ష్మి మనుసు మార్చడానికి గోవిందు ఏం చేశాడు? జబర్దస్త్ టీం ఏ మేరకు హాస్యాన్ని పండించింది. వైభవి జోషి అందచందాలు ఆకట్టుకొన్నాయా? అనే ప్రశ్నలకు సమాధానమే వజ్ర కవచధర గోవింద చిత్రం.