ప‌వ‌న్ క‌ళ్యాణ్ గ‌త 5 సినిమాల వ‌ర‌ల్డ్ వైడ్ క‌లెక్ష‌న్స్‌

ప‌వ‌న్ క‌ళ్యాణ్ హీరోగా సాగ‌ర్ కె.చంద్ర ద‌ర్శ‌క‌త్వంలో రూపొందిన చిత్రం భీమ్లా నాయ‌క్. మ‌ల‌యాళ చిత్రం అయ్య‌ప్ప‌నుమ్ కోశియ‌మ్‌కు ఇది రీమేక్‌. గ‌త ఏడాది విడుద‌లైన ఈ చిత్రంలో రానా ద‌గ్గుబాటి కూడా కీల‌క పాత్ర‌లో న‌టించిన సంగ‌తి తెలిసిందే. ఈ సినిమా ప్ర‌పంచ వ్యాప్తంగా హిట్ టాక్‌తో రూ.160 కోట్లకు పైగా గ్రాస్ వసూళ్ల‌ను సాధించింది. సితార ఎంట‌ర్‌టైన్మెంట్స్ బ్యాన‌ర్‌పై సూర్య‌దేవ‌ర నాగ‌వంశీ నిర్మించిన ఈ సినిమా స్క్రీన్ ప్లే, మాట‌లు, పాట‌ను త్రివిక్ర‌మ్ రాయటం విశేషం. 

జ‌న‌సేన పార్టీతో సినిమాల‌కు కొంత కాలం దూరంగా ఉంటూ వ‌చ్చిన ప‌వ‌న్ క‌ళ్యాణ్ వ‌కీల్ సాబ్ సినిమాతో రీ ఎంట్రీ ఇచ్చారు. 2021లో విడుద‌లైన ఈ చిత్రం బాలీవుడ్ మూవీ పింక్‌కి రీమేక్‌. వేణు శ్రీరామ్ ద‌ర్శ‌క‌త్వం వ‌హించారు. ఈ సినిమా వ‌ర‌ల్డ్ వైడ్‌గా రూ.140 కోట్లు గ్రాస్ వ‌సూళ్ల‌ను సాధించింది. దిల్ రాజు ఈ మూవీని నిర్మించారు. ఈ సినిమా మేకింగ్‌లోనూ త్రివిక్ర‌మ్ కీల‌క భూమిక‌ను పోషించారు. 

ప‌వ‌న్ క‌ళ్యాణ్‌, త్రివిక్ర‌మ్ కాంబినేష‌న్‌లో వ‌చ్చిన మూడో సినిమా. అంత‌కు ముందు వ‌చ్చిన జ‌ల్సా, అత్తారింటికి దారేది చిత్రాలు హిట్ కావ‌టంతో అజ్ఞాత‌వాసిపై భారీ ఎక్స్‌పెక్టేష‌న్స్ నెల‌కొన్నాయి. అయితే ఈ సినిమా డిజాస్ట‌ర్ అయ్యింది. సినిమాకు నెగెటివ్ టాక్ వ‌చ్చిన‌ప్ప‌టికీ ప‌వ‌న్ క‌ళ్యాణ్ ఫ్యాన్స్ బేస్‌, క్రేజ్‌తో సినిమా ప్రపంచ వ్యాప్తంగా రూ.105 కోట్లు గ్రాస్ వ‌సూళ్ల‌ను సినిమా రాబ‌ట్టుకోవ‌టం విశేషం. 

గ‌బ్బ‌ర్ సింగ్ ప‌వ‌న్ క‌ళ్యాణ్ కెరీర్ వ‌న్ ఆఫ్ ది బిగ్గెస్ట్ హిట్. అదే టైటిల్‌కు స‌ర్దార్ అనే జ‌త చేసి రూపొందిన స‌ర్దార్ గ‌బ్బ‌ర్ సింగ్ కోసం ఫ్యాన్స్‌, ప్రేక్ష‌కులు, ట్రేడ్ వ‌ర్గాలు ఎంతో ఆస‌క్తిగా ఎదురు చూశాయి. డైరెక్టర్ బాబీ తెర‌కెక్కించిన ఈ చిత్రం బాక్సాఫీస్ ద‌గ్గ‌ర బోల్తా కొట్టింది. అయితేనేం మూవీకి వ‌రల్డ్ వైడ్‌గా రూ.85 కోట్లు గ్రాస్ రావ‌టం హాట్ టాపిక్‌గా మారింది. అంటే సినిమా ఎలా ఉన్నా, ప‌వ‌న్ మూవీకి మినిమం క‌లెక్ష‌న్స్ ఉంటాయ‌ని మ‌రోసారి ఇది ప్రూవ్ చేసింది. 

గ‌బ్బ‌ర్ సింగ్ త‌ర్వాత ప‌వ‌న్ క‌ళ్యాణ్, శ్రుతీ హాస‌న్ జంట‌గా న‌టించిన చిత్రం కాట‌మ రాయుడు. కిషోర్ కుమార్ పార్థ‌సాని అలియాస్ డాలీ తెర‌కెక్కించిన ఈ సినిమా త‌మిళ చిత్రం వీర‌మ్‌కు రీమేక్‌. ఈ సినిమా ఆశించిన స్థాయిలో విజ‌యాన్ని అందుకోలేక‌పోయింది. రూ.97 కోట్ల‌కు పైగా గ్రాస్ క‌లెక్ష‌న్స్ సాధించింది కాట‌మ‌రాయుడు మూవీ.