వావ్ అనిపించేలా నిఖిల్ పాన్ ఇండియా ప్రాజెక్ట్స్ లైన‌ప్‌..!

నిఖిల్ హీరోగా న‌టిస్తోన్న తాజా పాన్ ఇండియా మూవీ ‘స్పై’. నేతాజీ సుభాష్ చంద్రబోస్ చావు వెనుక కారణం తెలుసుకోవటంతో పాటు ఆయన బతికి ఉన్నాడా లేదా? అనే కాన్సెప్ట్‌తో రూపొందింది. తెలుగు, హిందీ, క‌న్న‌డ‌, మ‌ల‌యాళ‌,త‌మిళ భాష‌ల్లో మూవీ జూన్ 29న రిలీజ్ కానుంది. ఎడిట‌ర్ గ్యారీ బి.హెచ్ ఈ చిత్రంతో ద‌ర్శ‌కుడిగా మారుతున్నారు. ఐశ్వ‌ర్యా మీన‌న్ హీరోయిన్‌గా న‌టించింది. 

రామ్ చ‌ర‌ణ్ నిర్మాత‌గా యువీ క్రియేష‌న్స్ విక్ర‌మ్‌తో క‌లిసి మెగా వి పిక్చ‌ర్స్ అనే కొత్త ప్రొడ‌క్ష‌న్ హౌస్‌ను స్టార్ట్ చేశారు. అందులో ముందుగా అనౌన్స్ చేసిన చిత్రం ది ఇండియా హౌస్‌. వీర్ సావ‌ర్క‌ర్ జీవితంలో జ‌రిగిన కొన్ని ఘ‌ట‌న‌ల‌ను ఆధారంగా చేసుకుని ఈ సినిమాను రూపొందిస్తున్నారు. రామ్ వంశీ ఈ చిత్రంతో ద‌ర్శ‌కుడిగా పరిచ‌యం అవుతున్నారు. 

నిఖిల్ మొట్ట మొద‌టిసారి ఓ యుద్ధ వీరుడిగా న‌టిస్తోన్న చిత్రం ‘స్వయంభు’. రీసెంట్‌గా త‌న పుట్టిన‌రోజున టైటిల్‌తో పాటు పోస్ట‌ర్‌ను మేక‌ర్స్ విడుద‌ల చేశారు. ఇందులో నిఖిల్ గుర్రంపై కూర్చుని యుద్ధ‌వీరుడిలా క‌నిపిస్తున్నారు. చియాన్ విక్ర‌మ్‌ ‘కోబ్రా’ మూవీకి రైటర్ గా వర్క్ చేసిన భారత్ కృష్ణమాచారి ఈ సినిమా డైరెక్ట్ చేయబోతున్నారు. కెజియ‌ఫ్ చిత్రానికి  మ్యూజిక్ చేసిన‌ రవి బస్రూర్ సంగీతం అందిస్తున్నారు. 

నిఖిల్‌ను కెరీర్‌లో స్వామిరారా త‌ర్వాత వ‌చ్చిన కార్తికేయ బ్లాక్ బ‌స్ట‌ర్ మూవీగా నిలిచింది. దానికి కొన‌సాగింపుగా వ‌చ్చిన కార్తికేయ 2 మూవీ ఏకంగా పాన్ ఇండియా మూవీలో సూప‌ర్ డూప‌ర్ హిట్ మూవీగా నిలిచింది. అందులోనే తాము కార్తికేయ 3 చేయ‌బోతున్నామ‌ని ప్ర‌క‌టించారు. దానికి సంబంధించిన క‌థను సిద్ధం చేస్తున్నారు డైరెక్ట‌ర్ చందు మొండేటి. 

కెరీర్ స్టార్టింగ్‌లో నిఖిల్ వ‌రుస ప‌రాజ‌యాల‌తో ఇబ్బంది ప‌డుతున్న స‌మ‌యంలో ‘స్వామిరారా’ చిత్రంతో త‌న‌కు బ్రేక్ వ‌చ్చింది. ఆ సినిమాను తెర‌కెక్కించిన ద‌ర్శ‌కుడు సుధీర్ వ‌ర్మ‌తో నిఖిల్‌కి మంచి అనుబంధం ఉంది. ఆ త‌ర్వాత వీరి కాంబినేష‌న్‌లో వ‌చ్చిన ‘కేశవ’ సినిమా కూడా హిట్ అయ్యింది. త్వరలోనే వీరి కాంబోలో హ్యాట్రిక్ మూవీ తెరకెక్కనుంది. ప్రస్తుతం ప్రీ ప్రొడక్షన్ పనులు జరుగుతున్నాయి.