చిరంజీవికి మెగా‘స్టార్‌డమ్‌’ తెచ్చిన రీమేక్ సినిమాలు

చిరంజీవి హీరోగా ఎస్.ఏ.చంద్ర శేఖర్ దర్శకత్వంలో తెరకెక్కిన ‘చట్టానికి కళ్లులేవు’ సినిమా.. తమిళంలో ఎస్.ఏ.చంద్రశేఖర్ దర్శకత్వంలో విజయకాంత్ హీరోగా తెరకెక్కిన ‘సట్టమ్ ఓరు ఇరుత్తారాయ్’ సినిమాకు రీమేక్‌గా తెరకెక్కింది. ఈ సినిమా తెలుగులో మంచి విజయం సాధించింది. 

1983లో వచ్చిన ఖైదీ రీమేక్‌ కాకపోయినా.ఫస్ట్‌బ్లడ్‌ అనే సినిమా ఆధారంగా తెరకెక్కించారు. చిరంజీవికి స్టార్‌డమ్‌ తెచ్చిపెట్టిన సినిమా ఇది. కోదండరామిరెడ్డి దర్శకత్వంలో వచ్చిన ఈ సినిమాలో మాధవి, సుమలత, రావుగోపాల్‌రావు కీలక పాత్రల్లో నటించారు.చిరంజీవికి స్టార్‌డమ్‌ తెచ్చిపెట్టిన సినిమా ఇది.

ఏ.కోదండరామిరెడ్డి దర్శకత్వంలో తెరకెక్కిన ‘విజేత’ . హిందీలో అనిల్ కపూర్ హీరోగా తెరకెక్కిన ‘సాహెబ్’ సినిమాకు రీమేక్‌గా తెరకెక్కింది. తెలుగులో ‘విజేత’ మూవీ సూపర్ హిట్‌గా నిలిచింది.

ఏ.కోదండరామిరెడ్డి దర్శకత్వంలో మెగాస్టార్ చిరంజీవి హీరోగా తెరకెక్కిన ‘పసివాడి ప్రాణం’ సినిమా.. మలయాళంలో మమ్ముట్టి హీరోగా తెరకెక్కిన ‘పూవిన్ను పుతియా పుంతెన్నెల్’ సినిమాకు రీమేక్‌గా తెరకెక్కింది. ‘పసివాడి ప్రాణం’ సినిమా బాక్సాఫీస్ దగ్గర ఇండస్ట్రీ హిట్‌గా నిలిచింది. ఈ సినిమాతో చిరంజీవి టాలీవుడ్ నంబర్ వన్ హీరోగా తన స్థానాన్ని సుస్థిరం చేసుకున్నారు

కే.యస్.రవికుమార్ దర్శకత్వంలో చిరంజీవి, విజయ్ కుమార్ హీరోలుగా తెరకెక్కిన ‘స్నేహం కోసం’ సినిమాను తమిళంలో అదే కే.యస్.రవికుమార్ దర్శకత్వంలో శరత్ కుమార్, విజయ్ కుమార్ హీరోలుగా తెరకెక్కిన ‘నట్పుక్కగ’ సినిమాగా తెరకెక్కింది. ప్రేక్షకులతో కన్నీళ్లు పెట్టించింది ఈ సినిమా.

విజయబాపినీడు దర్శకత్వంలో చిరంజీవి హీరోగా తెరకెక్కిన ‘ఖైదీ నంబర్ 786’ సినిమా తమిళంలో విజయకాంత్ హీరోగా తెరకెక్కిన ‘అమ్మన్ కోవిల్ కిళావలే’ సినిమాకు రీమేక్‌గా తెరకెక్కింది. ఈ చిత్రం బాక్సాఫీస్ దగ్గర బ్లాక్ బస్టర్‌గా నిలిచింది.

1986లో వచ్చిన ‘అనురాగ ఆరాలితు’ కన్నడ చిత్రానికి రీమేక్‌గా ‘ఘరానా మొగుడు’ను రాఘవేంద్రరావు తెరకెక్కించారు. చిరంజీవి, నగ్మా జంటగా నటించారు. తెలుగులో రూ.10కోట్లు వసూలు చేసిన తొలి సినిమా ఇదే. ఈ సినిమాతో దేశంలోనే మన మెగాస్టార్‌ అత్యధిక పారితోషికం తీసుకున్న హీరోగా అవతరించారు. 1993లో ఇంటర్నేషనల్‌ ఫిల్మ్‌ ఫెస్టివల్‌లో కూడా ఈ సినిమా ప్రదర్శితమైంది.

ముత్యాల సుబ్బయ్య దర్శకత్వంలో చిరంజీవి హీరోగా నటించిన ‘హిట్లర్’ మూవీ. మలయాళంలో మమ్ముట్టి హీరోగా అదే ‘హిట్లర్’ టైటిల్‌తో తెరకెక్కిన సినిమాకు రీమేక్‌గా తెరకెక్కింది. ఈ చిత్రం బాక్సాఫీస్ దగ్గర బ్లాక్ బస్టర్‌గా నిలిచింది. ఈ సినిమా సక్సెస్‌తో చిరంజీవి తన పంథా మార్చారు.

వి.వి.వినాయక్ దర్శకత్వంలో మెగాస్టార్ చిరంజీవి హీరోగా నటించిన ‘ఠాగూర్’ మూవీ తమిళంలో ఏ.ఆర్.మురుగదాస్ దర్శకత్వంలో విజయకాంత్ హీరోగా తెరకెక్కిన ‘రమణ’ సినిమాకు రీమేక్‌గా తెరకెక్కింది. ఈ చిత్రం బాక్సాఫీస్ దగ్గర బ్లాక్ బస్టర్‌గా నిలిచింది.

మెగాస్టార్ చిరంజీవి కమ్ బ్యాక్ మూవీ ‘ఖైదీ నంబర్ 150’ చిత్రం కూడా తమిళంలో విజయ్ హీరోగా నటించిన ‘కత్తి’ సినిమాకు రీమేక్‌గా తెరకెక్కింది. ఈ సినిమా బాక్సాఫీస్ దగ్గర సూపర్ హిట్‌గా నిలిచింది. బాక్సాఫీస్‌ వద్ద ఈ చిత్రం భారీ కలెక్షన్లు రాబట్టింది.