రామ్ గోపాల్ వర్మ దగ్గర శిష్యరికం చేసిన తెలుగు డైరెక్టర్స్ వీళ్లే..!

టాలీవుడ్‌లో క్రియేటివ్ డైరెక్టర్ గా తనకంటూ ప్రత్యేక గుర్తింపు తెచ్చుకున్నారు దర్శకుడు కృష్ణ వంశీ. తెలుగు ఇండస్ట్రీలో రామ్ గోపాల్ వర్మకు ఎంతో మంది శిష్యులున్నారు. అందులో కృష్ణవంశీ ఒకరు.  ఎన్నో అద్భుతమైన సినిమాలను అందించారు. సిందూరం, మురారి, ఖడ్గం ఇలా చెప్పుకుంటూ పొతే చాలా సినిమాలు ఉన్నాయి. కృష్ణవంశీ ఈ మధ్య కాలంలో సినిమాలు తగ్గించారు. గోవిందుడు అందరివాడేలే సినిమా తర్వాత గ్యాప్ తీసుకున్నారు.  రంగమార్తాండ అనే సినిమాతో ప్రేక్షకుల ముందుకు వచ్చి .. బ్లాక్ బస్టర్ హిట్ కొట్టాడు   

తెలుగు లో టాప్ డైరెక్టర్ అయినా పూరి జగన్నాధ్ ఇండస్ట్రీ కి వచ్చి ఒక మంచి డైరెక్టర్ గా పేరు సంపాదించుకున్నాడు. వరుసగా పెద్ద హీరోలతో సినిమాలు చేస్తూ ఇండస్ట్రీ లో తన సినిమాలకి ప్రత్యేకమైన స్థానం సంపాదించారు. పూరి ని రోల్ మోడల్ గా తీసుకొని ఇండస్ట్రీ కి వచ్చిన వాళ్లు చాల మంది వున్నారు. పూరీ జగన్నాథ్ దర్శకుడు రామ్ గోపాల్ వర్మ శిష్యడు .  గురువు బాటలో డాషింగ్ డైరెక్టర్‌గా అనే పేరు వచ్చింది. ఇండస్ట్రీ లో తనతో పాటు ఉన్న డైరెక్టర్స్ ఎవ్వరికీ సాధ్యం కాని రీతిలో చాలా తక్కువ టైమ్ లోనే సినిమాలు తీస్తూ టాలీవుడ్ లో టాప్ డైరెక్టర్ గా ఎదిగాడు. 

కెరీర్ మొదటి నుంచి ఒక రకమైన చిత్రాలకు పరిమితం కాకుండా డిఫరెంట్ స్టైల్లో సినిమాలు తీసుకుంటూ తన ప్రత్యేకతను చాటుకున్నారు గుణశేఖర్. దర్శకుడిగా మారక ముందు ప్రముఖ రచయతలు డీవీ నరస రాజు, ప్రముఖ దర్శకులు క్రాంతి కుమార్, రామ్ గోపాల్ వర్మ దగ్గర అసిస్టెంట్‌గా పనిచేసారు. దర్శకుడిగా గుణశేఖర్ మొదటి చిత్రం  ‘లాఠీ’. మహేష్ బాబుతో తెరకెక్కించిన ‘ఒక్కడు’ సినిమా సంచలన విజయం సాధించింది. ఈ సినిమా బాక్సాఫీస్ దగ్గర మంచి విజయాన్నే అందుకుంది. ఆ తర్వాత వరుసగా మహేష్ బాబుతో ‘అర్జున్’, ‘సైనికుడు’ సినిమాలు తెరకెక్కించాడు. ఈ సినిమాలేవి బాక్సాఫీస్ దగ్గర సరైన విజయాలను అందుకోలేదు. అల్లు అర్జున్‌తో తీసిన ‘వరుడు’ సినిమాతో పాటు రవితేజతో తీసిన ‘నిప్పు’సినిమాలు గుణశేఖర్‌కు తీవ్ర నిరాశకు గురిచేసాయి. 2015లో అనుష్క ప్రధాన పాత్రలో అల్లు అర్జున్, రానాలతో తెరకెక్కించిన ‘రుద్రమదేవి’ సినిమా గుణశేఖర్‌కు మంచి పేరు తీసుకొచ్చింది. ప్రస్తుతం గుణ శేఖర్ దర్శకత్వం వహించిన సమంత  ప్రధాన పాత్రలో నటించిన ‘శాకుంతలం’ మూవీ ఫిబ్రవరి 17న విడుదల కానుంది 

రామ్ గోపాల్ వ‌ర్మ శిష్యుడు డైరెక్టర్ తేజ.  ఒక‌ప్పుడు ల‌వ్‌స్టోరితో బ్లాక్ బ‌స్ట‌ర్స్ కొట్టి స‌క్సెస్‌కు కేరాఫ్ అడ్ర‌స్‌గా మారిన డైరెక్ట‌ర్ ఎవ‌రంటే చ‌టుక్కున వినిపించే పేరు డైరెక్ట‌ర్ తేజ‌. టాలీవుడ్ లో యంగ్ స్టార్ హీరోలను పరిచయం చేసిన ఘనత డైరెక్టర్ తేజ కే దక్కుతోంది. జ దర్శకుడిగా తన కంటూ ప్రత్యేక గుర్తింపు తెచ్చుకొని ‘చిత్రం’, నువ్వు నేను’, జయం వంటి పలు సూపర్ హిట్ చిత్రాలను తీశారు. ప్రస్తుతం స్టార్ హీరోలుగా కొనసాగుతున్న కుర్ర హీరోలు తేజ చేతిలో పడి బయటికి వచ్చినవారే.  దర్శకుడు తేజ గత కొంత కాలంగా ఫామ్ కోల్పోయినట్లుగా కనిపిస్తున్నాడు.ఆ మధ్య నేనే రాజు నేనే మంత్రితో హిట్ కొట్టి త‌న ఉనికి చాటుకున్నారు. 

హరీష్ శంకర్ రామ్ గోపాల్ వర్మ శిష్యలలో ఒక్కరు. తెలుగులో కమర్షియల్ డైరెక్టర్‌గా పేరు తెచ్చుకున్న వ్యక్తి హరీష్ శంకర్‌. తీసినవి కొద్ది సినిమాలే అయినా అందులో ‘మిరపకాయ్, గబ్బర్ సింగ్, డీజే, గద్దలకొండ గణేష్’ వంటి బ్లాక్ బస్టర్లు కూడా ఉన్నాయి. పవర్ స్టార్ పవన్ కళ్యాణ్‌ వీరాభిమాని హరీష్ శంకర్ గబ్బర్ సింగ్ హిట్ తర్వాత ఇప్పుడు ‘ఉస్తాద్ భగత్‌సింగ్’ అనే తీస్తున్నాడు 

రామ్ గోపాల్ వర్మతో కలిసి వంగవీటి సినిమాకి ఎగ్జిక్యూటివ్ డైరెక్టర్ గా, కిల్లింగ్ వీరప్పన్ సినిమాకు చీఫ్ కో డైరెక్టర్ గా, ఎటాక్, వీర, దూసుకెళ్తా వంటి సినిమాలకు అసోసియేట్ డైరెక్టర్ గా పనిచేశాడు అజయ్ భూపతి. 2018లో ఆర్‌ఎక్స్‌ 100 సినిమాకి తొలిసారిగా దర్శకత్వం వహించాడు. అజయ్ భూపతి 2019లో ఉత్తమ తొలి తెలుగు దర్శకుడిగా సైమా అవార్డును అందుకున్నాడు. ఈయన  ఆతర్వాత ‘మహా సముద్రం’ సినిమాను తెరకెక్కించారు. ఈ మూవీ అంతగా వర్కౌట్ కాలేదు.  అజయ్ భూపతి కాంపౌండ్‌ నుంచి వస్తున్న మరో సినిమా మంగళవారం. ఈ చిత్రం తెలుగు, తమిళం, కన్నడ, మలయాళ భాషల్లో గ్రాండ్‌గా విడుదల కానుంది.

రామ్ గోపాల్ వర్మ శిష్యుల్లో మనీ  ఫేమ్ దర్శకుడు శివ నాగేశ్వరరావు ఒకరు. అసలు ఆర్జీవి శిష్యుడు శివనాగేశ్వరరావు అనే కంటే.. వర్మకు దర్శకుడిగా శివ సినిమా సమయంలో క్లాప్ బోర్డ్ పట్టుకోవడం దగ్గర నుంచి ఓ దర్శకుడు ఏమేమి చేయాలో అంత దగ్గరుండి వర్మకు అందులో ఓనమాలు నేర్పించారు శివ నాగేశ్వరరావు. ఆ తర్వాత  వర్మ.. తనకు దర్శకత్వంలో మెలకువలు నేర్పిన శివ నాగేశ్వరరావుకు ‘మనీ’ సినిమాతో దర్శకుడిగా ఛాన్స్ ఇచ్చాడు.  

జెడీ చక్రవర్తి రామ్ గోపాల్ వర్మ తెరకెక్కించిన  శివ  సినిమాలో జెడీగా పరిచయమయ్యారు. ఆ తర్వాత దర్శకుడిగా సిద్దం, హోమం చిత్రాలు డైరక్ట్  చేసారు 

‘లక్ష్మీస్ ఎన్టీఆర్’ చిత్రంతో అగస్త్య మంజు దర్శకుడిగా పరిచయం అయ్యారు. ఈయన ధహనం (2022), బ్యూటిఫుల్ (2020) మరియు కరోనావైరస్ (2020)  పలు చిత్రాలను తెరకెక్కించారు.

 రామ్ గోపాల్ వర్మ తెరకెక్కించిన  శివ సినిమాతో పరిచయమైన చిన్నా (జితేందర్ రెడ్డి) ఆ తర్వాత దర్శకుడిగా ‘ఆ ఇంట్లో’ వంటి పలు చిత్రాలను డైరెక్ట్ చేసాడు

రక్ష సినిమాతో ఆకెళ్ల వంశీ కృష్ణను దర్శకుడిగా పరిచయం చేసిన రామ్ గోపాల్ వర్మ. వంశీ కృష్ణ ఆకెళ్ల ది ట్రిప్ (2021) , అనుమానస్పదం (2007) మరియు రక్ష (2008) చిత్రాలతో మంచి గుర్తింపు పొందారు