ఇచ్చట వాహనములు నిలుపరాదు (2021)(U/A)

కథ

డిజైన్ స్టూడియోలో అర్కిటెక్ట్‌గా పనిచేసే అరుణ్ (సుశాంత్) అదే కంపెనీలో పనిచేసే మీనాక్షి (మీనాక్షి చౌదరీ)తో ప్రేమలో పడుతాడు. మీనాక్షి సోదరుడు నర్సింగ్ యాదవ్ (వెంకట్) ఓ కాలనీలో చిన్నపాటి లీడర్‌గా ఉంటారు. అదే ఏరియాలో మీనాక్షిని కలువడానికి వెళ్లిన అరుణ్ ఓ చోట నో పార్కింగ్ బోర్డు ఉన్న ప్రాంతంలో బైక్ పార్క్ చేస్తాడు. ఆ సమయంలోనే టెలివిజన్ నటి హత్య జరుగడం, ఆ హత్యా నేరం అరుణ్‌పై పడటం జరుగుతుంది. టెలివిజన్ నటి హత్య ఎందుకు జరుగుతుంది? ఆ నేరం అరుణ్‌పైనే ఎందుకు పడింది. నటి హత్యకు కారణం ఎవరు? నటిని ఎందుకు హత్య చేశారు? అరుణ్‌ను ఈ కేసు నుంచి బయట పడేసేందుకు వచ్చిన పులి (ప్రియదర్శి) కనిపించకుండా పోవడానికి కారణం ఏమిటి? ఈ హత్యా నేరం నుంచి అరుణ్ బయటపడ్డారా? మీనాక్షి, అరుణ్ ప్రేమకు ముగింపు ఏమిటి అనే ప్రశ్నలకు సమాధానమే ఇచ్చట వాహనములు నిలుపరాదు సినిమా కథ.