మంచు కురిసే వేళలో

మంచు కురిసే వేళలో సినిమా రొమాంటిక్ ఎంటర్టైనర్ చిత్రం ఇందులో రామ్ కార్తిక్, ప్రణాళి గోఘరే త‌దిత‌రులు ప్ర‌ధాన పాత్ర‌ల్లో నటించారు. ఈ సినిమాకి దర్శకత్వం బాల బొదెపుడి  వహించారు మరియు నిర్మాత  హరి బాలసుబ్రమణ్యం బొదెపుడి నిర్మించారు. ఈ చిత్రానికి సంగీతం శర్వన్ భరద్వజ్ అందించారు.  కథ ఇంజినీరింగ్ చదువుకొనే ఆనంద్ కృష్ణ (రామ్ కార్తీక్) రేడియో జాకీగా పనిచేస్తుంటాడు. వైజాగ్ సముద్ర తీరంలో గీత (ప్రణాళి గోఘరే)‌ను తొలిచూపులోనే ప్రేమిస్తాడు. రేడియో చాట్ షోలో లవ్ బ్రేకప్ అయిన శ్రీను ( కీ. శే.సాయి విజయ్) ఆత్మహత్య చేసుకోవాలనుకొంటాడు. కానీ లవ్ ఫెయిల్యూర్ అసలు ఉండదు. ప్రేమకు వైఫల్యం ఉండదు అని తన ఆలోచనను మార్చుకొనేలా చేస్తాడు. అందుకు ఉదాహరణగా తన ప్రేమ కథను రేడియోలో వినిపిస్తాడు. తనను అమితంగా ఇష్టపడే గీతకు తన లవ్ ప్రపోజ్ చేస్తే రిజెక్ట్ చేయడం గురించి చెబుతాడు. అప్పటికే ప్రకాష్‌తో ప్రేమలో ఉన్న గీత ఓ విషాదంలో కూరుకుపోతుంది. ఆనంద్ కృష్ణ లవ్ ప్రపోజల్‌ను గీత ఎందుకు రిజెక్ట్ చేసింది. గీత రిజెక్ట్ చేస్తే ఆనంద్ పరిస్థితి ఎలా మారింది? గీతకు తన లవర్ ప్రకాశ్‌ ఎందుకు దూరమయ్యాడు? గీత జీవితంలో చోటుచేసుకొన్న విషాదం ఏమిటి? లవ్ ఫెయిల్యూర్ అయిన శ్రీను ప్రేమ ఫలించిందా? ఆనంద కృష్ణ, ప్రకాశ్‌లలో గీత ఎవరికి దక్కింది అనే ప్రశ్నలకు తెర మీద సమాధానమే మంచు కురిసే వేళలో చిత్రకథ.